Plus-kodoj: poŝtkoda sistemo por la tuta mondo

in plus-codes •  4 months ago

Hodiaŭ mi rigardis aferojn en Google Maps kiel mi kutime faras, kaj mi rimarkis elementon kiun mi ankoraŭ ne vidis antaŭe: plus-kodoj. Plus-kodoj estas sistemo inventita en Google Zürich, tute malferma, libere uzebla sub Apache 2.0 permesilo (kiu ebligas fari kion ajn vi volas esence, kun aldonaj protektoj pri patentoj, tiel pli sekura ol kutima MIT-permesilo ktp por uzado de entreprenoj ktp).

La kodoj estas uzeblaj en diveraj niveloj. Kutima uzado estus mallonga kodo kun nomo de la loko, ekzemple WF77+GQ Rotterdam, sed ankaŭ eblas uzi nur kodon por indiki mondnivele. Uzado de landonomoj neniel estas necesa, tiel la sistemo estas uzebla sen graveco de politiko pri la regiono, post ŝanĝo de landonomo kaj landoposedo, kaj la sistemo estas precizigebla ĝis kiom oni bezonas. Kutima uzado estas ĝis grandeco de kutima konstruaĵo, kaj la sistemo eĉ uzeblas por indiki kie estas ekzemple la ĝusta pordo kiun vi devas eniri. Ekzemplo de plenlonga kodo estas 9F36WF77+GQ. La 9F39 estas la regiono-indikilo, kaj la posta parto estas uzebla kun nur la urbonomo aŭ plej proksima urbo en ĉ. 30km da proksimeco (la blokoj de la regiono-indikiloj estas ĉ 100km x 100km).

Retpaĝo https://plus.codes bone klarigas la sistemon, kaj ebligas trovi la kodon por via domo aŭ kien vi devas iri, kaj kiel dirite la sistemo ankaŭ plene funkcias en Google Maps, do estas tute eble uzi la kodon aldone al kutima adreso por helpi trovi la ekzaktan lokon, aŭ anstataŭ kutima adreso kie stratnomoj kaj domnumeroj ne ekzistas.

Authors get paid when people like you upvote their post.
If you enjoyed what you read here, create your account today and start earning FREE STEEM!
Sort Order:  

Bedaŭrinde mi komprenas preskaŭ nenion. Tamen ŝajnas esti grava afero. Ankaŭ mi ŝatas laice rigardi al google map. Sed kie troviĝas Esperantujo?