ကျွန်တော်ပြောသောစင်္ကပူ - အပိုင်း-( ၂ )( Henry Aung )

Singapore airlines လေယျဉ်ပေါ်တွင် နေ့လည်စာ ကျွှေးပါသည်။ မှန်တာကို ပြောရလျင် ကျွန်တော် မြန်မာပြည်မှာ နေခဲ့စဉ် ကာလတလျှောက်လုံး ဘိုစာဟု ခေါ်သော အနောက်နိုင်ငံအစားအစာ ဖြစ်သည့် ပေါင်မုန့် နှင့် ထောပတ် , ဟမ်ဘာဂါတို့ ကို တခါမှ မစားဘူးခဲ့ပါ။

မှတ်မိနေပါသေးသည်, ထိုနေ့က လေယျဉ်ပေါ်တွင် ကျွှေးသော နေ့လည်စာဘူးလေးမှာ ပေါင်မုန့် အလုံးလေးတခု , cheese ဘူးသေးသေးလေးတခု, ဆားထုပ်, ငရုတ်ကောင်းမှုန့် , သကြား , နို့မှုန် စသည်တို့ကို အထုပ်သေးသေးလေး ချစ်စရာ အထုပ်လေးများဖြစ်အောင် ထုပ်ထားပါသည်။ ထို့နောက် ငါး အသားပြားဟု ထင်ပါသည် ပေါင်းပြီး ကင်ထားသော ငါး အသား, အာလူးပြုတ်တခြမ်း , ဂေါ်ဖီစိမ်းဟု ခေါ်သော broccoli တခက် နှင့် မုန်လာဥနီများပါ ပါသည်။

မုန်လာဥနီယူစားကြည့် တော့ ဘာအရသာမှမရှိ, ငါးကတော့ စားလို့ ကောင်းပါသည်။ ကျွန်တော် ပြောခဲ့ပါပြီကော ဘိုစာ မစားဘူးခဲ့ပါလို့။ ထို့နေကတော့ ကောင်းမကောင်းမသိ, ပေါင်မုန့် ဒီအတိုင်းစားပြစ်သည်, ထို့ နောက်ငါး , ထို့ နောက် အာလူး အသီးအရွက် အကုန် ပြောင်ပါသည်။ ဘေးနားမှ ဘိုမကြီး အန်တီကြီးကတော့ စားစရာများ စားပွဲပေါ်တင်ထားပြီး စာအုပ်ကိုသာသဲကြီး မဲကြီး ဖတ်နေပါသည်။ ထို့နောက်တော့ ကော်ဖီသောက်ပါသည်။မြည်းကြည့် လိုက်တော့ ခါးတူးလန်နေပါသည်။

ကော်ဖီအကြမ်းရည်သာ ထည့်ထားခြင်းဖြစ်ပါသည်။ ဆိုတော့ , တွေ့သည့် အထုပ်လေးများသည် သကြားထုပ်များဖြစ်တန်ရာဟူ၍ အားလုံး ဖေါက်ထည့်ပါသည်။ အမှန်တော့ စာရေးထားပါသည်။ sugar , salt ... စာဖတ်ရကောင်းမှန်းပင်မသိ ကော်ဖီထဲ သကြား, နို့မှုန့် , ဆား , ငရုတ်ကောင်း အကုန် ဖေါက်ထည့် လိုက်ပါသည်။ ထိုအခါမှ ဘေးနားမှ အန်တီကြီးက မျက်လုံးပြူးပြီး ကျွန်တော့ ကို ကြည့် ပါသည်။ ကျွန်တော်ကလည်း ပြန်ပြုံးပြပြီး ရောသမမွှေထားသော ကော်ဖီကို ခပ်တည်တည်နှင့် သောက်နေပါတော့သည်။

အရသာသိချင်ပါသလား..? အိမ်မှာ ကော်ဖီဖျော် ဆားအနည်း ငယ်ခပ်ပြီး ငရုတ် ကောင်းမှုန့်ဖြူး၍ သောက်ကြည့် ပါလေ.... ခါးငန်ကျိကျိ ငရုတ်ကောင်း နံ့မွှေးသော ကော်ဖီအရသာကို သိရပါလိမ့်မည်။ထို ပထမဆုံးလေယျဉ်စီးရသော အတွေ့အကြုံအား နောင်တွင် သူငယ်ချင်းများနှင့် ပြန်ပြောဖြစ်သောအခါ ကျွန်တော့ကိုယ် ကျွန်တော် နုံလှပြီ အောက်မေ့တာ , cheese ကို ကော်ဖီထဲ ထည့် သောက်ခဲ့သူများရှိသလို , ပေါင်မုန့် ကို ဖဲ့ ဖဲ့ ၍ ထို ခါးတူးလန်နေသော ကော်ဖီနှင့် တို့ စားခဲ့သူများလည်း ရှိပါသည်။

ဒီလိုနှင့် ၂ နာရီ ကျော် ၃ နာရီ နီးပါး လေယျဉ် စီးပြီ နောက် Singapore changi လေဆိပ်ကို ရောက်ပါပြီ။ လေယျဉ် ပေါ်မှ လေဆိပ်ထဲ ဝင်လိုက်သည်နှင့် အရာရာ ပြောင်းလည်း သွားပါသည်။ ကြည့် လိုက်သည်နှင့် အကုန်လုံး အသစ်အတိုင်း လင်းလက် တောက်ပြောင်နေကြသည်။ ကိုယ့်ကိုယ်ကိုယ်လည်း ငါ စင်္ကပူ ရောက်ပြီဟူ၍ အားတင်းလိုက်မိပါသည်။

စင်္ကပူ စရောက်သည်နှင့် စင်္ကပူ နိုင်ငံ၏ ဥပဒေ နှင့် စတင် မိတ်ဆက်ရပါတော့သည်။ ကျွန်တော်တို့ ပထမ အသုတ် အယောက် ၃၀ မှာ စထွက်လာကတည်း က တယောက်နှင့် တယောက် မသိကြပါ။ စင်္ကပူ လေဆိပ်ရောက်တော့ မိမိ တို့ကို Singapore ICA ( Immigration Checkpoint Authority ) မှ ပေးမဖြတ်ပါ။

တယောက်ချင်းစုပြီး အယောက် ၃၀ ပြည့် မှ မိမိ တို့ အလုပ်ခေါ်စာ , passport, white card တို့ကို သေချာကြည့်၍ တုံးထုပေးပါသည်။ ဤတွင် မှတ်သားစရာ အနေဖြင့် တခု ဖေါ်ပြခြင်ပါသည်။ အခြားသူငှာများ စင်္ကပူလာသော အခါ ကြုံဘူးကြမည် မဟုတ်သော်လည်း ကျွန်တော်၏ ပထမဆုံး Singapore ICA ဖြတ်သန်းရစဉ်မှာတော့ ကြုံတွေ့ခဲ့ရပါသည်။

ကျွန်တော်တို့ အဖွဲ့ထဲမှ ကိုမြင့်စိုး ဆိုသူမှာ အနောက်တိုင်း ဝတ်စုံ ကို လုံးဝ စတိုင်ကျကျ necktie နှင့် တကွ ဝတ်လာပါသည်။ စာရွက်စာတမ်းများကိုလည်း attaché case နှင့် ထည့်လာပါသည်။ သူ့ကို အစကတော့ ကျွန်တော်လည်း စင်္ကပူသို့ သွားသော စီးပွားရေး လုပ်ငန်းရှင်ဟုသာထင်ပါသည်။ စင်္ကပူ လူဝင်မှုကြီးကြပ်ရေး အရာရှိ ရောက်လာပြီး ကိုမြင့်စိုး၏ စာရွက်စာတမ်းများကို ကြည့် ပြီးနောက် necktie ဖြုတ်ခိုင်းပါသည်။ ထို့ နောက် shirt အင်္ကျီကို စတိုင် pant အပြင်သို့ ထုတ် ဝတ်စေပါသည်။

အကြောင်းပြချက်မှာ မိမိတို့ သည် ကျောင်းတက်ရန် မဟုတ် စီးပွားရေး လာလုပ်ကြသူများ မဟုတ် အလုပ်ကြမ်း လာလုပ်သူများ ဖြစ်သဖြင့် ဤကဲ့သို့ formal ကျကျ ဝတ်စားရန် မလိုပါတဲ့။ ကျွန်တော့် အမြင်နှင့် ပြောလျင် လူ့ အခွင့်အရေး ချိုးဖေါက်ခံရခြင်းဖြစ်ပါသည်။ အလုပ်ကြမ်းသမားလည်း တတ်နိုင်လျင် ဝတ်စား ခွင့် ရှိရမည် ဖြစ်သော်လည်း သက်သက် မိမိ တို့ သည် အလုပ်ကြမ်း သမားများ ဖြစ် သဖြင့် အလုပ်ကြမ်းသမားများလို သာ ဝတ်စားရမည် ဟူ သော စိတ်ဓါတ်ကို ရိုက်သွင်းပေးခြင်းသာဖြစ်ပါသည်။ မတတ်နိုင်ပါ။ သူတို့ နိုင်ငံရောက်နေပြီ ဖြစ်၍ သူတို့ ပြောသမျှ လိုက်နာရုံသာ။

ကျွန်တော်တို့ အယောက် ၃၀ မှာ ထိုအခါ မှ တယောက်ကို တယောက် မိတ်ဆက်ပြီး အချင်းချင်း သိကျွမ်း စေရပါသည်။ သူများနိုင်ငံတွင် အရေးကြုံလျင် ဒီလူတွေပဲရှိတာ မဟုတ်လား။ မိမိတို့ အယောက် ၃၀ တွင် တိုင်းရင်းသားလူမျိုးပေါင်းစုံပါပါသည်။ ကချင် ၂ ယောက်, ကယား ၄ ယောက်, ကရင် အနည်း ဆုံး ၅ ယောက်ခန့် ပါမည် ထင်ပါသည်။ မမှတ်မိတော့ပါ။

ချင်း ၂ ယောက်ပါပါသည်။ ရခိုင် ၁ ယောက် မွန် ၁ ယောက် ။ ကျန်သည်မှာ မြင်းခြံသားများနှင့် မကွေး အောင်လံ ဘက်မှ လည်း ပါပါသည်။ ရန်ကုန်သားအများဆုံး ပါမည်ဟု ထင်ပါသည်။ ထို့ နောက် မိမိ တို့ အိတ်များကို ယူပြီး လေဆိပ်မှ ထွက်သောအခါ နောက်ထပ်ပြသနာတခု တက်ပါတော့သည်။ ICA မှ အရာရှိရောက်လာပြီး မိမိ တို့ အိတ်များကို တခုချင်းစီ scan ဖတ်ပါတော့သည်။

ကယားလူမျိုး မောင်ဘီ ( သူ့နာမည်မှာ BE ဟူ၍ နှစ်လုံးသာပါပါသည်) ၏အိတ်တွင်ပြသနာတက်ပါတော့သည်။ ကျွန်တော်ကတော့ ကို ဘီဟုသာခေါ်ပါသည်။ သူ့ချစ်သူမှာ စင်္ကပူတွင် သူနာပြု ဖြင့် အလုပ်လုပ်နေပြီး ကို ဘီ နှင့် အတူနေရန် ခေါ်ယူခြင်းဖြစ်ပါသည်။ ဆိုခဲ့သည့် အတိုင်း ကိုဘီ၏ အိတ်ကို ဖွင့် ခိုင်းလိုက်သောအခါ , ဆေးရွက်ကြီး တထုပ်, မြင်းခြံထုတ် နှင်းဆီနက် ဟုထင်ပါသည် ဆေးပေါလိပ်တစည်းနှင့် မဲခေါင် အရက် ပုလင်းပြား တို့ ထွက်လာပါတော့ သည်။

ထိုပစ္စည်းများအတွက် အခွန်ဆောင်ရမည်ဟု ပြောသောအခါ ကို ဘီ က အခွန်ဆောင်ရန် ပိုက်ဆံမရှိ , မိမိ တို့တွင်ရှိသော USD 100 ခန့်ကလည်း အရေးကြုံလျင် သုံးရမည်ဆိုတော့ အခွန်ဆောင်စရာမရှိပါဟု သာပြန်ဖြေရပါတော့သည်။ ထို ICA officer ကြီးမှ မိမိတို့ကို သနားရော့ထင် မဲခေါ်င် ပုလင်းပြားကို တော့ ပြန်ပေး၍ ဆေးပေါလိပ်နှင့် ဆေးရွက်ကြီးကိုတော့ သိမ်းသွားပါသည်။

မိမိ တို့လည်း ထို အခါမှ လေဆိပ်ထဲမှ ထွက်ခွင့်ရပါသည်။ လေဆိပ်အပြင်ဘက်ရောက်သောအခါ agent အမျိုးသမီး ကရောက်နှင့် နေပါပြီ။ မိမိ တို့ကို အိန္ဒိယ ကုလား driver နှင့် ထည့် လိုက်ပြီး မိမိတို့ နေရမည့် အဆောင်တို့ ထို driver နှင့် လိုက်သွားရပါသည်။ မိမိတို့ ကို လာကြိုသည်မှာ ၁၄ ပေ Lorry ကြီး ၂စီးနှင့် ဖြစ်ပါသည်။ တစီး ၁၅ ယောက်။

Lorry ပေါ်ရောက်တော့ ကျွန်တော်က ကိုဘီအား " ကိုဘီ အဆောင်ရောက်လို့ ရှိရင် စစ်ဆေးရေးတွေ ရှိခြင်ရှိနေမှာ ကိုဘီ့ အရက် ပုလင်းပြား မြင်ရင် ပြသနာ ထပ်တက်နေအုံးမယ် " ဟု ပြော သောအခါ ကို ဘီ ကလည်း " အေ ဟုတ်တယ် , ခုပဲ လက်စ ဖျောက်လိုက်ရအောင် " ဟု ဆိုပြီး စင်္ကပူ စရောက်ခြင်း အထိမ်းအမှတ် မဲခေါင် တယောက် တငုံစီဖြင့် အောင်ပွဲခံလိုက်ပါတော့သည်။

ဆက်လက်ဖေါ်ပြပါမည်။

မြန်မာလူငယ်များ steemit တွင်အောင်မြင်ကြပါစေ....

Photos credit; Google Image

Author : Henry Aung ( Kachin )