Mga Pamaagi Kung Unsaon Ma-Motivate Ang Mga Bata

Source

Kung ang atong hisgutan ang pag motivate sa usa ka bata, ang gamay mamahimong dako. Dunuli ug gamay nga candy, byahi paingon disneylang o ghatnagkinang nga tropeyo sa ilang atubangan, ug si bisan kinsa nga bata ma motivate na sa pagbuhat sa bisan unsang butang nga gustuhon nimo. Ang pangutana karon, mao nga kung unsaon nimo nga ma-motivate ang bata aron sa pagbaton ug maayo kinaiya nga makahatag ug maayong resulta sa iyang kinabuhi?

Ang tubag mao, nga nagdepende lang kini sa bata. Basi sa mga pagtoon, ang palibot sa bata dako kaayo ug bahin nga ma-motivate sila kumpara sa pagtudlo. Dili ni siya boot pasabot nga ang mga ginikanan magpasagad na lang pud ug dili na mangita ug paagi nga ma-motivate ang ilang mga anak. Ang boot pasabot niini nga ang ginikanan dili makapamugos sa ilang mga anak nga ma-motivate. Depende na kini sa bata kung gusto ba niyang sayron pag-ayo ug sutaon iyang motivation.

Ang bahin sa mga ginikanan mao ang paghatag kanila ug maayong opportunidad sa ilang mga pagpanaw aron makat-unan nila ang motivation sa ilang kaugalingon. Pwede usab nga boot pasabot niini gamay na lang buhaton sa ginikanan mahitungod sa pagmotivate kanila. Tanawa ninyo kining pipila ka nga mga paagi nga angay buhaton ug dili buhaton sa mga ginikanan aron ma-motivate ang atong mga anak.

Source

Likayi ang paghatag ug ganti

Sa daghan na nga mga pagtoon, ang paghatag ug rewards sa usa ka bata makapa-us-us kini sa pagkat-un sa kinaugalingong pagmotivate. Ang mga bata nga nalingaw ug drawing unya gipalit ang iyang drawing o di kaha gihatagan siya ug ganti sa iyang maayong buhat, mamahimong moundang kini siya sa panahon nga dili na siya makadawat ug ganti o sa panahon nga wala nay mo palit sa iyang drawing.

Medyo sukwahi sa naandan sa mga ginikanan no? Kay kasagaran ang mga ginikanan, labi na kitang mga pinoy, gusto kaayo ta mohatag ug ganti sa atong mga anak sa panahon nga aduna silay maayong butang nga nabuhat. Usahay ato pa man galing silang agnihon nga buhata kini kay ako kang tagaan ug... Apan basi sa mga pagtoon, ang paghatag ug ganti mamahimong makahatag ug panghunahuna sa bata nga dili na mo buhat kung walay ganti. Ang kasagarang mahitabo niini, ang ganti mamahimong na lang paagi aron ma pugos ang bata aron sa pagbuhat sa usa ka butang nga dili nila ganahan kay lagi adunay ganti nga nagtagad.

Paghimo ug natural nga pamaagi

Tugbang sa ganti o suhol, sulayi paghimo ug natural nga pamaagi. Sa sunod panahon nga makita nimo ang imong anak nga nagdula ug tarong nga walay away nga nahitabo o nahuman nila ug sayo ang ilang assinment, surpresaha sila ug usa ka pagsuroy-suroy sa park. Isulti kanila tungod kay wala mo gaaway sa inyong pagdula, si mama ug papa aduna pay kusog aron dal-on mo sa lugar nga diin sila malingaw. Ang pagpakita kanila sa natural nga pag-uswag sa maayong buhat mas epektibo pa sa suhol tungod kay salamin kini sa tinood nga kinabuhi.

Source

Ilambigit ang mga bata sa mga kalihukang maka-motivate

Kung gusto nimong ma-motivate imong anak sa pagbuhat ug mga maayong butang, pangutana siya kung unsang tabang iyang gusto aron kanunay niya kining mabuhat. Mamahimong moingon siya nga uhaw ko sa inig kuha nimo nako sa eskwelahan or kapoy kaayo siya, ug mamahimong mo hatag siyag suwestyon nga magdala ka ug tubig, or magpakanta siya samtang pauli mo sa inyong pinuy-anan. Dili lang nga ang mga bata mas makabalo sa ilang kaugalingon, pero ang paghatag kanila ug bahin sa mga desisyon nga ilang pagabuhaton, puruhan kini nga mamahimong maayo ang ilang kaugmaon.

Pasabta sila

Kung masabtan sa imong anak ang dakong panglantaw sa butang nga iyang ginahimo, mamahimo kining maka-motivate kaniya sa pagbuhat niini. Pirmi natong ingnon atong anak nga limpyohi ilang kwarto sa walay paghatag ug rason kung ngano. Pero kung imong ipasabot kanila ang mga tawo nga kabalo magplastar sa iyang higdaanan ug kabalo manglimpyo sa iyang kwarto, makatulog gyud ug ayo kay humot ug hapsay man iyang palibot. Tungod sa kahapsay mamahimong makahatag usab kini ug maayo panglawas ug labaw sa tanan, makatoon ka ug ayo.

Tungod niini, mamahimong masabtan sa imong anak kung unsa ka importante ang maong butang ug mag resulta kini ug maayong panumduman kaniya sa pagpa-uswag sa maong maayong buhat. Kung wala kay mahunahunaan nga pwede nimong maayong rason aron naay mabuhat imong anak, pangitae ug paagi. Ang pamalaod nga "buhata ni tungod kay akoy gasulti" dili epektibo ug mamahimong hinungdan nga dili na hinuon ma-motivate ang bata.

Source

Pagbaton ug ka kontento

Walang labaw nga makawala sa gana sa bata nga ma-motivate mao ang pagbaton ug dili resonableng gusto sa mga ginikanan. Sa makadaghang higayon nakadungog kita ug inahan nga nagsyagit sa iyang anak sa eskwelahan. Ang pagbaton ug taas kaayo nga pagdahum gikan sa tong mga anak mao hinooy hinungdan nga mismo ang simple kaayong butang dili niya mahimo. Kung ipakita nimo sa bata nga ang iyang kahago sa paglaba o ang pagtabang sa kusina dili sakto sa imong gusto, dili madugay moundang na hinoon na siya ug tabang.

Kadaghanan sa mga batang tapulan, mga na diskurahe sa sobra ka taas sa expectation sa ginikanan. Importante kaayo nga aprobahan nato ang ilang mga nabuhat nga gagmay nga butang arong makat-un sila sa pag-uswag niini. Ayaw plastara ug usab ang plinastar sa imong anak nga higdaanan, ayaw pil-a ug usab ang pinilo sa imong anak. Pagbaton ug ka kontento aron makabaton usab siyag dalan alang sa paglambo.

Sukda ang abilidad sa bata

Ang paghatag ug ganti o silot dili na kinahanglan kung dili gyud kaya sa bata ang butang nga imong ginapahimo kaniya. Ang pagmotivate sa imong anak sa pagbuhat sa usa ka butang nga dili niya kaya, mamahimong hinungdan nga madiskurahe na hinoon siya sa iyang ugma. Sukda una ang abilidad sa imong anak ayha ka maghatag ug butang nga angay niyang buhaton.

Kining mga ginagmay nga mga kapaaghan mamahimong makatabang kanato aron bisan unsaon, masiguro gayud nato nga atong mga anak, adunay mga maayong kaugmaon. Dili lang sa pisikal nga mga kabtangan, kundili sa mas labing impportante, mao ang maayong pamatasan.