REULE

Meukrue seumangat rakan meusampe
Rincong meu uke hana le tajam
Yoh masa dile jithe le kafe
Rata sagoe le Aceh ji seugan

Cukop meu ceuhu makmu bukon le
Raja pih ade yang mat pimpinan
Rakyat seujahtra kuta sample u gle
Hana yang mate ngon hana makanan

Seuramoe Meukah meugah bukon le
Rata lungkiek gle na wase tambang
Kareuna Nanggroe bak jaroe jahe
Tuhan peu ade ka Neu cok pulang

Takaleon conto sampoe meupake
Meu poh poh mate seu sabe Islam
Rot noe ngon rot deh areh mat beude
Peuturot hate pakat peu ek prang

Geutanda jaroe mentro ngon toke
Kateuhah hate RI dengon GAM
Hase M O U nanggroe Helsingke
Di Aceh beude sare ji reupang

Jalo goh leupah beulahdeh ji ile Goh troh u pante tanyoe jeu meurang
Ka laen macam ragam seu mike
Neuk duk keu toke dalam pikeran

Sumpah ngon janji ka ji peureule
Tan le meu pike keu rakan rakan Penteng bak jaroe moto B M W
Oh wate mate aleh pakiban

Sinyak ka rayeuk jak jok u Meuse
Bek jeut keu kafe yu beut Qur-an
Ji beut hana roh gadoh meu jipre
Jijak meu rabe sabe tip malam

Rugo belanja meugunca pade
Peulandok pance ka meu sereuban
Peugah droe Tgk Abu ngon Toke Rata sago sare padahai meu utang

Lheuh tapoh buya ngon mata kawe
Singa dalam gle ka ji jeumeurang
Jino lam susah lempah meusampe
Hukom bak hate kon le aturan

Yang penteng troe prut pijut hana le
Meu keusut hate katroh tujuan
Meunyoe bak peugah gagah sang bace
Hareuga mate nanggroe cok pulang

Etno keuh haba ulon meu cae
Keu ubat hate mangat pikiran
Yang ulon rawi bukti lahe
Aceh kareule tanle harapan