Implementation of block button in steemit platform. (Npc challenge by @ogoowinner)

Before, I start to yarn my mind for this matter "wey they on board" make i first throway seven gunshot salute to this fine babe, wey they promote our "broken" and they carry the full naija community 4 head with upvote 4 this her pidgin challenge. @ogoowinner, u try well, well.. 

Over to the matter of d day, "block button". I wan come shook mouth put inside.. 

Many of us, go don witness a scenario wey u post 4 steemit and the next time you come back online, u don see like 250 notifications for ur steemit. You go come they wonder, if person share Mtn #200 credit as fastest fingers, under ur comment section. Only for you to read through, to come see bullshit about you, or person they discredit ur post or ur post spark debate between two opinionated people. 

The two things wey go First come ur mind na either to "konk" there forehead make they receive sense or to "block" them Pata-Pata....

So, for my own corner, e go make sense die, if ogas at the top, create this "Block button" to use block some unscrupulous elements. Know be say "flagging" know good 4 some people ooh!! But wetin I don get to understand during my short stay 4 steemit be say, "u know know, who be who". U fit go flag them, there godfather fit be ned, him fit vex come give you back d taste of your own medicine. Person like that flag u with 100% voting power, ur steemit account plus ur laptop or phone fit explode. So for peace to reign, "block button" na d best option for them. 

I know say all this thing we dey write, go they like "saw dust" 4 whitey people there ears but if they manage to implement am, d thing go sanitise steemit well... 

One love my people....