Naija Pidgin Challenge ●••● Why I Like Steemit....Contest By @ogoowinner

Good day to you my country people. hope una shapa shopo well?
As @ogoowinner talk say make we yan wetin make us like steemit, na ehn make me wan chook mouth as una know say we no dey carry last for naija here.

I no fit forget @bekky wey carry me come this steemit platform.
Wetin con make me like steemit be say, steemit don make my life better as my family don turn me to their small god.
Make i quickly yan you one tori.
Na elect elect i study for school but as matter be for naija, na one small company for Lagos just employ me as driver, as i no get choice i just say make i dey manage the work before @bekky come carry steemit matter nack for my domot.
I no go lie una, my life don change since then.... i just tell my oga say i no dey do driving work again and since then, i no regret say i quite my work for steemit.
Make i no lie to una, steemit dey sweet me like Apu and banga soup.
Make i sharply use this opportunity hail my oga dem for steemit.
@ehiboss, this oga ehn e get mouth die for @genesisproject group, i no go forget my steemit daddy @dreamchasser, my steemit mentor @princeola i comot cap for una ooo.
Steemit don make my life kulele.
@ogoowinner na only baba God fit reward you for all the better thing wey you dey carry come steemit.