Mahal kita. Mahal ko ang "ikaw at ako" na naging "tayo.

_{New lovelife. New happy life.}

Isang bulalakaw ang dumaan sa isang gabing nakakaulila.
Ako'y naiwan at siya'y sumama sa iba.
Yung hapdi at kirot ng puso ko'y damang-dama
Damang-dama na halos ako'y namamanhid na.

Ngunit isang araw sa hindi ko inaasahang pagkakataon.
Nakilala kita at tila ika'y isang malalim na balon.
Na sa sobrang lalim ako'y gustong mapatalon.
At magtiwala na lang sa kung anong hatid ng panahon.

Di kalaunan, ang dating "ikaw at ako" lang ay naging "tayo" na.
Tayo na unti-unting bumubuo ng mga alaala.
Alaalang may halong lungkot, saya at pangangamba.
Naging kakaiba ang ating estorya parang isang eksena sa pelikula.

Natutonan kitang mahalin at naramdaman ko ang iyong pagbabago.
Pagbabago para sa "tayo" na ating ginusto.
At dalawa tayong nagbitaw ng isang pangako.
"Mahal, sanay walang iwanan hanggang sa dulo. "

Pero heto na tayo. Sa pagitan ng mahal pa at nasasakal na.
Isang masalimuot na pahina ng ating estorya.
Tila ba'y isang malungkot na talata ng isang tula.
Ngunit alam ko at ramdam ko na ako'y mahal mo pa.

Mahal kita. Sana yan ay alam mo.
Ikaw ang bukod tanging nagpatibok sa puso ko nang ganito.
Hindi ko man inasahan ang mga pangyayaring ito.
Alam mo bang, hinding hindi ko ipagpapalit ang "ikaw at ako" na naging "tayo" sa kahit anumang bagay sa mundo.