ပြိတ္တာဘဝအရောက်ခံ၍ ချစ်သောမိခင်
အဖေ
" သမီး အမေ့ကို ခနခန တွေ့တွေ့နေရတယ် "
ဟုတ်လို့ လား သမီးရယ်
" နင့်အမေ သူတော်ကောင်းမကြီး မကျွတ်မလွတ်တော့ မဖြစ်တန်ကောင်းပါဘူး "
" အဲ့ဒါတော့ သမီးလည်း မပြောတတ်ဘူး အဖေ ဒါပေမဲ့ အိမ်ရှေ့နားက ဗာဒံပင်ကြီးနားမှာ ခနခန တွေ့နေမိလို့ ပါ " ဟုပြောရင်း ရှိုက်ကြီးတငင် ငိုချလိုက်တော့သည် ။
" ဟုတ်ပါပြီ သမီးရယ် အဖေတို့  လလည်ဆွမ်းသွပ်တော့မှ သေချာအမျှဝေကြတာပေါ့။ စိတ်မကောင်းမဖြစ်နဲ့နော် မငိုနဲ့တော့သမီး " ဟုပြောရင်း အဖေဖြစ်သူလည်း တစ်စုံတစ်ယောက်ကို သတိရမိဟန်ဖြင့် အိမ်ရှေ့ဆီသို့  မျှော်ကာငေးမိနေတော့သည် ။
ယနေ့ နှင့်ဆို သူထွက်သွားခဲ့သည်မှာ လဝက်ပင်ကျော်ခဲ့သည် ။ အိမ်မှုကိစ္စနိုင်နင်းသော အိမ်ရှင်မကောင်းတစ်ယောက်ဖြစ်သလို ဘာသာရေးဘက်လည်း လိုက်စားသော မယားကောင်းမယားမြတ်တစ်ဦးလည်းဖြစ်သည် ။ သို့ သော် " ကွေးသောလက် မဆန့် ခင် ဆန်သောလက်မကွေးခင် " ဆိုသည့်အတိုင်း သူ့ ထက်အရင် လူ့ ဘဝကို ကျောခိုင်းသွားခဲ့ရသည် ။ ရဟန်းအမ ကျောင်းအမတစ်ဦးမို့  သူ့ ရက်လည်ကား ဘုန်းကြီးပျံကဲ့သို့ ပင် စည်စည်ကားကားနှင့် ပြီးဆုံးခဲ့သည် ။ ရက်လည်ဆွမ်းသွပ်ကိုလည်း ဆရာတော်ကြီးများသေချာပင့်ဖိတ်၍ အမျှဝေ သာဓုခေါ်စေခဲ့သည် ။ ယခု သမီးပြောသလိုလို ခနခနတွေ့နေရသည်ဆိုတာ ဟုတ်မှ ဟုဟိပါ့မလား ။ သံသယဖြစ်နေမိသည် သူ့ သီလ ဒါန ဘာဝနာ အစွမ်းဖြင့် ကောင်းရာမွန်ရာ ဘဝ၌ အေးချမ်းစွာနေနိုင်လောက်ပြီဟုသာ ထင်ထားခဲ့သည် ။ ဒီအတိုင်းဆိုလျှင်တော့ ခက်ချေပြီ လလည်ဆွမ်းသွပ်ကို သေချာဖိတ်ပြီး အမျှဝေပေးမှ ဖြစ်မည်ဟု တွေးရင်း သက်ပြင်းရှည်ကြီး မှုတ်ထုတ်လိုက်တော့သည် ။
ဒီလိုနဲ့ တစ်လပြည့်တဲ့ အခါ သူကိုယ်တိုင် သိက္ခာထပ်ပေးခဲ့သည့်ဆရာတော်ကြီးနှင့်တကွ ရဟန်းသံဃာများ ပင့်ဖိတ်ကာ ဆွမ်းခဲဖွယ်ကပ်လှုပြီး ရည်စူးအမျှဝေတော့သည် ။ သာဓုခေါ်ချိန်အတွင်းလေးမှာပင် ရေစက်ခွက်ကိုင်ထားသော သမီးဖြစ်သူအား ဝင်ပူးတော့သည် ။ အများလို ပယောဂပူးခြင်းမျိုး မဟုတ်၍ ရုန်းရင်းဆန်ခတ်မဖြစ်ချေ ။ ဆရာတော်အားဦးတိုက်ပြီး ရိုသေစွာ ကန်တော့လေတော့သည် ။ ဆရာတော်လည်း အံ့အားသင့်ကာ မေးမြန်းတော့သည် ။ " ဒကာမကြီး အခုဘယ်ဘဝရောက်နေတာလဲ "
" မှန်ပါ့ဘုရား တပည့်တော်မ ပြိတ္တာဘဝမှာပါ ဘုရား"
" ရက်လည်ဆွမ်းသွပ်တုန်းက အမျှဝေတယ် မရလို့ လား ဒကာမကြီးရယ် " ဟုစိတ်မကောင်းစွာ မိန့် တော့မှ . . .
" ရပါတယ် ဘုရား တပည့်တော် တမင်သာဓုမခေါ်ဘဲ နေခဲ့လို့  မကျွတ်သေးတာပါဘုရား အဲ့ဒါကလည်း သမီးလေးကို စိတ်မချလို့ ပါဘုရား "
" သမီးကို အဲ့လောက်တောင်ချစ်ရသလားဟဲ့ တွေ့ကြုံဆုံကွဲ သဘာဝကို ဘုန်းဘုန်းအမြဲ ဟောပြောဆုံးမခဲ့တယ်လေ "
" မှန်ပါဘုရား တပည့်တော်နားလည်ပါတယ်ဘုရား ။ အရင် သာဓုမခေါ်ခဲ့တာက သမီးလေးကို ပူးကပ်ပြီး နှောင့်ယှက်ဖို့ စောင့်နေတဲ့ မကောင်းဆိုးဝါးများကြောင့်ပါဘုရား ။ ယခုသူတို့ လည်းမရှိတော့ပါဘုရား ။ သမီးလေးလည်းထူထူထောင်ထောင်ဖြစ်ပြီး ကျန်းမာရေးကောင်းနေပြီမို့  တပည့်တော်လည်း ကောင်းရာဘုံဘဝ သွားဖို့  သာဓုခေါ်ဖို့ လာခဲ့တာပါဘုရား " ။
" နင်က စောင့်ရှောက်မယ်ပြောရအောင် နိုင်လို့ လား မကောင်းဆိုးဝါးတွေကို ငါနားမလည်လို့  ရှင်းပြစမ်းပါ "
" မှန်ပါ့ဘုရား တပည့်တော် ဒီဘဝရောက်တာက သမီးလေးရဲ့ ငိုသံကြားမိပြီး သမီးအပေါ်စွဲလန်းတဲ့စိတ်နဲ့ ပြိတ္တာဘဝ ရောက်ခဲ့ရတာပါဘုရား ။ ဒါပေမဲ့ တပည့်တော် ပြုခဲ့ဖူးတဲ့ ကုသိုလ်ကံတွေကြောင့် ဆင်းရဲဒုက္ခမရှိပါဘုရား ။ စားချင်စိတ်ပေါ်လာလျှင် စားသောက်ဖွယ်ရာများ အလိုလိုရရှိပါတယ်ဘုရား ။ သန်းပေါင်းများစွာသော ဘဝတူပြိတ္တာတွေ ကျောတစ်ခင်း အိပ်စရာအတွက် လုယက်တိုက်ခိုက်နေချိန်မှာ တပည့်တော်မအတွက်မှာတော့ ဘုံဗိမ္မာန် ပေါက်ပေးရတယ်ဘုရားတပည့်တော်မက သူတို့ ထက် တန်ခိုးအရာ ကုသိုလ်အရာမှာ ပိုသာတော့ သူတို့ ကြောက်ရွံ့ကြပါတယ်ဘုရား " ယခု သမီးလေးအတွက် စိတ်အေးရပြီမို့  သာဓုခေါ်ဆိုကာ ကောင်းရာဘုံဘဝ သွားတော့မည့်အကြောင်း လာအသိပေးတာပါဘုရား ။
ကောင်းလှပါပေတယ်ကွယ် ကဲ အမျှ အမျှ အမျှ ယူကြပါကုန်လော ။ ဆရာတော်ကြီး၏ အမျှဝေသံနှင့်အတူ သာဓုခေါ်သံများ လွှမ်းသွားတော့သည် အမွှေးရနံ့များလည်း ထုံကြိုင်သင်းပျံနေသည်မို့  ဆရာတော်ဝမ်းသာမိသည်။ မိမိ၏ ရဟန်းအမတစ်ယောက် ကောင်းရာသုဂတိသို့ ရောက်ပြီဖြစ်ကြောင်း သိရှိလိုက်ရသည် ။
မိဘမေတ္တာဆိုသည်မှာ မိမိကိုယ်ကို ပြိတ္တာဘဝအရောက်ခံ၍ပင် သားသမီးအပေါ်ချစ်မြတ်နိုးခဲ့သည် ။ ကာကွယ်စောင့်ရှောက်ပေးခဲ့သည် ။ နောက်တစ်ချက်က သေခါနီး လူအဖို့  စွဲလမ်းစိတ်များဖြစ်ပြီး မကျွတ်မလွတ်ဘဝကို မရောက်ဖို့ ရာ ကျန်ရစ်သူတိုင်းသတိထားသင့်သည် ။ ငိုကြွေးပြနေမည့်အစား ပြုခဲ့ဖူးသည့် ကောင်းမှုကုသိုလ်တို့ ကိုသာ သတိပေးသင့်ပါကြောင်း ပြောရင်း နိဂုံးချုပ်ပါရစေ ။
MSC-181
Author @gunapeya
သာဓုပါ ဘုရား
ကျေးဇူးပါ ဒိုမီရေ
သတိပေးတာမှတ်ထားသင့်ပါသည်
ဖတ်ရှုပေးတာ ကျေးဇူးပါ တစ်ခုခုရသွားရင် ကျေနပ်ပါသည်
မိခင် မေတ္တာပါ ဘုရား
ဟုတ်ပါ့ ဘာလို့  သားသမီးတွေအပေါ်အဲ့လောက် ချစ်တာလဲ စဉ်းစားမရဘူး