နှလုံးသားကိုအလှဆင်မယ်

အောက်အီးအီးအွတ်ခေါင်းရင်းသရက်ပင်ပေါ်မှကြက်ဖကြီးရွှေနီ၏တွန်သံကြောင့်မစံပယ်အိပ်ယာမှနိုးလာခဲ့သည်။
" တုတ်တုတ်တုတ်တုတ် " မရှေးမနှောင်းပင် ရွာဦးကျောင်းမှအုန်းမောင်းခေါက်သံကိုကြားလိုက်ရ၏။"ဆွမ်းတော်ချက်ရန်ထသော်မူပါ့ ဗွန်ဒေါသဒ်ဗုရိဿအပေါင်း သူတော်ကောင်း
တို့"ရွာအသံချဲ့စက်မှဆွမ်းတော်ချက်ရန်နှိုးဆော်သည့်အသံကလည်းမြိုင်မြိုင်ဆိုင်ဆိုင်ပင်ထွက်ပေါ်လာလေသည်။မစံပယ်အိပ်ယာမှတက်တက်ကြွကြွပင်ထလိုက်၏။မီးဖိုထဲတွင်ဆွမ်းချက်နေသောအမေဒေါ်နုယဉ်ကနောက်သို့လှည့်ကြည့်သည်။သမီးရေခြံထဲဆင်းမှာဆိုအနွေးထည်ထပ်ဝတ်သွားအုံး။ဟုတ်မေမေ။မစံပယ် ကပျာကယာပင် တန်းပေါ်တွင်တင်ထားသည့် အနွေးထည်များထဲမှ နီးရာကိုဆွဲယူဝတ်ပြီး ခြံထဲဆင်းလာခဲ့၏။

ညဦးပိုင်းက မိုးတစ်ပြိုက်နှစ်ပြိုက်ရွာထား
သည်မို့ မစံပယ်၏ ဇွန်ပန်းရုံကလေးများ အတော်ပင်ပွင့်နေလောက်ပြီ။ခပ်လှမ်းလှမ်းရှိဇွန်ပန်းရုံများဆီသို့ဓာတ်မီးဖြင့်လှမ်းထိုးလိုက်၏။ဝါး! မီးရောင်အောက်တွင်ဇွန်ပန်းများဖွေးဖွေးလှုပ်နေသည်ပါလား။လက်တွင်ပါလာသောဂုံးဇကာလေးကို ဘေးချကာ မစံပယ် ဇွန်ပန်းများကို စတင်၍ခူးလေသည်။ အရှေ့ဆီမှပျို့အန်လာသော
မနက်ခင်း၏ လင်းရောင်ခြည်နှင့်အတူ မစံပယ်တို့ ခြံထဲတွင်ဇွန်ပန်းနံ့များကသင်း
ကြိုင်နေလေတော့သည်။ဇွန်ပန်းရုံများ
အောက်တွင် တော့ဂါဝန်ဖြူလေး
ဝတ်ကာဆံရစ်ဝိုင်းလေးနှင့်
မစံပယ်မနက်ခင်းနှင့်အပြိုင်ဇွန်ပန်းခူးရင်းမြူးထူးပျော်ပါးနေလေ၏။

မစံပယ်၏အသက်က၁၂နှစ်ဖြစ်ကာရွာကျောင်းတွင် ၇တန်းသို့ရောက်ပေပြီ။
မစံပယ်ကနာမည်နှင့်လိုက်အောင်ဖြူဖြူချောချောလေးဖြစ်ပြီး ညာဘက်မေးစေ့ ထောင့်တွင်စံပယ်တင်မှဲ့ကလေးပါလေသည်။ သွားများမှာညီညာဖြူဖွေးနေကြပြီးမစံပယ်ရယ်လိုက်လျှင်သွားအကုန်ပေါ်ကာအတော်လှသည်ဟုလူပြောများကြလေသည်။ထိုအပြုံးကြောင့်ပင်မစံပယ်ကိုအတော်ပင်လူချစ်လူခင်များလှလေ၏။ပြီးတော့မစံပယ်ကအလွန်ပင်စိတ်ထားကောင်းလှလေသည်။မစံပယ်တို့တွင်မိသားစု၃ဦးရှိသည်။အဖေဦးလှမြင့်အမေ ဒေါ်နုယဉ်နှင့် မစံပယ်ပင်။တစ်ဦးတည်းသောသမီးမို့ မွေးကတည်းကအစစအရာရာပြည့်စုံခဲ့သည်။အဖေလုပ်သူဦးလှမြင့်ကအလုပ်ကိုကြိုးကြိုးစားစားလုပ်သည်။မစံပယ်မွေးပြီးကတည်းကစီးပွားရေးမှာတရှိန်ထိုးတိုးတက်လာသောကြောင့်မစံပယ်ကိုလာခြင်းကောင်းသောသမီးလေးအဖြစ်သဲသဲလှုပ်ချစ်ကြလေသည်။ဘာအလုပ်မှမခိုင်း၊မလုပ်စေရဖူးဖူးမှုတ်ထားလေ၏။သို့ရာတွင်ငယ်ငယ်ကတည်းကဇွန်ပန်းကြိုက်သောမစံပယ်ကခြံထဲတွင်ဇွန်ပန်းပင်များစိုက်ခဲ့လေသည်။မစံပယ်၃တန်းကတည်းကစတင်စိုက်ခဲ့သောဇွန်ပင်များမှာယခုမစံပယ်7တန်းတွင်ဇွန်ပန်းရုံကြီးများပင်ဖြစ်နေပေပြီ။မိဘများကတားသော်လည်းမရမစံပယ်၅တန်းမှစ၍မိမိစိုက်ခဲ့သောဇွန်ပန်းများကိုကုံးကာပန်းရောင်းရသောအလုပ်တွင်မွေ့လျော်နေမိ၏။

စီးပွားရေးပြည့်စုံသောမိသားစုဖြစ်၍ မစံပယ်ဇွန်ပန်း ရောင်းသောပိုက်ဆံများကို အဖေနှင့်အမေဖြစ်သူကမယူကြပေ။မစံပယ်ကိုသာသုံးစေ၏။ဖွေးဖြူနေသောဇွန်ပန်းများကိုတစ်ပွင့်ချင်းခူးကာမစံပယ်မျက်နှာတွင်ပြုံးနေလေ၏။ယခုဆိုလျှင်မစံပယ်၏
ဂုံးဇကာထဲတွင်ဇွန်ပန်းများပြည့်နေပေပြီ။ဇကာလေးကိုကောက်ကာအိမ်ဘက်ဆီသို့ခပ်သုတ်သုတ်လျှောက်လာခဲ့လေသည်။ဇွန်ပန်းပွင့်လေးများကိုအပ်ချည်အဖြူရောင်လေးများဖြင့်ခပ်စိတ်စိတ်ကုံးလိုက်သည်။စုစုပေါင်းအကုံး၅၀ခန့် ရလေ၏။
ပန်းကုံးများ၏ထိပ်မှအပ်ချည်အပိုများကိုစုစည်းချည်ပြီးချိန်တွင်မစံပယ်၏ဇွန်ပန်းကုံးသောလုပ်ငန်းပြီးစီးလေပြီ။

အောက်ခံသနပ်ခါးကိုထူထူလိမ်းလိုက်ကာအပေါ်တွင်စွယ်တော်ရွက်ပုံစံခွက်ကလေးဖြင့်ပါးခွက်ထူထူလေးခြယ်လိုက်သည်။ဆံပင်နက်နက်ကလေးများကို အရီးလှဆိုင်မှအမေ၀ယ်ပေးသောရွှေအုန်းပင်အုန်းဆီဖြင့်ရွှဲနေအောင်လိမ်းလိုက်၏။ဘီးဖြင့်သပ်သပ်ရပ်ရပ်ဖီးကာ ဘေးနှစ်ဖက်ကိုဆံထုံးပုံ့ ပုံ့ လေးနှစ်ခုထုံးပြီးချိန်တွင်အမေ့အသံပေါ်လာလေ၏။" သမီးရေ စံပယ် ထမင်းစားရအောင် သမီး ဖေဖေလည်းစောင့်နေတယ်။ ဟုတ်မေမေလာပြီ။"ဖေဖေ၀ယ်ပေးသော လိမ္မော်ရောင်အောက်ခံပေါ်တွင်အပြာရောင်ပန်းအတွန့်များပါသည့်လက်တံတောင်ထိရှည်သောဂါဝန်လေးကိုလဲဝတ်လိုက်သည်။ ဒီနေ့ကကျောင်းပိတ်ရက်မို့အဖြူအစိမ်းလဲစရာမလိုပေ။

"သမီးရော့ဒီမှာသမီးကြိုက်တဲ့
ကြက်သည်းကြက်မြစ်"

အဖေလုပ်သူဦးလှမြင့်က မစံပယ်ထဲသို့ အသဲအမြစ်များပုံထည့်ပေးသည်။မစံပယ်က ထိုအသည်းအမြစ်များကို ပြန်ယူကာ ဖေဖေတို့ မေမေတို့လည်းစားလေသမီးတစ်ယောက်တည်းမစားချင်ပါဘူးဟုဆိုပြီးအဖေနှင့်အမေ့ထဲသို့ တစ်ဝက်စီပြန်ထည့်ပေးလိုက်သည်။

" အမလေးကိုလှမြင့် တော့်သမီးကလူလည် အဖေတို့ အမေတို့ ကို ချော့ပြီးစားမယ့်သူ ဟုတ်ပါ့ဟုတ်ပါ့ဟားဟားဟား"

အဖေနှင့်အမေ၏ရယ်မောသံများနှင့်အတူ ထမင်းဝိုင်ကဝေေ၀စည်
စည်နှင့်ပြီးလေ့ရှိလေသည်။

ဖေဖေဦးလှမြင့်ယာထဲသို့ထွက်သွားပေပြီ။မစံပယ်လွယ်နေကြလိမ္မော်နုရောင်လွယ်အိတ်ကလေးကိုလွယ်လိုက်ကာပန်းကုံးများကိုဘယ်ဘက်လက်တွင်ကိုင်လိုက်၏။

"မေမေရေသမီးပန်းရောင်းသွားတော့မယ်။အေးအေးသမီးတစ်အားနေမမြင့်ခင်ပြန်လာခဲ့နော်"

ဒေါ်နုယဉ်ဘုရားပန်းကပ်နေရင်းမှလှမ်းပြောလိုက်သည်။

"ဟုတ်ဟုတ်မေမေ။"

မစံပယ်အပြုံးဖြူဖြူစင်စင်လေးပြုံးကာအိမ်ဝသို့ထွက်လာခဲ့လေသည်။

"မစံပယ်ရေ ပန်းယူအုံးမယ်"

ကြီးကြီးငွေရည်က အိမ်ရှေ့ထွက်လာလေသည်။

"တစ်ကုံးကို တစ်ရာပဲမလား စံပယ်လေး။ဟုတ်တယ်ကြီးကြီး အေးအေးငါ ၅ကုံးယူမယ်အေ။"

မစံပယ်က အပိုတစ်ကုံးထပ်ထည့်ပေးလိုက်သည်။

"အမလေးငါ့တူမ သဘောကောင်းလှချည်လား အေးအေးညည်းပေးတဲ့ပန်းကုံးကို ငါဘုရားလှူလိုက်မယ်။"

ကြီးငွေရည်ကတပြုံးပြုံးဖြင့်ပန်းကုံးများကိုင်ကာအိမ်ထဲသို့ဝင်သွားလေသည်။

ဟောဟိုမှာကျောင်းကဆရာမပဲ။ မစံပယ်လက်ထဲမှပန်းကုံးတစ်ကုံးဖြုတ်ယူလိုက်သည်။

" ဆရာမ ဆရာမဖို့ ပန်းပါ။ "

ဆရာမလေးကပြုံးကာပန်းကိုပန်လိုက်လေသည်။မစံပယ်ထပ်ထွက်လာခဲ့သည်။အရှေ့မှဆွမ်းခံကြွလာသောရွာဦးကျောင်းဆရာတော်ကို ဖူးတွေ့လိုက်ရသည်။မစံပယ်လက်ထဲတွင်ပန်းရောင်း၍ရသောငွေများထဲမှ ၅၀၀;ထုတ်လိုက် ၏။ ဆရာတော်ကြွမည့်လမ်းတွင် ပုဆစ်တုတ်ကာထိုင်လိုက်ပြီး ထိခြင်းငါးပါးဖြင့် ဦးငါးကြိမ်ချကာပန်းနှင့်ငွေငါးရာအားကပ်လှူလိုက်သည်။"သာဓုသာဓုသာဓုကြံတိုင်းအောင်ဆောင်တိုင်းမြောက်ပြီးလိုရာဆန္ဒတစ်လုံးတစ်ဝတည်းပြည့်စေ။ပေးတဲ့ဆုနဲ့ ပြည့်ပါစေဘုရား။ " ဆရာတော်က မိန့် မိန့်ကြီးပြုံးကာဆက်လက်၍ကြွသွားလေသည်။

အချိန်ခဏလေးအတွင်းမှာပင် မစံပယ်လက်ထဲမှ
ပန်းကုံးများကုန်သွားလေသည်။မစံပယ်ပိုက်ဆံများကိုရေကြည့်လိုက်တော့ငါးထောင့်ငါးရာကျပ်တိတိ။မစံပယ်ပြုံးလိုက်၏။အိမ်ဆိုင်လေးတစ်ခုအတွင်းသို့ဝင်ကာအမေနှင့်အဖေဖို့ဖိနပ်တစ်ရံဆီဝယ်လိုက်သည်။ ဖိနပ်ဖိုးငွေရှင်းပေးပြီးနောက် မစံပယ်လက်ထဲတွင်ငွေသုံးထောင်သာကျန်တော့လေသည်။မစံပယ်ပြုံးလိုက်ရင်းရွာမြောက်ဖျားသို့ ထွက်လာခဲ့၏။

ဒီနေ့ကအရီးမြိုင်အလှည့်ပင်။မစံပယ်တို့ရွာတွင် သားသမီးလည်းမရှိအသက်အရွယ်လည်းကြီးရင့်ကာအရပ်ကပေးမှစားရသောအဖိုးကြီးအဖွားကြီး၈ယောက်ရှိလေသည်။မစံပယ်ကနေ့စဉ်ပန်းရောင်းရသောပိုက်ဆံဖြင့်ထိုအသက်ကြီးပုဂ္ဂိုလ်များအားအလှည့်ကြသွား၍ကန်တော့လေ့ရှိသည်။မစံပယ်လိုကလေးသာသာလေးတစ်ယောက်အဖို့ထိုကုသိုလ်လောက်သာလုပ်နိုင်လေသည်။ ထိုသို့ ကန်တော့ရခြင်းကိုလည်း မစံပယ်အတိုင်းမသိ ပျော်ရွှင်မိသည်။

" အရီးမြိုင် အရီးမြိုင်" အိမ်ဝမှနာမည်အော်ခေါ်ရင်းမစံပယ်အိမ်ထဲသို့ ဝင်သွားလိုက်သည်။"မစံပယ်လား"အရီးမြိုင်ကမှုံးဝါးနေသော မျက်လုံးကို ပွတ်ကာကြည့်လိုက်သည်။ " မစံပယ်လာကန်တော့တာပါ အရီး။" ငွေလေးသုံးထောင်ကိုချကာမစံပယ်ထိခြင်းငါးပါးဖြင့် ဦးသုံးကြိမ်ချလိုက်သည်။အရီးမြိုင်၏ မျက်လုံးအိမ်မှ မျက်ရည်များရစ်ဝဲလာသည်။

"သာဓုသာဓုသာဓုပါငါ့မြေးရယ်။ အခုလိုမျိုး အသက်ကြီးသူကိုထောက်ပံ့သောအကျိုးကြောင့်ဘ၀လမ်းခရီးတစ်လျှောက်လုံးခလုတ်မထိဆူးမငြိဘဲအောင်မြင်ပေါက်ရောက်နိုင်ပါစေကွယ်။
ပေးတဲ့ဆုနဲ့ ပြည့်ပါစေအရီး။"

ဦးချကာထွက်သွားသော မစံပယ်၏ ကျောပြင်ကိုငေးကာ အရီးမြိုင်တစ်ယောက် မျက်ရည်များကြားမှ ခေါင်းတငြိမ့်ငြိမ့်နှင့် ပြုံးလိုက်လေတော့သည်။

မစံပယ်လွယ်အိတ်ထဲမှဖိနပ်ကလေးနှစ်ရံကိုလက်
နှင့်စမ်းကာ ပြုံးလိုက်သည်။ မစံပယ်ဇွန်ပန်းရောင်းရသည်ကို ပျော်သည်။ ရသည့်ငွေလေးဖြင့်အဖေတို့ အမေတို့ ကိုလက်ဆောင်ဝယ်ပေးရသည်ကိုပျော်သည်။ ငွေကြေးအရနည်းသည်ဆိုသော်လည်း ရသည့်ပိုက်ဆံလေးဖြင့်သက်ကြီးရွယ်အိုများကိုထောက်ပံ့ရသည်ကိုပျော်လေသည်။မစံပယ်ဒီအလုပ်ကိုပျော်ရွှင်စွာပင်ဆက်လက်ဆောင်ရွက်နေအုံးမည်ဖြစ်သည်။မစံပယ်၏မျက်နှာမှာပြုံးနေကာခြေလှမ်းများကအိမ်ဘက်ဆီသို့ခပ်သုတ်သုတ်ပြန်လာခဲ့လေ ၏။မစံပယ်၏ခြံထဲတွင် ဇွန်ပန်းရနံ့ များကလှိုင်နေဆဲ ဖြစ်ကာ မစံပယ်၏ရင်ထဲတွင်တော့မနက်ဖြန်ပွင့်လာမည့်ဇွန်ပန်းများကိုမြင်ယောင်ကာကြည်နူးနေမိ လေသည်။
ပြီးပါပြီ
ချစ်ခင်ရပါသော steemit အဖွဲ့သူအဖွဲ့သားများအားကျေးဇူးတင်လျက်…
Photo credit - google image
Author - Soe Tha Khin
MSC-172