Balak 10 (Bukid)

in #poetry6 years ago

BUKID

Pangandoy ko nga magpuyo didto sa bukid,
Sa gamay nga payag ako maga ligid-ligid,
Samtang gihuyop sa bugnaw nga hangin,
Mga problema sa kinabuhi sa syudad ko ibilin.

Mag tanum ko'g dghang kamote,
Saging, lagutmon ug mga kalibre,
Biyaan ko ang syudad ug ang trabaho,
Kay gikapoy nako sa gamay nga sweldo.

Sa bukid ako magpahayahay,
Huni sa mga langgam maoy kalipay,
Presko nga hangin akong tagamtamon,
Mga kahoy ug prutas akong itanom

Ang problema kung asa nga bukid ako moadto
Didto sa amo cge gyera rebelde ug sundalo
Wa na sab mga kahoy ug mga kahayupan
Kay sa illegal loggers kini giupawan

Mag unsa na lang ang bag.ong henerasyon
Wa nay kabukiran silang paga adtoon
Tungod kay kadaghanan wala na magpakabana
Kabukiran nahanaw na ug nawala.

_________________________________________________________________

Inyong higala sa kanunay
@redspider

Coin Marketplace

STEEM 0.29
TRX 0.12
JST 0.035
BTC 64646.46
ETH 3357.15
USDT 1.00
SBD 4.44