Friendly Enemies by @ogoowinner

Image source
I no even know say something wey be like dis dey here. @ogoowinner I hail ma, you too much. Your head dey there.
Friendly Enemies na correct topic, today na my 8day for Steemit. My own Tory dey too, e plenty die. E be like say na e dey take do me for village with.
I go like yarn this one, I get one padi like that, we be 3. Yvonne, Diamond and me, diamond na bobo. We tight pass when Papa Ajasco wear Boy alinco cloth.
Diamond dey toast me as a correct babe you go form nau, diamond na fine Bobo and e papa hold well. Diamond dey buy things for me and I go share am with Yvonne. Me no know say that omo shaku shaku dey die for the same Bobo. She go dey tell me make I no gree say he na player. Even my school malle @tutufaith no even like Yvonne, she talk say she na devil. Me no hear word, I dey yarn am everything wey my Bobo dey do for me and by then I don gree for am. Diamond don shift her commot setting but she still be my best padi.
One day, my Bobo come my place dey ask questions who buy you this, where you go and he even carry my phone dey search. My school malle @tutufaith just dey look she dey vex for inside but she compose. Me na girl, some bobos go dey try but me no gree so he can dey see the msg wey them dey send. He can dey shout for my head the vex for me, dey insult me join na e my school malle stand up slap am kan send am commot because I don dey cry. I go tell that omo shaku shaku and she tell me say she warn me make I no gree for am.

Image source
I cry no be small because I love that Bobo die. I later bone the matter, I kan dey notice say my Bobo wey leave me don dey Waka with Yvonne. Na later I know say every girl thing wey I tell am or send am. She go sharply send the Bobo and dey tell am say me na ashawo say my school malle dey give me customer. I vex ooo but I later bone am. This girl still dey come dey tell me sorry, dey play with me she think say I no know. I happy say the Bobo no gree toast am.