BUNGOENG SITANGKE

Bungoeng seulanga meubee that harom
Bungoeng sikuntom keumang oeh jula
Bungoeng ie mawoe meube that haroem
Bungoeng jarom mirah lagoina

Meugah jeumpa bungoeng yang leubeh
Bungoeng di Aceh meuceuhu nama
Meugah dara tari that leubeh
Dara Aceh tari lagoina

Keumang bungoeng piek watee cot uroe
Si bungoeng panjoe keumang oeh sinja
Beugoet ta jaga hai dara lakoe
Bek sampe dudoe teulah ta rasa

Meugah bonsai nanggroe Belanda
Bungoeng sakura di naggroe Jepang
Meugah anggrek di nanggroe china
Indah lagoina si bungoeng lawang

Oeh musem ujeun buleun dua blah
Keumang meureukah bungoeng lam taman
Beu leuheun-leuheun haba ta peugah
Nyoe salah peugah binasa teuman

Oeh noe meumada panton lon surah
Beutoi ngoen salah maklum saudara
Goh that lon meufom panton lon rajah
Meunyoe na salah peu meuah teuma.

Teurimong geunaseh.