100 Tula mula sa akin: Poem 04- Buntong Hininga ❤

"Hay" isang malalim na buntong hininga,
Mula sa taong nagsasabing "nakakapagod na".
Mundong patuloy na umiikot, paulit ulit na,
Pagsubok na di nauubos, "Kaya pa ba?"

"Hay" isang malalim na buntong hininga,
Mula sa taong pasuko na, "ayoko na".
Pilit kong sinusubukang kumapit pa,
Patuloy na sinasambit, "kaya mo pa!"

"Hay" isang malalim na buntong hininga,
Mula sa kaibigang wika ay "konti pa".
Paalalaa na ang Diyos ay sasamahan ka,
Suliranin ay malalampasan, "ikaw pa ba?"

"Hay" isang malalim na buntong hininga,
Mula sa taong nagkaroon ng pag-asa, "kapit pa."
Mga bagay na 'to ay pansamantala,
Makakaya din natin 'to, "Magtiwala ka".

Isang makapagdamdaming tula a muling pagbabalik ng aking 100 tula challenge! Hahaha! Sa mga may pinagdadaanan tulad ko lol kapit lang mga bes! Malalampasan natin to! 😂

---

Thank you for reading! ✨

-Dy

---