ယိုယွင်းနေသော မြန်မာ့သဘာဝပတ်ဝန်းကျင်ကို ထိန်းသိမ်းပြုပြင်ရအောင်
မင်္ဂလာပါ ခင်ဗျာ။Myanmar Steemit Community မှAdminများ ကြီးမှုး၍ Best Writer of January အတွက် ရွေးချယ်ပေးထားတဲ့ "ယိုယွင်းနေသော မြန်မာ့သဘာဝပတ်ဝန်းကျင်ကို ထိန်းသိမ်းပြုပြင်ရအောင်"ဆိုတဲ့ ခေါင်းစဉ် ကို ကျွန်တော် ဆောင်းပါးတစ်ခု သဘောမျိုးဖြင့် အချက်အလက်များနဲ့ တင်ပြသွားပါမယ်။
ပထမဦးစွာ ကျွန်တော်တို့ ခေါင်းစဉ်ကို အရင် သုံးသပ်လေ့လာကြည့်တဲ့အခါ သဘာဝပတ်ဝန်းကျင် ဆိုတာကို တွေ့ရမှာပါ။ရှင်းပါတယ် သဘာဝ ပတ်ဝန်းကျင်ဆိုတဲ့အတွက် သဘာဝတရားကြီးက သူ့အလိုလို သင့်တင့်မျှတအောင်ဖန်တီးပေးထားပြီးသားဖြစ်ပါတယ်။သင့်တင့်မျှတစွာ ဖန်ဆင်းပေးထားသော သဘာဝတရားကြီးကို ဖျက်စီးသူများမှာလဲ အခြားသူများ မဟုတ်ကြပေ။ထိုသဘာဝတရားကြီးအောက်မှာ ရှင်သန်နေထိုင်နေကျသူများပင်ဖြစ်သည်။ထိုသူတို့မည်သို့ဖျက်စီးကျသနည်းဟူသော်
အမှုမဲ့အမှတ်မဲ့ အသေးအဖွဲလေးက စ၍ မိမိကိုယ်ကျိုးတစ်ခုအတွက်သာကြည့်၍ ရည်ရွယ်ဖျက်ဆီးကျသည်များလဲရှိပေသည်
။
အသေးအမွှား အမှုမဲ့အမှတ်မဲ့ နှင့်ဖျက်စီးခြင်း
လှပနေသော သဘာဝပတ်ဝန်းကျင်ကြီးကို အမှုမဲ့အမှတ်မဲ့မှစ၍ ဖျက်စီးခြင်းဟူရာ၌ စည်းကမ်းမဲ့စွန့်ပစ်ခြင်းကပင် စရမည်။အထူးသဖြင့် ပလက်စတစ်အမှိုက်များနှင့်ပတ်သတ်၍ တင်ပြသွားပါမည်။ ကျွန်တော်တို့ နေ့စဉ်သုံးစွဲနေမှုများထဲတွင် ပလက်စတစ်နဲ့မကင်းနိုင်ကျပေ။ခေတ်နဲ့အညီ ပလက်စတစ်ပစ္စည်းနှင့် ပလက်စတစ်အိတ်များကို အလွယ်တကူသုံးစွဲလာသလို လွယ်လင့်တကူပင် စွန့်ပစ်ကျသူများလာသည်။ကမ္ဘာပေါ်ရှိနိုင်ငံများတွင် ကျွန်တော်တို့မြန်မာနိုင်ငံ ပါဝင်သည့် အာရှပစိဖိတ်ဒေသသည် ပလက်စတစ်အသုံးပြုမှု ၄၂ရာခိုင်နှုန်း ခန့်ရှိသည်ဟု စစ်တမ်းများက ဖော်ပြထားသည်။
ထိုများပြားလှသော ပလက်စတစ်များသည် မည်သည့်နေရာသို့ရောက်ကုန်သနည်း ဟူသော် ဤကမ္ဘာကြီးအတွင်းမှာပင် ဖောင်းပွလာလျက်ရှိပေသည်။ပလက်စတစ်သည် လွယ်လင့်တကူဆွေးမြေ့သောအရာမဟုတ်ပေ။မြေပေါ်တွင်မှု မြေဆီလွှာများဆုံးရှုံးမည်။မြစ်ချောင်းအင်းအိုင်များတွင်မှု မြစ်ချောင်းများတိမ်ကောလာခြင်း၊ဂေဟစနစ်ပျက်စီးစေခြင်း တို့ဖြစ်ပေါ်စေနိုင်လေသည်။မီးရှို့ဖျက်စီးရင်ရော ဟူလျင် လေထုညစ်ညမ်းမည်သာဖြစ်သည်။
ကျွန်တော်မြန်မာနိုင်ငံတွင် အမှိုက်စွန့်ပစ်မှုစနစ်နှင့် အမှိုက်သိမ်းစနစ်မှာ အလွန်အားနည်းလျက်ပင်ရှိသေးသည်။အမှိုက်မပစ်ရဟူသောဆိုင်းဘုတ်အောက် အမှိုက်များတောင်လိုပုံနေသည်ကို တွေ့ရသည်မှာ မရိုးလှသောမြင်ကွင်းတစ်ခုပင်ဖြစ်သည်။
အများစုသည် နောက်ဘေးလမ်းကြားသည် အမှိုက်စွန့်ပစ်ရန်နေရာ၊မြစ်၊ ချောင်းများအတွင်း အမှိုက်စွန့်ပစ်ရန်နေရာဟု သတ်မှတ်ထားကျသည်ထင်ပါသည်။နိုင်ငံခြားတိုင်းပြည်များတွင် မြစ်ချောင်းကမ်းပါး ၏အလှကို လှေ၊ သင်္ဘော တို့နှင့် ကြည့်ရှုခံစားလေ့ရှိကြသည်။လူနေအိမ်တို့သည် မြစ်၊ချောင်းကမ်းပါး ဘက်သို့မျက်နှာမူ၍ ဆောက်လုပ်ထားကျသည်။ကျွန်တော်တို့နိုင်ငံတွင်မူ ထိုသို့မဟုတ် မြစ်၊ချောင်းကမ်းပါးဘက်သို့ ကျောပေး၍မရိုသေစကား အိမ်သာများသာ ဆောက်ထားကျသည်။အိမ်သာမှရေဆင်းပိုက်သည် ချောင်းအတွင်း၌ ရှိသည်။ အမှိုက်များ ရေပေါ်တွင် ပေါလောပေါ်၍ ဒီရေနှင့်အတူ တက်လိုက်ဆင်းလိုက်ဖြစ်နေသည်ကိုတွေ့ကျရမည်။လွန်စွာ ဝမ်းနည်းစရာကောင်းလှသောမြင်ကွင်းပင်ဖြစ်သည်။
ဖော်ပြပါပုံများသည် ပလက်စတစ်အမှိုက်များကြောင့် ကုန်းနေ၊ ရေနေသတ္တဝါများ အားညှင်းပမ်းနှိပ်ဆက်မှု ပြုသကဲ့သို့ဖြစ်ပေါ်စေနိုင်သော ပုံများဖြစ်သည်။ထို့အပြင် ဂေဟ စနစ်ပါပျက်စီးစေနိုင်၍ တိရိစ္ဆာန်များ မျိုးတုန်းပျောက်ကွယ်စေနိုင်ပေသည်။
လူအများစုသည် အမှိုက်ကိုစည်းကမ်းမဲ့စွန့်ပစ်ရမှာကိုမရှက်ပေမယ့် အမှိုက်တစ်စကောက်ဖို့ကိုတော့ ရှက်စရာထင်နေကြသည်။ကျွန်တော်လူမှုကွန်ယက်တွင်ကြည့်မိသော video clip တစ်ခုတွင် ဇိမ်ခံကားအကောင်းစားကြီး ပေါ်မှ အချိုရည်ဘူးဟုယူဆရသော ဘူးခွံကို ကားမီးပွိုင့်မိ၍ ရပ်နေစဉ် မှန်တံခါးဖွင့်၍ လမ်းပေါ်သို့စွန့်ပစ်လိုက်သည်။တစ်ခန အကြာ စက်ဘီးဖြင့်သွားလာနေသော နိုင်ငံခြားသားတစ်ဦးမှ ကောက်၍ မှန်တံခါးအားခေါက်ပြီး အမှိုက်အားပြန်ပေးသည်ကိုတွေ့ရသည်။အမှုမဲ့အမှတ်မဲ့ကြောင့် လွန်စွာ ရှက်ဖွယ်ကောင်းလှသော အဖြစ်အပျက်ဟုသာ မြင်မိပါသည်။
ကျွန်တော် နေပြည်တော်တွင်တာဝန်တစ်ခုနှင့် သွားရောက်စဉ်က တည်းခိုရာမှ ရုံးသို့ ကျွန်တော့်ကားနှင့်အတူလိုက်ပါလာသော သူငယ်ချင်းဖြစ်သူမှ "သူငယ်ချင်းရာ မင်းကားထဲလဲ အမှိုက်တွေချည်းပဲ စည်းကမ်းကိုမရှိဘူး"ဟုပြောလေရာ "သူငယ်ချင်းရာ ငါစည်းကမ်းရှိလို့ ငါ့ကားထဲ အမှိုက်တွေရှိနေတာပေါ့ကွ"ဟုပြန်လည်ချေပလိုက်သည်။ကျွန်တော်မှပင်တစ်ဆက်တည်း "ဟုတ်တယ်လေကွာ.. ငါစည်းကမ်းမရှိရင် ငါသုံးပြီးသားအမှိုက်တွေကို လမ်းပေါ်ကို လွှင့်ပစ်မှာပေါ့၊ စည်းကမ်းရှိလို အဆောင်ပြန်ရောက်မှအမှိုက်ပုံးထဲထည့်ဖို့ သိမ်းထားတာလေ"ဟုပြောလိုက်သည်။ဆိုလိုချင်သည် မှာလမ်းသွားရင်း မိမိအမှိုက်ကို မိမိတာဝန်ယူဖို့် ပင်ဖြစ်သည်။
ကျွန်တော်တို့မြန်မာနိုင်ငံတွင် ရေမြေသဘာဝဖွဲ့စည်းပုံအရ အလွန်လှပနိုင်သည့် ကမ်းခြေများ အများအပြားရှိပေသည်။ အလွန်လှပနိုင်သည်ဟု သုံးနှုန်းထားခြင်းမှာ ယခုအခြေအနေမှာ မလှပနိုင်ပဲ အမှိုက်သရိုက်များက ရုပ်ဆိုးအကျည်းတန်စွာနေရာယူထားသောကြောင့်ဖြစ်သည်။ အကယ်၍သာ လှပသောကမ်းခြေများ ဖြစ်လာပါက ထို အရပ်ဒေသတွင် နေထိုင်သူတို့၏အလုပ်အကိုင် စီးပွားရေး မြင့်မားလာနိုင်မည်ဖြစ်သည်။ အဘယ်ကြောင့်ဆိုသော် နိုင်ငံခြားသား ဧည့်သည်များမှစ၍ ပြည်တွင်းပြည်ပ ဧည့်သည်များမှ ကမ်းခြေ၏ သဘာဝအလှကို လာရောက်ကြည့်ရှု ခံစားကျမည်မှာမလွဲပင်ဖြစ်သည်။ထိုအခါ ခရီးသွားဧည့်သည်များနှင့် ပတ်သတ်၍ ဝင်ငွေ အခွင့်အလမ်းများ တိုးတက်လာနိုင်မည် ဖြစ်သော်လည်း ထိုအခွင့်အလမ်းကို ပိတ်ပင်သူတို့မှာ ထိုအရပ်၌ နေထိုင်ပြီး စည်းကမ်းမဲ့အမှိုက်စွန့်ပစ်သူတို့သာဖြစ်ပေသည်။ပလတ်စတစ်ကြောင့် သဘာဝ ပတ်ဝန်းကျင် အလှအပကို ယိုယွင်းပျက်စီးစေသည့်အကြောင်းများကို တင်ပြခဲ့ပြီးနောက် မည်ကဲ့သို့ ပြုပြင်ရမည်ကိုဆက်လက်တင်ပြလိုပါသည်။
ပလတ်စတစ်ကြောင့်ပတ်ဝန်းကျင်ယိုယွင်းပျက်စီးမှုနှင့် ဂေဟစနစ်ပျက်စီးမှု လျော့နည်းစေရန်အတွက် မည်ကဲ့သို့ ပြုပြင်ပြောင်းလဲရမည်နည်းဟူသော် မိတ်ဆွေကိုယ်တိုင်ပင် စ၍ ပြုပြင်ပြောင်းလဲသင့်ပါသည်။သင့်အနေနဲ့_
တတ်နိုင်သမျှပလတ်စတစ်သုံးစွဲမှုလျော့ချပါ။
သုံးစွဲပြီး ပလတ်စတစ်တို့ကို စနစ်တကျ စွန့်ပစ်ပါ။
အတတ်နိုင်ဆုံး Recycle ပြုလုပ်၍ အသုံးပြုပါ။
Recycle ပြုလုပ်သုံးစွဲ ပုံတို့ကို အောက်ပါပုံများတွင်လေ့လာကြည့်ပါ။
သစ်တောပြုန်းတီးမှု
သစ်တောဟုဆိုရာတွင် သစ်ပင်၊ဝါးပင်များ၊တောရိုင်းတိရိစ္ဆာန်များ၊သစ်ခွများ၊ သစ်ဥ၊သစ်မြစ်များအားလုံးကိုဆိုလိုခြင်းဖြစ်သည်။ သစ်တောသံယံဇာတများသည် သဘာဝအလျောက်ဖြစ်ပေါ်နေခဲ့သော်လည်း လူတို့၏ မတော်သုံးစွဲမှုကြောင့် ပြုန်းတီးမှုဖြစ်ရသည်။ သစ်တောသံယံဇာတများသည် မြေဆီလွာပြုန်းတီးမှု ၊ရေလွှမ်းမိုးမှုတို့ကိုကာကွယ်သဖြင့် မြေကြီးသယံဇာတကိုလဲအထောက်အကူပြု သည်။မြေအောက်ရေဖြစ်ပေါ်စေခြင်း၊မိုးရွာသွန်းစေခြင်း စသည်တို့သည် သစ်တောသယံဇာတပေါများခြင်းကြောင့်ဖြစ်သဖြင့် သစ်တောသယံဇာတပေါများခြင်းသည် အခြားသောသယံဇာတများပေါများခြင်းနှင့် စပ်ဆက်နေပေသည်။
မြန်မာနိုင်ငံ၏ သစ်တောဖုံးလွှမ်းမှုအနေဖြင့်၁၉၆၆ခုနှစ် တိုင်းတာချက်အရ မြန်မာနိုင်ငံ အကျယ်အဝန်း ၂၆၁၂၂၈ စတုရန်းမိုင်တွင် သစ်တော ၁၄၉၈၉၈ စတုရန်းမိုင်(ဧက ၉သန်းကျော်) ရာခိုင်နှုန်းအားဖြင့် ၅၇ ရာခိုင်နှုန်း ဖုံးလွှမ်းနေကြောင်း ကြေညာခဲ့ပါသည်။ FAOမှထုတ်ပြန်သည့် Forest Resource Assessment (FRA-2000)အရ နိုင်ငံတော်ဧရိယာ စုစုပေါင်းဧက (၁၆၇)သန်းအနက် ဧက ၈၇သန်းခန့် ရာခိုင်နှုန်းအားဖြင့် ၅၂ရာခိုင်နှုန်းသည် သစ်တောများဖုံးလွှမ်းလျက်ရှိသည်။တောကောင်း၊တောညံ့စုစုပေါင်း ဧရိယာ ဧက ၈၇သန်းအနက် စိုက်ခင်းဧရိယာအနေဖြင့် ဧက ၂သန်းခန့်သာရှိပြီး ကျန်ဧက၈၅သန်းခန့်မှာ သဘာဝမှဖန်တီးပေးထားသောသစ်တောကြီးများဖြစ်သည်။
မြန်မာနိုင်ငံ၏ သစ်တောဖုံးလွှမ်းမှု အခြေအနေ အနေဖြင့်_
(က)ထူထပ်သည့်သစ်တော(တောကောင်း)မှာ ၆၂.၅သန်း။
(ခ)ရွက်အုပ်ပွင့်သစ်တော(တောပျက်)မှာ ၂၄.၉၁သန်း။
(ဂ)တောင်ယာရှိသည့်သစ်တောမှာ ၂၉.၄၅သန်း။
(ဃ)အခြားအသုံးချမြေမှာ ၄၇.၀၃သန်း။
(င)ရေပြင်ဧရိယာမှာ ၃.၂၉သန်းဖြစ်သည်။
ထိုစာရင်းဇယားများကိုကြည့်ခြင်းဖြင့် ကျွန်တော်တို့မြန်မာနိုင်ငံသည် သဘာဝတရားကြီး၏ ဆုလာဘ်ကိုပိုင်ဆိုင်ခွင့်ရထားပြီးသားဖြစ်လေသည်။သစ်တောများ ပြုန်းတီးစေမှုအကြောင်းအရင်းများကိုလေ့လာရာတွင် လယ်ယာမြေများတိုးချဲ့ခြင်း၊ ရွှေ့ပြောင်းတောင်ယာလုပ်ကိုင်မှု၊အလွန်အကျွံ့စားကျက်မြေချခြင်း၊ ထင်းထုတ်ယူသုံးစွဲမှုများ ပြားခြင်း ၊စီးပွားဖြစ်သစ်ထုတ်လုပ်ခြင်း၊ အခြေခံအဆောက်အဦနှင့် စီးပွားရေးလုပ်ငန်းဖြစ်ထွန်းပေါ်ပေါက်လာခြင်း၊ လူဦးရေတိုးပွားလာခြင်းနှင့် ကျေးလက်နေပြည်သူများဆင်းရဲမွဲတေမှု၊ တောမီးများလောင်ကျွမ်းခြင်းနှင့် တောမီးရှို့ခြင်း တို့ကြောင့်ဖြစ်သည်။
သစ်တောပြုန်းတီးမှုသည် သစ်တောရှိသည့်နိုင်ငံအများစုတို့ အရေးတကြီးဖြေရှင်းရမည့် Forestry Issue တစ်ခုပင်ဖြစ်သည်။ထို့ကြောင့် ကမ္ဘာ့နိုင်ငံအများ စုတွင် သစ်ပင်စိုက်ပျိုးရေး စီမံကိန်းများချမှတ်လျက်ဆောင်ရွက်နေကြပါသည်။ မြန်မာနိုင်ငံ၏ သစ်တောဖုံးလွှမ်းမှုမှာ ၁၉၇၅ခုနှစ်တွင် ၅၇ရာခိုင်နှုန်း ရှိရာမှ ၁၉၉၀ပြည့်နှစ်တွင် ၅၀ရာခိုင်နှုန်း ထိလျော့ကျလာခဲ့သည်။ အာရှပစိဖိတ်နိုင်ငံများ၏ စုစုပေါင်းမြေဧရိယာ၏ ၂၁ရာခိုင်နှုန်းတွင်သာ သစ်တောကျန်ရှိရာ မြန်မာနိုင်ငံတွင် ၄၉ရာခိုင်နှုန်းခန့် ကျန်ရှိသည်။
သစ်တောများပြုန်းတီးခြင်းသည် သဘာဝပတ်ဝန်းကျင်ပျက်စီးယိုယွင်းမှုနှင့် များစွာ သက်ဆိုင်လျက်ရှိပေသည်။ သစ်တောများသည် မြေဆီလွှာ ထိန်းသိမ်း လျက်ရှိရာ သစ်တောပြုန်းတီးသွားသည့်အခါ ရွာသွန်းသောမိုးရေတို့သည် အတားအဆီးမဲ့မှုကြောင့် မြေအောက်သို့ စိမ့်ဝင်မှုမရှိတော့ဘဲ မြေဆီလွှာများအားတိုက်စားကာ တဟုန်ထိုး မြစ်ချောင်းများ အတွင်းသို့ စီးဝင်ကျကုန်သည်။ထိုအခါ ရေနှင့်အတူ ပါရှိလာသော အနယ်အနှစ်တို့ကြောင့် မြစ်ချောင်းများ တိမ်ကောလာခြင်း၊ ရုတ်တရက်မြစ်ရေ မြင့်တက်ခြင်း၊ ရေလွမ်းမိုးခြင်း စသည့် သဘာဝဘေးအန္တရာယ်များ လက်ငင်းခံစားရနိုင်သည်။ရေရှည်တွင် မြေအောက်ရေရှားပါးလာခြင်းမျိုးပါ ဖြစ်ပေါ်လာနိုင်သည်။ထို့အပြင် သစ်တောသစ်ပင်များသည် မလိုလားအပ်သော ကာဗွန်ဒိုင်အောက်ဆိုက်များကို စုတ်ယူ၍ လူသားတို့ အတွက်လိုအပ်သော အောက်ဆီဂျင်ကို ထုတ်လွှတ်ပေးသည်ဆိုတာ ကျွန်တော်တို့ငယ်စဉ်အခါကပင် ကျောင်းသင်ခန်းစာတွင် သင်ကြားခဲ့ဖူးပြီးသားဖြစ်သည်။ယနေ့ခေတ်တွင် မြန်မာနိုင်ငံသည် ကမ္ဘာ့နိုင်ငံများနည်းတူ စက်မှုပညာတွင် ရင်ဘောင်တန်းနိုင်ရေးအတွက် ကြိုးစားလျက်ရှိရာ စက်ရုံအလုပ်ရုံများ များပြားလာသည်နှင့်အမျှ ကာဗွန်ဒိုင်အောက်ဆိုက် ထုတ်လွှတ်မှုသည်လည်းများပြားလာလျက်ရှိပေသည်။
ထိုစက်ရုံများမှ စွန့်ပစ်ရေဆိုးများသည်လည်း တချို့စည်းကမ်းမဲ့စွာ မြစ်၊ချောင်းများအတွင်းသို့ စွန့်ပစ်လျက်ရှိသောကြောင့် ရေနေ သတ္တ၀ါ တို့၏ ဂေဟစနစ်ကို ယိုယွင်းပျက်စီးမှုဖြစ်ပေါ်စေလျက်ရှိသည်။ခေတ်မီတိုးတက်လာမှုနှင့် အပြိုင် သဘာဝပတ်ဝန်းကျင်သည်လည်း လိုက်ပါပြောင်းလဲယိုယွင်းလာလျက်ရှိပေသည်။သဘာဝပတ်ဝန်းကျင်ကို ယိုယွင်းမှုဖြစ်စေသည့်အတွက် စက်ရုံအလုပ်ရုံများ ပိတ်ပါဆိုလျင်လည်း ကျွန်တော်တို့နိုင်ငံသာ နောက်ကျကျန်ခဲ့မည်ဖြစ်သည်။ ဒါဆို ကျွန်တော်တို့ အနေနှင့် နိုင်ငံအတွက် ဒီထက်ပိုကြီးကျယ်စွာပြောရလျင် ကမ္ဘာကြီးအတွက် ဘာလုပ်ပေးနိုင်မလဲ။
အဖြေကရှင်းပါတယ်၊ကျွန်တော်တို့သစ်ပင်စိုက်ဖို့လိုပါမည်။သင် သစ်ပင်စိုက်ပျိုးခြင်းသည် ကမ္ဘာကြီးကိုကယ်တင်ခြင်းဟုမှတ်ယူပါလေ။
မြန်မာနိုင်ငံတွင်လည်း ဌာနဆိုင်ရာအလိုက်၊မြို့နယ်၊ရပ်ကွက်၊ကျောင်းများအလိုက် သစ်ပင်စိုက်ပျိုးပွဲတော်များ ပြုလုပ်လျှက်ရှိသည်ကို တီဗွီ၊သတင်းစာ၊ဂျာနယ်များတွင်တွေ့မြင်နေရသည့်အတွက်
ဝမ်းမြောက်ရပါသည်။သို့သော် စိတ်မကောင်းဖြစ်ရသည်လဲရှိသည်။ ထိုအရာမှာအခြားမဟုတ် နှစ်စဉ်နှစ်တိုင်း သစ်ပင်စိုက်ပျိုးပွဲတော် ပြုလုပ်တိုင်း ဒီနေရာမှာပဲပြန်ပြန်လုပ်နေကျတာကြောင့် ဖြစ်သည်။ အဖြေကတော့ သစ်ပင်တော့စိုက်သော်လည်းမိမိစိုက်ပျိုးသော သစ်ပင် ကို ရှင်သန်အောင်ပြုစုမှုအားနည်းခြင်းကြောင့်ဖြစ်သည်။ထိုကဲ့သို့ For Show လုပ်ရပ်မျိုးမ ဖြစ်စေရန်လည်း သတိပြုသင့်ပါကြောင်း အပြုသဘောအနေနှင့် တင်ပြလိုပါသည်။
သယံဇာတ ကျိမ်စာသင့်ခြင်း
မြန်မာနိုင်ငံသည် မြေပေါ်မြေအောက် သဘာဝသယံဇာတ များအလွန်ပေါကြွယ်လှသောနိုင်ငံဖြစ်ပါသည်။ထိုသို့ များပြားသော်လည်း လူသားတို့ ၏မတော်လောဘများကြောင့် သဘာဝတရားမှ ဒဏ်ခတ်ခြင်းကို ခံကျရခြင်းဖြစ်သည်။ထိုကြောင့် သယံဇာတ ကျိမ်စာသင့်ခြင်း ဟူ၍ ခေါင်းစဉ်ခွဲဖြင့် ရေးသားတင်ပြရခြင်းဖြစ်ပါသည်။
သဘာဝသယံဇာတအရင်းအမြစ်များတွင် မှီတင်းနေထိုင်သော သတ္တ၀ါများ၊ မြေ၊သစ်တော၊တွင်းထွက်ပစ္စည်း၊ရေထု၊ လူသားတို့အားစွမ်းအင်ပေးစွမ်းနိုင်သော အရင်းအမြစ်များ အားလုံးကိုဆိုလိုပါသည်။
မြေအောက်သယံဇာတများတွင် ရေနံ၊သဘာဝဓာတ်ငွေ့၊မြေအောက်ရေ၊သတ္တုများဖြစ်သည်။မြေအောက်ရေနှင့် သဘာဝဓာတ်ငွေ့တို့သည် စနစ်တကျသုံးစွဲလျင် အလိုအလျောက်ပြန်လည်ဖြည့်တင်း နိုင်သည့်အတွက် ရာသက်ပန်သုံးစွဲနိုင်ပါသည်။
မြေပေါ်သယံဇာတ များတွင်သစ်တောများ၊တောကိုမှီခိုနေရသော တိရစ္ဆာန် များ၊သန့်ရှင်းသောလေတို့ဖြစ်သည်။ မြန်မာနိုင်ငံသည် သစ်တောဖုံးလွှမ်းမှု များပြားသော နိုင်ငံဖြစ်သောအတွက် နိုင်ငံ၏ နိုင်ငံခြားဝင်ငွေရရှိရေးအတွက် သစ်များ တစ်ဖက်နိုင်ငံများသို့ တင်ပို့ရောင်းချသည်များလဲရှိသည်။ ထိုသို့ရောင်းချရာတွင် သစ်ကုန်ကြမ်းများထက် သစ်များ ကိုအချောထည်ပြုလုပ်ရောင်းချခြင်းက သစ်တောပြုန်းတီးမှုပိုမိုသက်သာစေမည့်အပြင် တိုင်းပြည်၏ ဘဏ္ဍာငွေတိုးပွားစေနိုင်မည်ဟု ထင်ပါသည်။
တွင်းထွက်သယံဇာတများအနေဖြင့်ဆိုလျင် ရွှေ၊ငွေ၊ကြေး၊သတ္တု ၊ကျောက်သံပတ္တမြား စုံလင်စွာထွက်ရှိပေသည်။
ရေလုပ်ငန်းတွင်ဆိုလျင် ငါး၊ပုစွန်နှင့် အစရှိသည့်ရေထွက်ပစ္စည်းများမှစ၍ ပုလဲရတနာများအထိ ရရှိနိုင်သည်။
အထက်ပါတင်ပြချက်များကိုကြည့်ပါက မြန်မာနိုင်ငံတွင်းနေထိုင်သူတို့အတွက် သဘာဝတရားကြီးက ကောင်းမွန်သော ဆုလာဘ်ကို ပေးထားပြီးသားဖြစ်ပေသည်။
ထိုဆုလာဘ်အပေါ် ကောင်းမွန်စွာ အသုံးမချတတ်လျင်တော့ ထိုသဘာဝ သယံဇာတ၏ကျိန်စာကိုသင့်ပေလိမ့်မည်ဖြစ်ပါသည်။ထိုမျှလောက် သယံဇာတများပေါများသော်လည်း ကျွန်တော်တို့နိုင်ငံမှာ နည်းပညာအားနည်းသောကြောင့် တစ်ဖက်တိုင်းတစ်ပါးတို့၏ သဘာဝသယံဇာတအပေါ်ချယ်လှယ်မှုကို ခံစားနေကျရပါသည်။ ဥပမာ-ဖားကန့်ဒေသတွင် ဧရာမချိုင့်ဝှမ်းကြီးများဖြစ်လောက်သည်အထိ ကျောက်စိမ်းများ အလွန်အကျွံထုတ်လုပ်ခြင်း။
သယံဇာတများအလွန်အကျွံထုတ်လုပ်ခြင်းကြောင့် တောတောင်တွေပြုန်းတီးမှု မဖြစ်စေရန်အထူးဂရုပြုသင့်ပေသည်။
ဥတုရာသီ တောကိုမှီ၏
ဆိုသကဲ့သိုပင် ရာသီဥတုသည် တောတောင်ပေါ်တွင်မှီတင်းနေပါသည်။ကျွန်တော်တို့ငယ်စဉ်က ကျောင်းသင်ခန်းစာတွင် နွေရာသီ ၃လ၊မိုးရာသီ ၅လ ၊ဆောင်းရာသီ ၄လဟူ၍ သင်ကြားခဲ့ဖူးသည်။ယခုအခါ ထိုကဲ့သို့ မျှတသောရာသီဥတု မဟုတ်တော့သည်ကို မိတ်ဆွေတို့လဲ သတိပြုမိကျလိမ့်မည်ထင်ပါသည်။မိုးများခြင်း၊ အပူချိန်မြင့်မားခြင်း၊အအေးလွန်ကဲခြင်း တို့ သည် ဖောက်လွဲဖောက်ပြန်ဖြစ်ပေါ်လာသည့် ရာသီဥတု၏ လက္ခဏာများပင်ဖြစ်သည်။မိုးများခြင်း၏ နောက်ဆက်တွဲဆိုးကျိုးများအနေဖြင့် စိုက်ပျိုးသီးနှံများပျက်စီးခြင်း၊ ရေကြီးရေလျှံခြင်းများဖြစ်ပေါ်လာသည်။
ကမ္ဘာကြီးပူနွေးလာမှုနှင့် အတူ ရေခဲမြစ်များ အရည်ပျော်ဆင်းခြင်းကြောင့် ကမ္ဘာရေမျက်နှာပြင်သည်လည်း တစ်နေ့တခြား မြင့်တက်လာနေပြီဖြစ်သည်။ နောင်တစ်ချိန်တွင် ကမ္ဘာတိုက်ကြီးများ ရေအောက်သို့ နစ်မြုပ်မသွားနိုင်ဘူး မပြောနိုင်ပေ။ ထို့ကြောင့်လဲ ကမ္ဘာ့နိုင်ငံအသီးသီး သဘာပတ်ဝန်းကျင်ပြုပြင်ထိန်းသိမ်းခြင်းလုပ်ငန်းများကို အင်တိုက်အားတိုက်ဆောင်ရွက်နေကျခြင်းဖြစ်ပေမည်။မီးတောင်ပေါက်ကွဲခြင်း၊ မြေငလျှင်များလှုပ်ခြင်း၊ပင်လယ်ပြင်တွင် အပူချိန်မြင့်မားမှုကြောင့် လေဖိအားနည်းရပ်ဝန်းများ ဖြစ်ပေါ်ကာ မှုန်တိုင်းများတိုက်ခတ်ခြင်း၊ဆူနာမီလှိုင်းလုံးကြီးများဖြစ်ပေါ်လာခြင်းတို့သည် သဘာဝတရားကြီးက လူသားတို့အား ပြန်လည်ဒဏ်ခတ်ခြင်းပင်ဖြစ်သည်။
နိဂုံး
အချုပ်အားဖြင့်ဆိုရသော် ကျွန်တော် အထက်၌တင်ပြခဲ့ပြီးသော ယိုယွင်းပျက်စီးစေမည့် ကိစ္စရပ်များကို မိမိတို့ တတ်နိုင်စွမ်းသည်ဘက်မှ မပြုလုပ်ကျဖို့လိုပါသည်။ထိုမျှတင်မကပဲ မိမိတို့လက်လှမ်းမီရာ ပညာပေးဆွေးနွေးခြင်းများပြုလုပ်ကျရပေမည်။မြန်မာစကားပုံတစ်ခုဖြစ်သည့်"အရိပ်နေနေ အခက်ချိုးချိုး"ဟူသောစကား၏အဓိပ္ပါယ်ကို ကျယ်ပြန့်စွာ စဉ်းစားကြည့်လျင် ကျွန်တော်တို့်သည် တောတောင်သစ်ပင် ၏အရိပ်အာဝါသကို ခိုလုံနေကြရသူများဖြစ်သည်။ထိုအရိပ်အာဝါသကြောင့် ကျွန်တော်တို့ဘေးကင်းလုံခြုံစွာနေထိုင်နိုင်ခြင်း ဖြစ်ပေရာ ကျွန်တော်တို့အားလုံးသည် အခက်ချိုးသူများမဖြစ်စေရန် သတိပြုကျရပေမည်။ဆောင်းပါးအား ပြန်လည်ကောက်နုတ်တင်ပြရသော် စည်းကမ်းမဲ့အမှိုက်များစွန့်ပစ်ခြင်းကို အထူးဂရုပြုရှောင်ကြည်ပါ။ပလတ်စတစ် အသုံးပြုခြင်းကို အတတ်နိုင်ဆုံးလျှော့ချပါ။
သစ်တောများ ပြုန်းတီးမှုကို သင့်အနေနဲ့မကာကွယ်နိုင်ရင်တောင် သစ်တောပြုန်းတီးမှုအစားထိုးနိုင်အောင်သစ်ပင်စိုက်ပါ။စိုက်ပျိုးသည့်သစ်ပင်ကိုရှင်သန်အောင်ပြုစုပျိုးထောင်ပါ။
ယိုယွင်းပျက်စီးစပြုနေသော မြန်မာ့သဘာဝပတ်ဝန်းကျင် ကို ကယ်တင်နိုင်ဖို့အတွက် သင့် အနေနှင့် သစ်ပင်စိုက်ပျိုးပါ၊
နောင်လာမယ့်ကျွန်တော်တို့ရဲ့ မျိုးဆက်သစ်များ သဘာဝတရားကြီးအတွင်းမှာ ကောင်းမွန်စွာ ရှင်သန်နေထိုင်သွားနိုင်ဖို့ ကျွန်တော်တို့အားလုံးမှာ တာဝန်ရှိပါသည်ဟု တိုက်တွန်းပြောကြားရင်း ကျွန်တော်၏ဆွေးနွေးတင်ပြမှုကို ရပ်နားခွင့်ပြုပါခင်ဗျာ။
Ps-သစ်တောဆိုင်ရာအချက်အလက်များအား နိုင်ငံတော်ကာကွယ်ရေးတက္ကသိုလ်တွင် သစ်တောဦးစီးဌာနမှ သင်ကြားပို့ချသောသင်ခန်းစာမှ ကောက်နုတ်ဖော်ပြထားခြင်းဖြစ်ပါသည်။ဓာတ်ပုံများအား googleမှ ကူးယူဖော်ပြထားပါသည်။
မြန်မာစတီးမစ်မိသားစုဝင်များအားလုံး မြန်မာ့ သဘာဝပတ်ဝန်းကျင် နှင့် အလှကို ထိန်းသိမ်းကာကွယ်နိုင်သူများဖြစ်ကြပါစေလို့ဆုတောင်းရင်း....
Author- Minhtet Yeyint
@zinminhtet
MSC-126
Photo credit google.
Goooooood
တကယ့်ကိုတော်ပါပေတယ်
ဆုရပါစေရှင့်
ကျေးဇူးပါမမို
ဗဟုသုတစေပါတယ်ကျေးဇူးပါ
wow!! တကယ်ကိုပြည့်ပြည့်စုံစုံဖော်ပြထားတာပဲ။ ဆုရပါစေ ko zinminhtet ရေ။
ကျေးဇူးတင်ပါတယ် မဇင်ဇင်ရေ
ပြည့်စုံပါပေတယ်ဗျာ ။ ဆုရပါစေ။
တင်ပြပုံ အရေးအသားကောင်းတယ် Bro
ဆုရပါစေဗျာ
Thank
အရမ်းကောင်းပါတယ်။ဆုရရှိပါစေ။
Thank
တင်ပြပုံလေးကောင်းပါတယ် ဆုရပါစေဗျာ
ဆုရရင် မုန့်ကျွေးမယ်
ဗဟုသုတရပါတယ်
ကောင်းပါတယ် bro