NAIJA PIDGIN VARIETY SHOW!!! DON'T MISS OUT!!!
MY PEOPLE, MY PEOPLE!
I dey greet Una oooo
Happy Sunday and hope say Una dey prepare to go church or Una dey church already for my catholic Steemians!
No be only me waka come ooo, I waka with @imbigdee on behalf of all the naijapidgin crew, come make this special announcement.
Today na our first ever variety show day and yamayama full ground remain.
This show dey happen by 5:30pm after everybody Don return from church for our discord channel...
This show no be one of those promise and fail projects wey dey happen.
Our mama @ogoowinner get hand with @zizymena for this one.
Alot of giveaways follow no be for mouth.
This show get part 1 and 2 ooo! It have hapun!
Part 1 na talent show
whether na singing oooo
whether na rapping
whether na comedy
whether na to laugh people wey dey contest
whether na to vote people wey dey contest
whether na to criticize people handwork
whether na bad belle talent you get
whether na village people you be
ABEG CARRY ALL COME, WE WANT THEM.
Then part 2 na Quiz ooo
This one na for everybody wey feel say their power reach...
No fear! The questions no hard, no be WAEC!
The questions na simply based on
Some Nigerian whales and aspiring whales
Their on going projects and reputations
Gist about the recent programmes wey dey go on for naijapidgin
Questions about our beautiful Nigerian Steemians wey dey support all of us.
THIS QUIZ SBD ALREADY DEY GROUND OOO FROM @imbigdee
Abeg this show na we own, we naija people and pidgin lovers.
We need all the Nigerian Steemians support.
We also waka like that dey find more sponsors ooo so that our talented naija people go fit make am small for life. 😜😜😂😂😂
If you be naija pelzin, you be whale or aspiring whale and you never support us and as you see this post you hiss... say you no go support us... Oya carry your hand go up... raise am higher... fold am and knock your head. 😂😂😂🏃🏃🏃 Make I run before transmission transmit me go transformer.
All talented and untalented participants Oya comment, upvote and resteem this post to qualify for this contest. And make sure you join our naijapidgin discord channel from here ooo to participate ooo
FIRST THREE PERSONS TO UPVOTE, COMMENT SWEET COMMENT AND RESTEEM NA 0.1 SBD FOR GRAB EACH!
once again special thanks to our Mamas @ogoowinner and @zizymena. And my Papa 😜😜😜 @imbigdee for the giveaways wey dey wait for participants for this gbedu wey dey burst brain show. 😘😘😘😍😍😍 I love Una reach moon come back! 😱
I remain Una special gallant WarriCalabar babe Itoro Archibong.😘😘😍😍
Hehehe.. Lass lass you Don come be madam for this side make I kukuma set alarm keep Make I come jonz pass time..
No bring my village pipu come o.i Don dey run dem since
Boss after you na you... I just dey follow you for Yansh ooo. Oya we dey wait for you big time. 😘😘😍😍
Dis asprinig whale category na set up
Hahahahhahahahahhahahahahahahhahaahahhshshshahahahhahaha. Na Mamas like Una be these aspiring whales ooo😂😂😂 🏃 🏃 🏃
Transmission transmission OK transmission 😂😂😂😂
I go Dey there
No Wahala. Transmit yourself con reach there before we start ooo
No Wahala. Transmit yourself con reach there before we start ooo
Abeg no invite them for the show, dem dey scatter things too much. Good luck to you and my oga at the top @imbigdee
Upvoted and Resteemed.
Hahahaha... If dem no dey... Things no go complete ooo. I troway kisses give you for your support. 😘😘😘😍
Yes oooo. Na so be that... Naijapidgin all the way. Our ogbonge people. Na we we today. Everybody shift make I pass. My talent na bad belle talent ooo 😂😂😂
Ewo... Una see am... We don get one bad belle talent already. Abeg bring am come... We want am. 😍😍😘😘👍
@Itoroarchibong, thank you for using the naijapidgin tag.
We encourage and support minnows.
Join us on discord: https://discord.gg/5SR8CH4 for more fun and to submit your posts for curation.
You like what we are doing and would like to support us? Join our trail here: https://steemauto.com/dash.php?i=15&id=1&user=naijapidgin
Sponsored by @ogoowinner
I no fit wait gan, bless u @naijapidgin and the ogas at the top.
God bless you too my brother. We dey expect you. 😘😘😍😍
Na so na, e don tey I dey expect dis kind package on top naijapidgin... No lele na, I full ground berekete 4 d show... I go see una later n big thank you 4 una weh dey behind d success of the proposed show o...
Yes oooo. Na so we see am ooo. We dey expect you gidigba... Come showcase watin God give you. 😘😘😘 Thank You for your supportiiiiiii
We go see today. Make i go charge my phone
O yes... I go keep your seat for you... 😘😘😍😍👍
Walahi, i like dis show like police like N100 wey dem dey collect for check point. Hahaha I go show for there by that time. But the thing be say make i neva contess, make i look , come give them moral support. Taink you, you hear? We go see later
Yes ooo. Thanks you. We still need talent of voting... 😜 so waka come wella... Your place dey wait for you. 😍😍😘😘