Tech test: Cardboard VR

Magisk papp.

Photo Source
Eg hadde aldri trudd eg skulle bli supergira av å få tilsendt papp i posten, men denne dagen har eg venta på. Som ein forventningsfull liten unge har eg sjekka postkassa med mikroskop kvar dag, i håp om at den svarte pakken med apelogo skulle dukke opp. Det har vore mykje skriveri om VR-briller, og endeleg skulle eg få prøve det sjølv, takka vere Alphageek.

Med litt hokus pokus bretting vert den tilsendte pappplata gjort om til nettopp VR-briller, med magnetar, linser og det heile. Så ein kjapp tur innom App Store for å laste ned ein VR-app eller to på telefonen – og vi er klar. Konseptet er genialt enkelt. Du legg telefonen på anvist plass inni brillene, fyrer opp appen, og stikk trynet inn i gluggane. Velkommen til virtuell virkeligheit.

>
Photo Source

Brillene fungerar perfekt. Enkelt og greitt. Den brune pappen har plutseleg vorte forandra til ein magisk inngangsportal inn til andre verdenar. Når du beveger hovudet rundt, og ser i andre retningar, så vert synsvinkelen din flytta samtidig, takka vere bevegelsessensorane i telefonen din. Sjølv tok eg meg først ein tur på berg og dalbane, noko som kanskje ikkje var det luraste førstevalet, sidan eg har like gode balansenerver som ein sengjeliggjande 90-åring. Ein ting er å sjå rett fram på berg og dalbana, men heile poenget med VR-briller er jo at du skal kunne flytte blikket. Men for ei halvsvimmel pingle er det definitivt ikkje lurt å kike rundt ikring når den virtuelle kroppen din beveger seg i ein annan retning. Det gjekk ikkje lange tida før eg kjende bilsjuka kome kravlande. Kva meir bevis treng vi på at VR-briller funkar som fy? Kvalmande moro!

På App Store ligg det mange VR-appar du kan laste ned, nokre betre enn andre. Eg har også høyrt rykter om at det er mogleg å sjå innsida av Millenium Falcon i VR, ein våt draum for ein gammal Star Wars disippel. So no er det berre å tråle nettet etter nye lokasjonar, både ekte og datagenererte.

Er du lysten på å teste ut briller kan du kjøpe dei hjå alphageek.no for den nette sum av kr 94,43-

Dette var knakande stiligt, og kan verkeleg anbefalast.
Prisen er overkomeleg, moroa uendeleg.