Make una come follow see why i like steemit o

Da, omoh mehn the stori sweet die. De reasons e plenty eh. But before i start to de talk, make i cocoma tell una who i be...my veri close pals de call me Ade Bisi. I no from igbo come o, I be Akwa Ibom babe. But i fit find your trouble well well.

That na my real face, no make-over.

Oya make we de go de main ting where carry us come here today

All those ponzi schemes wher @ogoowinner bin de try analyze no be small ting o. De way that ting take drain me, till today e de be like say person pour me jaz collect moni. But i wan use this opportunity thank @nedi and all de pipo where join hands with am bring this platform, because e don deliver me from shock.

Another thing be say steemit e don change my levels, oboy i de look fine anyhow. I no de ask my people for any money again in fact i de give them. E don promote me for my family sote dem de respect me because naw, I de follow contribute make de family grow.

E no finish de o, steemit don do make i get money de follow pay other people school fees, all de small small children for my area where dem been de pursue them from school anyhow, d story don change because i de even pay before term resume give them. E de gimme excess joy.

If i wan de list de list de go, una fit sleep for here cos e plenty well well. Day go dark, break again una go still de read de go. So make i pause my testimony for here.
Make i post link of this contest here, make una follow participate.
https://steemit.com/npc/@ogoowinner/naija-pidgin-challenge-make-una-tell-us-why-una-like-steemit

Ah i been almost forget, abeg no just read go, upvote am uhear. then go do your own.