"Dakilang Lumpo" : A Filipino Poetry
Magandang umaga Steemians! Nais ko lang gumawa ng aking sariling kath. Naway suportahan ninyo at makilahok sa #wordchallenge na paligsahan. Ito'y hindi isang opisyal na entry. Kung nais ninyong sumali sa paligsahan, narito ang mga opisyal na links :
Word Poetry Challenge #13 : "Pilipinas" | Tagalog Edition
Word Poetry Challenge #11 : "Home" | English Edition
"Dakilang Lumpo"
Photosource
Matayog at nangunguna sa listahan
Panalo sa mga paligsahan ng paaralan
Mga groupings, ako'y pinag-aagawan
Dakila talaga sabi ng aking mga kaklase
Sa paggawa ng proyekto grabe ibang klase
Di matitinag at laging nangingibabaw
Oral recitations siya ang laging tinatanaw
Bawat grading period palaging nangunguna
Sa lahat ng subject talagang kapuna-puna
Ang tataas, hirap abutin ng pangalawa
Ang dali lang makuha pero ang hirap para sa kanila
Ngunit sa aking pagkadakila'y may nakataong lumpo
Lumpong di makatayo sa sariling desisyon ko
Bawat kilos, hindi ko ito ginusto
Lahat ng ito ay nais ng magulang ko
Ang nais ko lang naman sana ay maging masaya
Mag-enjoy sa lahat ng aking mga ginagawa
Ngunit ako'y lumpo, hindi makagalaw sa sariling paa
Palaging nagdurusa, buhay ay hindi payapa
Nawa'y sana ito'y inyong nagustuhan :)
Ito'y makabagbag-damdaming :) Maraming salamat sa iyong piyesa :)