AMAI IBADAH
Salam alaikum saleum ulonbri.
Keu banduM ahli lam donya maya.
Selaweut saleum kepada nabi.
Yang ka gue janji asoe syuruga.
Cuba sigoteuk peu ek karangan.
Teuntang bhah amai gue yue meurika.
Aleh pue judol dalam postingan.
Yang peunteng amai beuroh lam rika.
Sinoe idi cut na gaseh sayang.
Gampong halaman jioh ngon kuta.
Beulo tapuebuet amai sembahyang.
Karena amai nyan phon gue pareksa.
Nyo tan sembahyang nabi neupeugah.
Keuwali nikah hansah digata.
Dumnan keuh peunteeng amai ibadah.
Kon peugah peugah keumangat haba.
Meutan sembahyang nabi na neukheun.
Hareum tamakeun meusapat dua.
Dumnan himbauan dalam keurajeun.
Mangat bek meutheun bak bhah agama.
Kuala idi eungkot sep nalo.
Kuala joho sideh malaya.
Amai ibadah hanjeut duek taho.
Takot meulabo meutamah desya.
Amai yang laen pih beutapubuet.
Bak tuhan makbut yang peuteeng riza.
Yang jeut keubeukai yang namakeusut.
Lagee tajak beut meurenoe agama.
Dalam pesantren sinan menuntut.
Bak tuhan makbut talakee do'a.
Beugeuteurimong amai tapubuet.
Beutroh makeusud hudep lam donya.
Bek sia sia Sinoe tahudep.
Sapue hana sep amai yang taba.
Cukop that teulah rugoe that hudep.
Godoh meuwet wet jak seutot donya.
Meumada dilee haba balasan.
lon bi komentar Keu ed @sogata.
Peuakhe haba Saleum hormatan.
Keubandum rakan bak bhah meurika.