KULUNGAN

Nakadungaw sa bintana
Nagmamasid sa kawalan
Wari’y nakatitig at nakikinig
Nais kumawala sa ganitong daigdig
Araw araw nalang
Sa parehong silid, sa parehong upuan
Aking nakikita ay iisa lamang
Hawlang puno ng karunungan
Nais kong lumaya
Magpakasasa at hanapin ang saya
Sulitin ang oras habang bata pa
Hahanapin ang ligaya
Ngunit ako’y may nais matupad
Magpakalayo layo at nais lumipad
Hirap muna ngayon bukas nalang ang sarap
Para sa minimithing pangarap
Para sa pamilya at para sa sarili
Ligayang hinahanap hanap
Ay isasantabi
Dahil bukas ganito uli
Magsusumikap at mag-aaral ng mabuti
Mabuksan ang kulungan
Gamit ang nalikom na karunungan...