BUHARI: NAIJA YOUTHS DEY LAZY

source

My people my people
Una weldone o..
Hope say una dey enjoy the weather, e be like say the market don dey smile small small
I hail una o.

Naija pidgin don carry ogbonge matter come again..

Today na Friday, i no wan talk politics today but i no fit close mouth for this matter wey I dey hear since this week, the thing tire me, infact the the dey vex me.

If we check wetin dey happen for our countri today, we go see say na we youths dey make the economy bubble, na youths dey do wetin oyibo dey call entrepreneurship, employ people put. Na youths dey hustle and all our hustle dey make our economy bubble.. Check Steemit, old person dey here? Na youth dey hustle to write, to see say we fit make money hold body. Our generation dey do wetin those old papa and mama wey dey government offices no fit do.

Na so our President go London go talk for interview say Nigerian youths dey lazy, say we no go school, we dey claim say Nigeria na oil country so we dey sit down dey do nothing dey expect free house, healthcare and education.

Abeg Nigeria youths and the old generation who lazy pass? those old generation wey no wan leave office. they enter office when them dey young, how many companies dey open and how many people dey give job? Even as they don old, dey no wan commot make vibrant youth do something, they wan dey chop money up and down. The only thing wey dem sabi do na to steal our money year after year.

But Nigerian youth dey always find way to do one business or another, even if they get job, they go still find way to do something, employ person put. Some people wey dey steemit dey work outside, most of them dey school.. Abeg how we come dey uneducated and lazy?

The thing wey tire me pass, be say na for another country (UK) wey e go talk that kind thing.
Abeg make una help me reason this matter..
Wetin our President talk na true?
If you think say na true, wetin be your reason?

Na @nmalove carry this matter come today

Na @mittymartz design this ogbonge avatar