လျော့ဈေး

** မရှိမဖြစ်လိုအပ်ချိန်မှာ တိတ်တိတ်လေးပုန်းနေခဲ့ပြီးမှ
မရှိရင်ဖြစ်တယ်ဆိုမှ ဘာလို့ လျော့ဈေးနဲ့ လာလာရောင်းနေရသလဲ
မိန်းခလေးရယ် …. **

မရှိမဖြစ်။ ဒီစကားက အချစ်ရေးနဲ့ပက်သက်လာရင် လူငယ်တွေကြားမှာ ရေပန်းစားတဲ့စကားလုံးပေါ့။ ဟုတ်ပါတယ်၊ သူမ မရှိရင်မဖြစ်ဘူးလို့ ကျွန်တော့်အသွေးသားတွေ တောင်းဆိုချိန်တုန်းက သူမဟာ တိမ်တွေထဲမှာ ပုန်းနေတဲ့လမင်းလို အေးမြခြင်းတွေကို သိုဝှက်ထားခဲ့တယ်။
သူမရဲ့အသံလေးမကြားရရင် မနေနိုင်လို့ ခနခန ဖုန်းခေါ်တော့ အလုပ်မအားဘူးဆိုပြီး ဖုန်းပိတ်ခဲ့တယ်။
သူမရဲ့ မျက်နှာလေး မမြင်ရရင် မနေနိုင်လို့ သူမအလုပ်ဆင်းမဲ့ အချိန်စောင့်ပြီး ခိုးခိုးကြည့်တာတောင် ငြိုငြင်တဲ့အကြည့်နဲ့ တုန့်ပြန်ခဲ့တယ်။
အရာရာ သူမအတွက်စိတ်ပူပြီး အရိပ်လို ခိုကပ်ခဲ့တယ်။ ဒါပေမဲ့ သူမကတော့ အနှေက်ယှက်လို သဘောထားတယ်။ ကျွန်တော့်ကို မြင်တာနဲ့ မသိသလို ရှောင်ဖယ်သွားတယ်။ သူမက အပျိုမာန်တွေထောင်ပြီး ၀င့်ကြွားနေတဲ့ ပင်ယံထက်က ပန်းသဇင်တဲ့လေ။ နာမည်လေးနဲ့ လိုက်အောင် ယှဉ်ယှဉ်လေးနဲ့ လှတဲ့သူလေးပေါ့။

ကျွန်တော့်ရဲ့ နှလုံးသားတောင်ကုန်းတစ်ဝိုက် အချစ်ရာသီဥတုဖောက်ပြန်ခဲ့တယ်။နေ့ဘက်မှာဆို သူမဟာ ပူလောင်တဲ့နေမင်း ၊ ညဘက်မှာဆို ကွယ်နေတဲ့လမင်း။ ဒါတင်မကသေးဘူး အကြီးကျယ်ဆုံးမုန်တိုင်းတိုက်ခက်သွားခဲ့တယ်။ ကျွန်တော့်ရဲ့ နှလုံးသားတစ်ခုလုံးကို မွှေနှောက်သွားခဲ့တဲ့နေ့။ အဲ့ဒီနေ့က သူမ တစ်ခြားကောင်လေးတစ်ယောက်ရဲ့ လက်ကို မြတ်မြတ်နိုးနိုး ဆုပ်ကိုင်ထားတဲ့နေ့ပါပဲ။

အသည်းကွဲဒဏ်ရာဗလပွနဲ့ အရူးတစ်ပိုင်းဖြစ်နေတဲ့ ကျွန်တော့်ရဲ့ နှလုံးသားကို ကုစားဖို့ အချိန်ဆိုတဲ့ဆေးကို မှန်မှန်သောက်ရင်း အခုတော့ သူမကို ကျွန်တော့ရင်ဘက်ထဲက ထွက်ခွာခွင့်ပေးနိုင်ခဲ့ပါပြီ။ မှန်မှန်စား မှန်မှန်အိပ် အလုပ်ထဲမှာပဲ စိတ်နှစ်ပြီး သူငယ်ချင်းတွေနဲ့ အချိန်ပေးရင် သူမကို ကျွန်တော့နှလုံးသားထဲက တိုက်ထုတ်နိုင်ခဲ့ပြီ။ လွယ်လွယ်လေးနဲ့တော့ ရခဲ့သည်မဟုတ် ၊ လွမ်းစရာရှိရင် နာစရာနဲ့ ဖြေရတယ်လို့ ပြောကြတယ်မဟုတ်လား။ ကိုယ့်မေတ္တာတရားတွေကို ဥပစ္စခါ ပြုခဲ့တဲ့သူမကို ခပ်နာနာလေးတွေးရင်း အလွမ်းတွေကို ဖြေခဲ့ရတယ် သိပ်တော့မလွယ်ဘူးပေါ့။ ဟာ … လွယ်ကိုမလွယ်တာပါဗျာ။

ဒီလိုနဲ့ တူညီတဲ့နေ့တွေကို ပုံစံတူဖြတ်သန်းရင်း ကမ္ဘာကြီးအရမ်းကျဉ်းမှန်းသိခဲ့ရတယ်။ တသက်လုံး သူမနှင့် တွေ့စရာအကြောင်းမရှိတော့ဘူးလို့ တွေးထားတာ။ တစ်နေ့က လမ်းမှာသူမနှင့် အမှတ်မထင် ဆုံတွေ့ခဲ့တယ်။ အံ့သြစရာကောင်းတာက သူမက အရင် စပြီးကျွန်တော့်ကို ပြုံးပြတယ်ဗျ။ ကျွန်တော်လည်း အလိုက်တသိ ပြန်ပြုံးပြလိုက်ပါတယ်။ ပြီးတော့ သူမကပဲ စကားစပြောလာတယ် ။ နေကောင်းလားတဲ့။ ကျွန်တော့်စိတ်ထဲမှာ တွေးမိလိုက်တာက သူမဆေးမှားသောက်လာသလားပေါ့။ ဒီလိုနဲ့ အလာပသလာပ ပြောရင်း သူမက ကျွန်တော့် ရေလာမြောင်းပေးစကားတွေဆိုလာတယ်ဗျ ။ တစ်ယောက်တည်းပဲလား ကောင်မလေးမရှိသေးဘူးလားတဲ့။ ကျွန်တော်ကလည်း ဘာလို့အခုမှ ဒါတွေလာပြီးမေးနေရတာလဲ ပြောတော့ ။ သူမက ဒဲ့ပဲပြောတယ်ဗျ၊ ငါအရင်ကောင်လေးနဲ့ ပြက်သွားပြီတဲ့။ ဘာလို့လဲမေးတော့ ။ ငါ့ကိုထားသွားပြီး တစ်ခြားတစ်ယောက်နဲလက်ထပ်သွားတယ်တဲ့။ အော်စိတ်မကောင်းပါဘူးဟာ လို့ အလိုက်သင့်ပြောပြီး စကားဖြတ်ကာ ကျွန်တော်လည်း ရှောင်ထွက်လာခဲ့တယ်။

သိပ်မကြာပါဘူး ကမ္ဘာကြီးပိုပိုကျဉ်းလာမှန်းသိခဲ့ရတယ်။ ဒိုင်မွန်း ပလာဇာက အမျိုးသမီးအ၀တ်စားဆိုင်ရှေ့မှာ သူမနှင့် ထပ်ဆုံပြန်ပါတယ်။

ဟယ် …. နင်ဘယ်လိုရောက်လာတာလဲ ။

ဒီလိုပါပဲ။

နင်ကအရင်လိုပဲ ငါနေရခက်အောင် သိပ်လုပ်တာပဲ။ ငါ့နောက်လိုက်တယ်ဆို လိုက်တယ်ပေါ့။ အေးပါ…. နင့်ကို ငါစဉ်းစားပေးပါ့မယ်ဟာ ဟင့်ဟင့် ။ လာဆိုင်တစ်ဆိုင်သွားပြီး မုန့်စားရအောင်။

ဟား … ဟား … ဟား ….

နင်ဘာရယ်တာလဲ။

အော်မဟုတ်ပါဘူး အစွယ်ကြိုးနေတဲ့ ခြင်္သေ့မက မာန်လာဖီနေတာ သိပ်ရယ်စရာကောင်းနေလို့ပါ။

ဘာ !!!! ….. ။

နင့်နောက်ကို ငါကဘာလို့ လိုက်လာရမှာလဲ။ နင်က ငါ့ရင်ဘက်ထဲမှာ သေသွားတာကြာလှပြီ။ ကိုယ့်ကိုယ်ကို သိပ်ပြီးအထင်တွေ ကြီးမနေနဲ့ ။( အဲ့ဒီအချိန်မှာပဲ ဆိုင်ထဲက ကောင်မလေးတစ်ယောက်ထွက်လာသည်။)

အော် …. ချစ်။ ချစ်ကိုမိတ်ဆက်ပေးရဦးမယ်၊ ဒါမောင့် သူငယ်ချင်းလေ။ မေသဇင်တဲ့။
( သူမမျက်နှာ နီရဲပြီး ရှက်သွားတယ်)

ကဲ…. ငါတို့ သွားစရာလေးရှိလို့ ခွင့်ပြုပါဦး သူငယ်ချင်း ။
လာ … ချစ်သွားရအောင်။

မရှိမဖြစ်လိုအပ်ချိန်မှာ တိတ်တိတ်လေးပုန်းနေခဲ့ပြီးမှ
မရှိရင်ဖြစ်တယ်ဆိုမှ ဘာလို့ လျော့ဈေးနဲ့ လာလာရောင်းနေရသလဲ မိန်းခလေးရယ် ….

Image credit >>> https://www.pexels.com/

တွေးမိတွေးရာ ရေးသားမိလိုက်ပါသည်။

ကိုကိုမိုးဟိန်း
သစ်အယ်သီး

KoKoMoeHein
@myanmarkoko

MSC no. 118