Buong araw nakatuon ako sa iyo
Naharap sa mga pag-aaralan ko
Naghahanda para sa pasulit bukas
Maudyukan narin ang paghihirap sa wakas

Berdeng kulay na kung tawagin ay itim
"Pisara" na may kulay na pagkadilim
Puno ng aral at kapana-panabik na paksa
Sa lipunan, matematika o maging sa siyensiya

Ang daan sa pagkamit ng mga pangarap
Ang unang naging susi sa luwag na hinaharap
Maging kung ano man ang ating hinahangad
Sa umaga ang pag-asenso ay bubungad

Nawa'y sana ito'y inyong nagustuhan :)