Naija Pidgin Contest: WETIN FRIENDLY ENEMIES DON DO ME

@Ogoowinner don come again with another better matter for us to chook mouth. This week na for friendly enemies. Na African China been talk say your worst enemy fit be your best friend but me I go talk say your best fit become your worst enemy too.
One thing wey de bring friendly enemies na money, another na the person attitude or character. Them say blood is thicker than water but money de thicker than blood o.
Na so my friend wey I been trust wella come spoil my name because say we been get gbege for money matters. E get people wey like you now but when small gbege enter, them go change am for you.
But..
Anyhow wey e be, no keep grudges with anybody. Wetin don happen don happen, just forgive the person and move on!
Thanks again @ogoowinner for NPC!!