Ang pag lansang kay Ginoong Hesukristo sa Krus " Ang Pag-tal-tal " Hiligaynun Dialect

jezmacher (58)in #philippines • 7 years ago (edited)

Ang pagtal-tal isa kapag hiwat o pag saulog sa kamatayon ni Kristo nga gina hiwat sa semanta ang pagantos, kasakit, kag kamatayon ni Ginoong Hesukristo. Sa ina nga mga tinion ato pagahiwaton kung paano kag ano ang mga inagyan ni Kristo para luwason kita sa aton mga kasal-anan. Ini gina hiwat sa adlaw sa Biyernes Santo kung sa diin nga si Kristo amo man napatay tungod sa aton mga sala.

Indi lang sa Talisay gina hiwat ang amo ini nga butang kundi sa iban man nga mga pungsod upang saulugon ang ka balaan ni Kristo. Ang Tal-tal nagasugo pagkatpos sang misa kag ang tanan naga ugyon sa paglantaw sa plasa kag sa mga dalanon kung sa indi Makita sang tawo kung ano ang gin agyan ni Hesus antes siya napatay.

Ang ini nga mga palagwaon gin hiwat kag guin suguran sang simbahan iya ka katoliko. Ang mga tawo nga dako ang pagpati sa diyos labi na sa labing gamhanan sang tanan nga si Kristo.

Sa ini nga mga imahe inyo Makita kung paano si Kristo nag Antos pagkatapos siya gn kalulo ni hudas para sa manggad. Kag kabalo nman si Kristo sang iya dangtan apang iya nlng ini guin baton. Si Kristo kumapara sa isa ka tawo nga criminal nga madamo sing sala. Siya guin hatulan sa atubang sang katawhan paagi kay Poncio Pilato hari sang Roma sa ina nga mga tiniion. Pagkatpos ng hugas sang iya mga sala sa pag panginwala na wala na siya sing sala kung ano dangtan ni Kristo. Si Kristo gin kastigo, gin sakit kag gin kurunahan sang tunok sa iya ulo. Ina tanan iya gin antos para sa aton nga iya mga pinalagga. Iya guin agwanta ang tanan na kasakit, kahuy anan, pag-antos asta tubtob sa iya kamatayon. S Kristo indi lamang isa ka propeta o tawo nga nabuhi sa kalibutan nga ini. Kundi siya isa ka anak sang Diyos. Iya gn baton ang tanan nga pag-antos para kita luwason sa paghukom sang amay sang tanan nga ara sa langit.

Si Kristo nag antos sa pag pagpanglakaton samtang gna bitbit niya ang mabug-at kag madako nga krus kag kung diin amo man ni ang iya dangtan kag kamatyan nga krus. Naglakat siya sa bukid sa kalbaryo samtang gapalang hibion ang iya mga tumuluo kag pinalangga nga iloy nga si Maria. Siya nauhaw sa panglakaton kag siya gn tagaan sang ilimnon apang ini gn tapi sa mga suldado nga bantay samtang siya naga antos. Ang Krus nga iya gna bit-bit gn hakwat sang madali ni Jose para ma untat sang kadali ang iya pag pangabudlay.

Ngaa kinanlan ni Kristo maagyan ang indi nga mga butang kung sa diin nga nagkuha sang kabuhi bilang tawo. Si Kristo guin hatulan tungod man sa kahisa kag kahadlok sa iban na mga hudeyo. Ini nga mga butang tukna sang kalainan sa yawa o kung ano man nga sahi sang demonyo. Sa adlaw kung sa diin si Kristo gn pakalain sang mga tawo samtang sila gn luwas pa niya sa kasal-anan sang kalibutan. Ang pag palangga ni Kristo sa iya nasakpan taglumapaw sa iya balatyagon bilang isa ka anak sang Diyos. Ang masakit lng batyagon siya pa gin trato nga subra pa sa tawo nga madamo sing sala.

Apang iya ini gyapon gin baton nga wla sang kinalain buot sa mga tawo. Tam-an na kasakit kag ka brutal ang pag paantos kay Kristo. Gin upod siya sa mga kriminal nga na hukman kag napamatud-an nga nakasala sa iban na tawo.
Ngaa kinanlan niya iya ini agumon kung ang iya man lng nga tuyo ang buligan ang tawo kag ipalapnag ang ka mayo sang diyos amay.

Si Kristo guin lansang sa krus kag guin hulat asta siya napatay samtang ang iya mga pinalangga kag tumuluo ga palang hibion nga nagalantaw sa iya. Antes ini napatay gin pamangkot siya sang isa ka makakasala nga ara sa iya nga natuuhan nga kamot kag nagsiling. Ginoong hesukristo Batunon mu bla ako sa imo kaharian sa langit kag ako imo paga updon sa imo kamatayon. Ang ginoo nag sabat upod ka sa akon pag panglakaton sa kaharian sa langit. Samtang ang sa iya nga nawala nga kamot ang isa ka tawo nga nalansang naghambal kung siya anak sang diyos nga indi siya manaog kag luwason ang iya kaugalingon. Antes napatay si Kristo iya gn istorya ang Amay sa langit nga kita nga mga tawo iya pagapatawaron kay kita wla nkabalo sang aton mga ginabuhat.

Nabugtuan sang ginhawa si Kristo kag ang iya luha nag tulo sa duta. Nagdulom ang palibot kag nag linog kag ang mga tawo guin lamon sang duta. Kag ang simbahan natunga sa tunga pagkatapos sang ulihi nga ginhawa ni Kristo.

Si kristo gin kuha sa krus kag gin putos sang puti nga tela kag siya gn bitbit sa iya lulubngan. Kag sa ikatlo nga adlaw ini nabanhaw kag nagbangon sa iya kamatayon.

Ini nga Pag Tal-tal gina sa ulog sang mga mga tumuluo sang simabahan katoliko. Ini gina hiwat sa biyernes santo sa maga abot nga Marso 30, 2018. Sa mga magatambong palihog nalang basa sang adlaw kag sang oras nga ini paga hiwaton.