The Creed Of Life: Episode 3; I Shall Abide

My people I dey hail oh. This na episode 3 of Naija pidgin challenge way @ogoowinner arrange for us.

I believe say everybody get the right make them see them, hear them and love them.

I believe say every human dey equal.

I believe say the world dey big reach to take everybody.

I believe say everybody be baba for at least one part of life.

I believe say everybody dey special and unique.

I believe say everybody get both beast and angel inside them. So I go try my best to calm the beast down and arouse the angel.

I believe where u from, where u dey worship and social status no matter, na just things way some kind men them create so that them go fit control other people, cause strife and put inside people that supremacy mentality. So I don choose to be "human being first" before I be any race, religion or class.

I go treat people the way I want them to treat me.

I no go react to people based on who them be, but who I want make them be.

I no go put hand for any business or project way go cause poleople harm.

I go try understand people, no be to judge them.

I no go allow envy, jealousy and greed to control my reason to do something.

I go do at least one notable thing for humanity before I leave this earth.

I go try my best to dey strong for the face of misfortune, grieves and sorrow.

I no go allow fear to intimidate me.

I no go allow any negative thought to full my mind; I go replace am sharply with peaceful and creative thoughts as soon as them come up because I know say "thoughts dey powerful".

I go always be me, my real self and no be photocopy of another person.

I believe say I fit make things different if I put in my best for any task them give me.

I believe say life na journey no be race, so I no go allow my self to enter any competition with anybody.

I believe for peace.
I believe for charity.
I believe for forgiveness.
I believe for love.
I believe for mercy.
I believe for justice for everybody.
I believe for human race.

I don decide to "live" no be to just "exist".

I don decide say I go change some kind this for this world before I commot.

I Kenneth Cynthia Haoma go abide by this all d days of my life.

Picture of Omotola Jalade Ekeinde from vibe.ng
Picture of Richard Mofe Damijo from thisdaylive.com