လူပုဂ္ဂိုလ် သတ္တဝါ ဝေနေယျတို့သည် တစ်ဦးတစ်ယောက်တည်း သီးခြားခွဲနေခြင်းဖြင့် အရေးအကြောင်းတစ်စုံတစ်ရာ ပေါ်ပေါက်လာပါက ဖြေရှင်းနိုင်ရန် မလွယ်ကူကြပါပေ။ ပုဂ္ဂိုလ် သတ္တဝါတို့ကို အသာထား သက်မဲ့ ဖြစ်သော သစ်ပင်ဝါးပင်များပင်လျှင် လေပြင်းမုန်တိုင်း တိုက်ခတ်သောအခါ လွင်တီးခေါင်တွင် တစ်ပင်တည်း သီးခြား ပေါက်သောအပင်နှင့် တောအရပ်တွင် စုပေါင်းပေါက်ကြသော အပင်များမတူကြပေ။ တစ်ပင်တည်းပေါက်နေသော သစ်ပင် ဝါးပင်များသည် လေပြင်းတိုက်ခတ်သောအခါ ပြိုလဲသွားနိုင်သော်လည်း တစ်ပင်နှင့်တစ်ပင်နီးကပ်စွာပေါက်ရောက်ကြသော သစ်ပင်ဝါးပင်များသည် လေးပြင်းတိုက်ခတ်သော်အခါ တစ်ပင်နဲ့တစ်ပင် အမှီပြု၍ လေပြင်းတိုက်ခတ်သော ဒဏ်ကို တွန်းလှန်နိုင်ပုံကို ကျွန်တော်တို့ငယ်စဉ်က ကျောင်းသင်ခန်းစာများတွင် သင်ခဲ့ကြရပေသည်။ စည်းလုံးခြင်းဖြင့် ရင်ဆိုင်တွန်းလှန်နိုင်ပုံကို အသိရှိစေသော သင်ခန်းစာကောင်း တစ်ပုဒ်ပါပေ။

စည်းလုံးညီညွတ်ကြခြင်းဖြင့် အင်အားကြီးမားသောအရာ မဖြစ်နိုင်ဘူးထင်ရသောအရာကိုပင် အောင်မြင်နိုင်ပုံကို ဥပမာပြချင်သေးသည်။

ရှေးအခါက ဘုရင်ကြီးတစ်ပါးဟာ မိဖုရား မောင်းမမိဿံ ကိုယ်လုပ်တော်များ ခြံရံလျက် တောအုပ်ငယ်တစ်ခုအတွင်း အပန်းဖြေခြင်းအလို့ငှာ တောကစားထွက်တော်မူတယ်တဲ့။ ဘုရင်ဆိုတာ မိန်းမပေါတဲ့အမျိုးဆိုတော့ ရှိသမျှ မိန်းမတွေပါ တောကစားထွက်တဲ့ဆီ ခေါ်သွားဟန်တူပါရဲ့။

အဲဒီတောထဲမှာလည်း နွားလားဥဿဖ တစ်ကောင်က နွားမများစွာ ခြံရံလျက် နေထိုင်တယ်ဆိုပဲ။ ဘုရင်ကြီး တောအုပ်ငယ်အတွင်းရောက်သွားတဲ့ အချိန်မှာပဲ နွားလားဥဿဖကြီး တစ်ကောင်နဲ့ တစ်ခြားနွားတွေက ရုန်းရင်းဆန်ခတ် ဖြစ်နေကြတယ်ဆိုပဲ။ အဲဒီလို နွားတွေအချင်းများနေတာကို ဘုရင်ကြီးတွေ့သွားတယ်။ နွားတွေ ဘာလို့အချင်းများနေကြလဲဆိုတော့ အကြောင်းရင်းက ဒီလိုတဲ့ခင်ဗျ။

နွားလားဥဿဖ ဆိုတာလည်း နွားအုပ်စုထဲမှာတော့ အင်အားအကြီးမားဆုံးဆိုတော့ တစ်ခြားနွားတွေအပေါ်မှာ ဗိုလ်ကျစိုးမိုးတယ်ဆိုပါတော့။ နွားမလေးတွေ အရွယ်ရောက်လာရင် သူကပဲ တော်ကောက်တော်မူပြီး ဘယ်နွားမ ဖြစ်ဖြစ် သူ့မိန်းမ လုပ်ထားတယ်တဲ့။ တစ်ခြားနွားထီးလေးတွေကို မျှမပေးပဲ သူချည်းအကုန် ယူတာလို့ ဆိုသကို။ ဟိုနွားမလည်း ငါ့မိန်းမ ဒီနွားမလည်း ငါ့မိန်းမနဲ့ နွားလားဥဿဖကြီးက အကုန်သိမ်းပိုက်ထားတယ်ဆိုပဲ။

ကျန်တဲ့ နွားထီးတွေက ဒီကိစ္စကို လုံးဝမကျေနပ်ကြဘူးတဲ့။ ဒါပေမဲ့ မကျေနပ်လည်း မတတ်နိုင်ကြဘူးဖြစ်နေကြတယ် နွားလားဥဿဖကြီးရဲ့ အင်အားကို သူတို့မယှဉ်နိုင်ကြဘူးလေ။ အဲဒီတော့ နွားထီးတွေက အစည်းအဝေးလုပ်ကြတယ်။ ဒီအတိုင်းနေကြရင်ဖြင့် ငါတို့နွားတွေ ခက်ရချည်ရဲ့ တွေ့သမျှနွားမ တွေကို ဒင်းမိန်းမကြီးပဲ လုပ်နေတာ ငါတို့မိန်းမရဖို့တော့ မမြင်ဘူး ဘာညာပေါ့ဗျာ။ နွားထီးတွေ အစည်းအဝေးလုပ်နေကြတာနော်။ နွားထီးတွေ အစည်းအဝေးပြီးတော့ စည်းဝေးပွဲကနေ သူတို့လုပ်ရမဲ့ အဖြေတစ်ခုကို ရလာခဲ့တယ်။

အဖြေက ဘာလဲဆိုတော့ သူတို့တွေ နွားမတွေနဲ့ ပျော်ပါးခွင့်မရခြင်းဟာ ဒီနွားလားဥဿဖကြီးကြောင့်။ သူကို့ တစ်ကောင်ခြင်းယှဉ်ဖိုက်ကြဖို့ကလည်း အင်အားခြင်းက မမျှလေတော့ သူတို့နွားထီးတွေ အကုန်စုပေါင်းပြီး ဒီနွားကြီးကို ဖိုက်တင်ပလေးကြဖို့ အစည်းဝေးရလာဒ် ထွက်ပေါ်လာပြီး သကာလ နွားလားဥဿဖကြီးကို စုပေါင်းတိုက်ခိုက်ကြပါလေရောတဲ့။ နွားလားဥဿဖကြီးဟာ တစ်ကောင်ခြင်းမှာ သူ့ကို ယှဉ်နိုင်သူမရှိပေမဲ့ အခုလိုစုပေါင်းတိုက်ခိုက်ခြင်းခံရချိန်မှာတော့ ဒီအင်အားစုကို ဘယ်လိုမှမယှဉ်နိုင်တော့ပဲ ဟိုနွားက ဝင်ခွေ့ ဒီနွားက ဝင်ခတ်နဲ့ နောက်ဆုံးမှာ ဗိုက်တွေပေါက် အူတွေထွက်ကျ ပြုတ်ကျပြီး သေပွဲဝင်ရရှာရောတဲ့။

ဒီအချင်းရာကို မြင်တွေ့သွားတဲ့ဘုရင်ကြီးဟာ စုပေါင်းစွမ်းအားဟာ အင်အားကြီးသောအရာကိုပင် တွန်းလှန်နိုင်ပုံနှင့် နွားလားဥဿဖကြီးလိုပဲ မိဖုရားပေါများလှတဲ့ သူ့အဖြစ်ကို နှိုင်းယှဉ် သံဝေဂတရားတွေရပြီး မမြဲခြင်းတရားတွေဆိုတာ သဘောပေါက်ကာ ထီးနန်းစည်းစိမ်ကို စွန့်ကာ တောထွက်သွားတယ်ဆိုပဲ။

ကျွန်တော်တို့ စုပေါင်းစပ်ပေါင်းတည်ဆောက်ထားတဲ့ ဘုံအကောင့်ပိုင်ရှင်များသည်လည်း သံဝေဂတရားတွေ ရလို့ တောထွက်ချင်လည်း ထွက်ကြပေါ့လေ။ တောမထွက်ချင်ကြသေးရင်လည်း နောက်ထပ်ဖြစ်ပေါ်လာမဲ့ ကောင်း ဆိုးနှစ်တန်ကို စုပေါင်းစွမ်းအားနဲ့ ရင်ဆိုင်ကျော်ဖြတ်ပြီး အောင်မြင်မှုဆီသို့ တက်လှမ်းကြပါစို့လို့ နှိုးဆော် တိုက်တွန်းလိုက်ရပါကြောင်း ။

Photos Credit >>>Google

No-1

@steempowergroup1