အချိန်နှင့် လုံးလ

စိတ်သည် လောကကို စိုးမိုးသည်ဟုဆိုလျှင် အချိန်သည် လောကကို ပဲ့ကိုင်ထိန်းကွပ်သည်ဟု ဆိုရပါမည်။ လူတစ်ဦးချင်းအနေနှင့် အချိန်၏ စည်းကမ်းအောက်တွင် စနစ်တကျ လှုပ်ရှားကြိုးပမ်းရပါသည်။ လူ့ဘောင်တစ်ရပ်လုံး အနေနှင့်လည်း အချိန်နှင့်အညီ လှုပ်ရှားရုန်းကန်ကြရသည်ပင်။ လောက၌ ရပ်တံ့မှုမရှိ၊ အဆက်မပြတ် ရွေ့လျားနေသောအရာသည် အချိန်ဖြစ်သည်။ နာရီလက်တံသည် အဆက်မပြတ် ရွေ့လျားနေသည်နှင့်အမျှ အချိန်သည်လည်း အဆက်မပြတ် ရွေ့လျားနေပါသည်။ နာရီစက်ပျက်နေလျှင် နာရီလက်တံသည် ရပ်တံ့နေပါလိမ့်မည်။ သို့ရာတွင် အချိန်ကမူ အဆက်မပြတ် ရွေ့လျားနေပါသည်။ အချိန်နှင့်အညီ မရွေ့လျားဘဲ ရပ်တံ့နေသူသည် စက်ပျက်နေသော နာရီနှင့်တူပါသည်။ ထိုသူ၏စိတ်သည် ပုံမှန်မဟုတ်ဘဲ ပျက်စီးနေသည်ဟု ဆိုနိုင်ပါသည်။ မွေးဖွားစအရွယ်မှစ၍ တစ်ရက်ပြီး တစ်ရက်၊ တစ်လပြီး တစ်လ၊ တစ်နှစ်ပြီး တစ်နှစ်၊ အချိန်ရွေ့လျားပြောင်းလဲလာသည်နှင့်အမျှ နို့စို့တတ်၊ ငိုတတ်သည်အဆင်တွင် ရပ်တံ့နေ၍ မရပါ။ တစ်နေ့တစ်ခြား ကြီးပြင်းလာသည်နှင်အမျှ ပြုံးတတ်ရယ်တတ်ရပါမည်။ သဘာဝအတိုင်း တိုးတက် ဖွံ့ဖြိုးလာမှုမရှိသော ကလေးငယ်၏ဘဝသည် ရပ်တံ့၍ နေပေတော့မည်။ ထိုမှတစ်ဆင့် အရွယ်နှင့်အမျှ ဘဝအတွက် အရေးပါသည့် ပညာရေး၊ စီးပွားရေး၊ လူမှုရေးတို့ကို ဆောင်ရွက်ကြိုးပမ်းသွားရပါမည်။ သို့မှသာ ရှင်သန်ထက်မြက်၍ ဘဝအဓိပ္ပါယ်ရှိသော လူသားတစ်ယောက် ဖြစ်လာပါလိမ့်မည်။

အချိန်ဖြင့် ထိန်းချုပ်၍ လူ့ဘဝ၏ အနိမ့်အမြင့်၊ အလင်းအမှောင်၊ အောင်မြင်မှု၊ ဆုံးရှုံးမှု၊ ပျော်ရွင်မှု၊ ဝမ်းနည်းမှုများကို ဖြစ်ပေါ်စေသည်ဖြစ်၍ လူသားမှန်လျှင် အချိန်နှင့်အမျှ၊ မိမိနှင့်သက်ဆိုင်သော ဘဝကိစ္စ၊ ဘဝလုပ်ငန်းအရပ်ရပ်ကျု ကြိုးစားအားထုတ်နေရပါမည်။ ငယ်ရွယ်နုပျိုနေသော အချိန်တွင် ပညာ၊ ဥစ္စာစီးပွားရေးကို အချိန်နှင့်အညီ အစွမ်းကုန် အားထုတ်ရပါမည်။ အချိန်၏ ပဲ့ကိုင်မှုအောက်တွင် ရပ်တည်နေသော လူသားသည် အချိန်ကိုကောင်းစွာ အသုံးချတတ်ရန် လိုပါသည်။ အသက်အရွယ် ငယ်ရွယ်စဉ်၊ ကိုယ်ရောစိတ်ပါ ကျန်းမားကြံ့ခိုင်စဉ်တွင် ပညာ၊ ဥစ္စာတို့ကို အားထုတ်ရှာဖွေ့သင့်ပါသည်။ မိဘတို့ အနေနှင့် ပစ္စည်းဥစ္စာ ပြည့်စုံ၍ မိမိအား ပညာပေးနိုင်စဉ်တွင် ပညာကို ဆည်းပူးသင့်ပါသည်။ စီးပွားရှာရာ၌လည်း အခွင့်အလမ်းသာခိုက်တွင် အချိန်ဖြုန်း၍ မိန်းမောတွေဝေမနေဘဲ ကြိုးပမ်းဆောင်ရွက်သင့်ပါသည်။ ပန်းပဲသမားသည် သံကို မီးပူနေတုန်းမှာ ထုရာ၏။ အေးမှထုချေက အကျိုးမရှိချေ။ အိုးလုပ်သောသူသည် ရွံ့ပျော့တုန်းမှာ ရိုက်ရ၏။ မာမှရိုင်လျှင် ပန်းပွင့်ပန်းပြောက်မထင်သည်သာမက ကွဲဖို့သာရှိလေသည် ဟု ဆရာကြီး ပီမိုးနှင်းက ကြီးပွားရေးလမ်းညွှန်ကျမ်းတွင် ဆိုမိန့်ခဲ့ပါသည်။ လူ့ဘဝတွင် ပျိုရွယ်စဉ်ကာလများသည် ဘဝ၏ နံနက်ခင်းများ ဖြစ်ပါသည်။ အသက်အရွယ် အိုမင်းချိန်သည် ဘဝ၏ နေဝင်ချိန်များ ဖြစ်ပါသည်။

ဘဝတွင် ပညာရေး စီးပွားရေးတို့အတွက် အားထုတ်ရန် အခွင့်အရေးသာသောအချိန်များ ကြုံတတ်ပါသည်။ အခွင့်သာသည့်အချိန်ကို မသိလိုက်ဘဲ အကျိုးမဲ့ အချိန်မကုန် စေသင့်ပါ။ အချို့လူများသည် အပျော်အပါး၌ မွေ့လျော်၍ ပေါ့ပါ့တန်တန် နေခြင်းဖြင့် အခွင့်သာသောအချိန်မျာကို အကျိုးမဲ့ ကုန်လွန်စေတတ်ပါသည်။ ဘဝ၏ စက္ကန့်တိုင်းသည် စနစ်တကျ အသုံးချတတ်လျှင် အကျိုးရှိနေပါသည်။ လောကီ၊ လောကုတ္တရာအရေးကိစ္စများ၌ ကြီးကျယ်စွာ အောင်မြင်သူများသည် အချိန်တိုင်တွင် တန်ဖိုးရှိရှိ အလုပ်လုက်သူများ ဖြစ်ကြပါသည်။ လူငယ် လူလတ် အများဆုံးသည် လက်ဖက်ရည်ဆိုင်၌ ဝိုင်းဖွဲ့၍ အချိန်ကုန်တတ်ကြသည်။ အချို့အိမ်များသို့ လည်ပတ်သွားလာကာ သူ့အကြောင်း၊ ကိုယ့်အကြောင်း၊ ဝတ္ထုအကြောင်း၊ ရုပ်ရှင်အကြောင်း ပြော၍ အချိန်ကုန်တတ်ကြသည်။ လသာညမျာကို ထိုင်း၍ကြည့်ရှုခံစားနေရုံနှင့် မပြီးပါ။ လသာတုန်း ဗိုင်းငင်ရပါမည်။ မိုးရွာသည်ကို ထိုင်ကြည့်ပြီး စိတ်ပျက်နေ၍ မဖြစ်ပါ။ မိုးရွာတုန်း ရေခံရပါမည်။ နေသာတုန်း မြတ်ခြောက်လှန်းရပါမည်။ လယ်သမားသည် မိုးလွန်မှ ထွန်ချ၍ မဖြစ်ပါ။ စစ်သည်တို့သည် စစ်ရောက်မှ မြှားချွန်၍ မဖြစ်ပါ။ ဘဝလုပ်ငန်းအတွက် လိုအပ်ချက်တို့ကို အချိန်နှင့်အမျှ ကြိုးပမ်းအားထုတ်နေရပါမည်။ နှစ်သည် စက္ကန့်က စပါသည်။ စက္ကန့်၊ မိနစ်ကလေးများကို အကျိုးမဲ့ ဖြုန်းတီးခြင်းဖြင့် ဘဝ၏ တန်ဖိုးရှိသော အရာများကို ထိုင်၍ ဖြုန်းတီးနေရာ ရောက်ပါသည်။ လူတော်လူကောင်းတစ်ယောက်ဖြစ်ရန် ဘဝ၏ အချိန်များကို အဖိုးတန် စိန်ကျေုက်ရတနာပမာ တန်ဖိုးထား၍ အကျိုးရှိရှိ အသုံးချတတ်ကြပါစေ။

MSC-047
@kokyawzinphyo
Photo credit; google image