TIMPHAN ONLINE

Geuthat gura ta eu piasan
Ramee pasangan nibak jalan raya
Ji duk keureta that krap ukuran
Ka Lage setan dipeugot cara

Nyoe watee ta tanyong cit ka na jawaban
Aneuk mak tuan yang ulon ba
Di meunikah pih hana meujan
Tapi alasan ka di meu keuluarga

Oh Ji duk kangkang ji oh cit tan
Jap ngon badan serta dada
Ladom ureung cit na tujuan
Peu meu en timphan watee dua

Kamoe yang agam cit ka nyan piasan
Trok tujuan habeh peukara
Gata yang inoeng beuna sadaran
Nyan timphan tolong ta jaga

Bek neu peublo nibak pasaran
Sayang that intan hana laba
Haba lon nyoe bukon tamsilan
Tapi rakan beutoi ka ta eu nyata

Wahe syedara bandum hai rakan
Ingat keu Tuhan laju beu sigra
Bek sampe singoh trok peunyesalan
Akherat taulan lam Nuraka

Jino timphan online bek ta peuding doda
Sabab hukuman akhirat jelah akan tarasa
Ulon himbau keu rakan-rakan muda
Jak ta taubat laju beusigra.