the creed of life contest @ogoowinner

Creed of life pidgin Challenge by @ogoowinner

I believe say e get different ways wey dem take train us so i no fit judge my fellow human.

I believe say life na do your own make i do my own,no copy copy

I believe say weda you be white or black,na same blood dey flow for our system.

I believe say everytin wey start today get him expiry date

I believe say weda you be lepa or orobo,you get your own match

I believe say every Mike Tyson go meet him Hollyfield

I believe say weda you black or white,na the same God we go queue for him front for judgment day.

I believe say weda you be porshe or pako,we all must enter toilet shit.

I believe so much in packaging,iron my cloth use starch hammer am because i know say na as you package dem go take address you.

I believe say na one Baba God we dey serve,,weda you be cele o,moslem,JW and every.

I believe say e get reason wey we come dis world and everyone go fulfill him own purpose.

I believe say no mago mago to success instead make man pikin work hard o.

I no get money yet o but i believe say if you chop alone you go kpain alone so make person dey give small out of little wey him get.

I believe say make man no pay evil with evil.

I believe say na to get positive mind better pass,no allow anyone tell you torri wey no go ginger your hustle..

I believe say God dey o and he dey hear our prayer even the ones wey we put for heart..

I believe say e beta make man pikin dey do good always because every good get him reward.

I believe say make man no envy o,instead make you pray cos your time dey come too

I believe say as you lay your bed,na so you go sleepu on top am.