#54 - Pantoen Aceh | Bek Kawen Paksa
Salamualaikom e sigom wareh
Hana ta tuleh keu kawen paksa
Sidroe pemuda geuthem meu abeh
Demi peulareh disinyak dara
Dalam cerana ranup seulaseh
Gapu geutindeh keu cukop atra
Meukawen paksa cukop meupaleh
Hate lam seudeh siumu masa
Han tenang geuduk han tenang geu-eh
Seubab peulareh hana dihawa
Keupu bak meja sedia ngon ileh
Meunyoe meucureh hate ngon dada
Wahe pemuda nyang ka meuabeh
Tabie seumileh keu aneuk dara
Mubek tapaksa rasa sigadeh
Hareuta habeh han bahagia
Meu - Panton
Teurimoeng Geunaseh
Kadang peujodoh di Aneuk dara
Jeulah meupaksa di sinurbaya
Leuh nyan peugah Hana bahagia
Atrasit paksa pane boh pane ceurita
Jamen ka model pileh yang suka
Adak Hana bahagia tapi ken paksa
Bacut lon sambong nak mameh haba
Adak mecawou neanggap hana
Meunyoe ka meusambong cit ka paih haba
Meu atoe bahasa bak ta tiek pantoen
Adab ngon santoen lon mulai haba
Semoga cocok bahasa bak lon suson
Ulon galak bak suson bahasa
Peulom ta baca bang @danisagai balah panton
Adak meucawoe, adak lon pih ka biasa
Nyang penting beujeut saudara dan saling berkunjong
Hayeu that panton haba neu canek
Uram meugidhek ujong meutanggam
Saleuem nyang lambong jaroe lon tabek
Geunantoe lon pirhet haba meu sua
Alhamdulillah pujoe keu rabbi
Rahmat ka geu bri panton lon baca
Adak pih aduen gohlom lon turi
Seunang han sakri ponton lon suka
Teurimong geunaseh ulon ucapkan
Keupada rakan nyang ka troeh bersua
Keu aduen @lamkote lon peu ek salam
Mudah-mudahan beu jeut ke syehdara