My creed of life : npc, episode 3
The picture above is the beautiful and delectable Nollywood actress Mercy Aigbe..
Thanks once again to @ogoowinner who has started a movement which helps in strengthening us Nigerians by speaking our "broken english" and is somehow encouraging world peace whether directly or indirectly while at it....
I celebrate you big time @ogoowinner...
So dis na my creed
I believe in myself, say i get right to be seen heard and loved..
I believe say all of us equal sake of say, we all na human being
I believe say this world big enough to contain everybody just like sky dey enough for birds to fly....
I believe say i be genius for at least one aspect of my life
I believe say i dey special and nobody fit be like me....
I go treat people same say wey i want make dem treat me
I no go look people with small eye, instead i go look them with how dem go be for future with respect .....
I no go cause trouble for people around me....
I go try to show understanding, so teeeyy... I no go dey judge people based on wetin i hear about dem...
I no go let jealousi and greed to dey control me anyhow..
Before i commot for this life.. I just do sometin wey people go remember me for..
I go try my best to stand gidigba even when wahala wan show face...
I no go allow make fear hook me.....
I no go give bad bad tinking any chance for my life, instead i go dey reason tins wey make sense and fit add value because i know say this our mind dey very powerful...
I no go dey form like person wey no fit swallow eba...
Anywhere wey i dey, i go rep naija 100%....
I believe say if i chook my mind inside all dis mata wey i dey yarn since morning.. I go fit do beta....
I believe say dis life na like journey o, so i no go enta d same trouser with my neighbour..
Na "every mallam wit hin kettle"
I believe in peace, no be to dey cause trouble abi war for my fellow country people...
I believe in charity; to dey give even to the less priviledged...
I believe in forgiveness; make i dey quick forgive d people wey offend me....
I believe in love, make i dey show love to even my friendly enemies...
I believe to dey show mercy...
I believe say everybody deserve justice.
I believe in the life wey we dey live so...
Today, i dey choose to "live" life well, not like person wey come mark register for this life....
I @kingernie go abide by this creed all the days of my life...
So help me God 🙋
Lol, nice one dear...lemme go and construct my own creed too
Lolz...
Thanks
Awwwww
My creed is coming up soon