IBADAH BULEUN PUASA
Salam alaikum tanglong peunaroe.
Dua blah jaroe ateuh jeumala.
lon tuleh komen bak malam uroe.
Bak bhah hereutoe buleun puasa.

Taeu dum moto diplueng bak jalan.
Cukop seimbang dengen tenaga.
Bek tuwo tanyoe nibak ramadhan.
Tentang anjuran geuyue puasa.

Geuyue ibadah uroe ngon malam.
Tabaca qur-an sagai beklupa.
Pubuet teuraweh tapeudong malam.
Amai tambahan buleun puasa.

Beuseunang hate tamong ramadhan.
Allah janjikan tamong syuruga.
Buleun beureukat ummat janjongan.
Rahmat bak tuhan meulipat ganda.

Soetem ibadah dalam buleun nyan.
Fahla hai rakan berlipat ganda.
Hanpue taragu dengon tabimbang.
Memang buleun nyan luar biasa.

Aneuk cempala dicong bak mamplam.
Nyo manok siyam taboh lam cintra.
Sabe beulazem peu udep malam.
Baca al qur-an ngon lapang dada.

Beule taseubeh uroe ngon malam.
Dzikir keukalam buleun puasa.
Bek tameu upat meucaci rakan.
Karna bak bhah nyan bateu pahala.

Meu Nyo kabateu pahla puasa.
Yang na digata thendeuk dengon grah.
Hanjeut Keu amai yang takeurija.
Sebab digata tapubuet salah.

Wabakdu kalam haba Lon singkat.
Meunan riwayat dalam meurika.
Adak pih haba Cukop that singkat.
Kadang beureukat bak bhah puasa.

Saleum hormatan Keubandum rakan.
Hantuwo taulan Keu ed @sogata.
Ureung peukab buet panton dalam fan.
Moga hai rakan bagah sejahtra.