Hudep lam donya siat hai rakan
Hanya singgahan yoh goh tamate
Kajeut bek lale le dengon piasan
Pubuet amalan sembahyang bek pre

Bek ta meudonya hudep hai rakan
Akhirat taulan beu tatem pike
Bek gadoeh laloe para steemian
Uroe ngen malam pike SBD

Hp bak jaroe syit hana le leukang
Tuleh postingan sabe hana pre
Glinyueng ka tetoep 'oh wate geu bang
Yang penteng hai bang meutamah SP

Yang upload cangguek,awak keumubang
Yang upload enggang awak lam paya
Yang upload canggruk awak masakan
Yang upload apam nyan awak banda

Nyankeuh ban meunan dum ka piasan
Manfa'at syit tan faedah hana
Nyankeuh ban meunan para steemian
Yang peunteng gopnya Steem Dollar beuna

Meubek ta ikot nafsu ngen syaitan
Meubek hai rakan laloe lagoina
Meubek ta tinggai peurintah Tuhan
Meubek hai taulan hudep meudonya.

Wassalam @polem.useuman