သံဝေဂလေး ယူတတ်စေချင်

သရုပ်ဆောင် မင်းသွေး ဆုံးသည့်သတင်းများ ဖိဘုတ်တွင် တတ်လာသည် ။ မင်းသွေး ဘယ်သူမှန်းမသိ၍ ဖတ်ကြည့်မိသည် ။ ဒီတော့မှ သရုပ်ဆောင် နေတိုး၏ ညီဖြစ်မှန်းသိရသည် ။ အသုဘ ကလည်း ရေခဲတိုက်မှ ထုတ်မရအောင်ပင် လူများကြိတ်ကြိတ်တိုးစည်ကားနေပြန်သည် ။ ထိုသတင်းမဖတ်ခင်ကလည်း မိမိစိတ်ထဲ ဘာမှ မထူးခြားသလို ထိုသတင်းဖတ်မိပြီးသွားသော်လည်း အော် နာမည်ကျော်ကြား အရွယ်ကောင်းတုန်းလေး သွားရှာပြန်ပြီပေါ့ ထိုမျှသာ အတွေးဝင်ခဲ့သည် ။ သိပ်ပြီးထွေထွေထူးထူး ခံစားရတာမျိုး မဖြစ်ခဲ့ပေ ။

^{Image Source}

ထို့ နောက် မြိုင်ကြီးငူဆရာတော်ဘုရား ပျံလွန်တော်မူသော သတင်းများ ဖတ်မိပြန်သည် ။ ဒီတစ်ခါတော့ ရင်ထဲနင့်သွားသည် ။ ဟုတ်ပါ့ဟုတ်ပါ့မလား မဟုတ်ပါစေနဲ့ ဟုသာ ဆုတောင်းရင်း သတင်းအပြည့်အစုံဖတ်ရှုမိပြန်သည် ။ မြိုင်ကြီးငူဆရာတော်ဘုရား၏ မွေးနေ့ ဝိဇာတမင်္ဂလာပွဲ မိမိသုံးလေးခါမျှ ရောက်ခဲ့ဖူးသည် ။ ကြွလာသော ရဟန်းရှင်လူအပေါင်းအား တရားရေအေး တိုက်ကျွေးသည် ။ လှုဖွယ်ဝတ္ထုများ ဆပ်ကပ်သည် ထိုအချိန်ကတည်းက ဆရာတော်ကြီးခမျာ အောက်စီဂျင်ဗူးဖြင့် သာသနာအတွက် အလုပ်လုပ်နေတုန်းပင် ။ ဖူးလို့ မဝ ကြည်ညိုလို့ မဝပင် ဖြစ်ခဲ့ရဖူးသည် ။ ယခုတော့ ဆရာတော်၏ ရုပ်ကလာပ်ကို မြဝတီမှတစ်ဆင့် သယ်လာမည်ဟူသော သတင်းကြားမှ ဆရာတော်ကြီးပျံလွန်တော်မူတာ တကယ်ပါလားဟူသော အတွေးဖြင့် ရင်ထဲတွင် ငိုချင်သလိုလို တစ်စုံတစ်ရာ ဆုံးရှုံးလိုက်ရသလို ခံစားခဲ့ရသည် ။

^{Image Source}
ရက်သိပ်မခြားခင်လေးတင် ကျောက်ဂူဆရာတော်ဘုရားကြီး၏ သတင်းက နာမည်ထွက်လာပြန်လေသည် ။ သရုပ်ဆောင် မင်းသွေး၏ ဈာပနကိုတောင် သွားရောက်ပြီး တရားရေအေးအမြိုက်ဆေး တိုက်ကျွေးခဲ့သည်မှာ သိပ်မကြာပေ ။ ယခုတော့ အမြန်လမ်းပေါ် ကားအက်စီးဒင့်ကြောင့် ပျံလွန်တော် မူပြန်သည် ။ ဆရာတော်ကြီး၏ ပြုံးယောင်သန်းနေသော မျက်နှာတော်ကို ဦးချကြည်ညိုမိသည်မှ အပ ရင်ထဲမှာ ထူးခြားတာမျိုး မရှိပြန်ချေ ။ ဒီတော့ မိမိကိုယ်ကို ဆန်းစစ်မိသည် ဘာကြောင့်နည်း ။ လောကကြီးထဲမှ အချိန်တန်လို့  ထွက်ခွာသွားကြသည့် ဖြစ်ရပ်များတွင် မြိုင်ကြီးငူဆရာတော်အလှည့်ကျမှ မိမိဘာကြောင့် ခံစားရပါသနည်း ။ ကျန်သောသူများအတွက် ခံစားဖို့  နေရာမရှိသနည်း ။ ဒီတော့မှ အဖြေပေါ်သည် မြိုင်ကြီးငူဆရာတော်ကား မိမိအနီးကပ် ကြည်ညိုဖူးသည် ချစ်ခင်လေးစားသည် ။ ထို့ ကြောင့် ဆရာတော်မရှိတော့ပြီဟူသော အသိက ရင်ကို ပူလောင်စေသည် ။ သရုပ်ဆောင် မင်းသွေးနှင့် ကျောက်ဂူဆရာတော် ဘုရားကား မိမိမမြင်ဘူး မကြားဘူးချေ သည်တော့ သူတို့  ရှိခြင်း မရှိခြင်းသည် မိမိအား တစ်စုံတစ်ရာ သက်ရောက်မှုမရှိဟု တွေးမိသည် ။ ဒီလိုပါပဲ မိမိတို့ ပတ်ဝန်းကျင်မှ လူသားများလည်း ထို့ အတူပင်ဖြစ်ရမည်ဟု တွေးမိသည် ။ အမှည့်ကော အကင်းကော တဖြုတ်ဖြုတ် ကြွေကျနေသော်ငြား မိမိခြံထဲက မဟုတ်သရွေ့ နှမြောမိကြမည် မထင်ပေ။ မိမိအသိုင်းအဝိုင်း မိမိဆွေမျိုး ရင်းခြာများ ကြွေလွင့်သွားသည့် အခါမျိုးမှ သေတယ်ဆိုတာ ဒါပါလား တကယ်ဆုံးရှုံးရတာပါလား ဆိုတဲ့အတွေးမျိုး ဝင်ကြသည် ။ ပူဆွေးကြသည် ဝမ်းနည်းကြသည် ။ လပတ်ဆွမ်းမသွပ်ခင် အချိန်လေးအတွင်း မေ့မေ့ပျောက်ပျောက်ဖြစ်သွားကြသည် ။ ဒါမိမိနှင့် ဆက်စပ်နေသော အသိုင်းအဝိုင်းနော် တခြားသော မိသားစု ပတ်ဝန်းကျင်မှ သူတစ်ဦးယောက်ဆို မိမိလည်း ခံစားရမည် မဟုတ်သလို မတတ်သာလို့  လိုက်ပို့ ရုံကလွဲပြီး တခြားသော အရာများရှိမည်မဟုတ်ချေ ။

^{Image Source}

ဒီတော့ မိမိတွေးမိသည်က ရုပ်ချောလည်း ဒီလမ်းသွားရသည် ။ ဘုန်းကံကြီးမားလည်း ဒီလမ်းသွားရသည် ။ ချမ်းသာသူ ဆင်းရဲသူလည်း ဒီလမ်းသွားရသည် ။ ကြီးသူ ငယ်သူလည်း ဒီလမ်းသွားရသည် ။ ရွေးပြီးခေါ်တာမျိုးလည်း မဟုတ်ချေ ရက်ချိန်းပေးပြီး ခေါ်တာမျိုးလည်းမဟုတ်ချေ ။ မထင်မှတ်ထားတဲ့နေရာက မမျှော်လင့်သောဖြစ်ရပ်များနှင့် လူတိုင်းမသွားချင်သော နေရာတစ်ခုသို့  ခေါ်ဆောင်ခြင်းခံရသည် ။ ရေသောက်ရင်းလည်း ခေါ်ရင် လိုက်သွားရသည် ။ ထမင်းစားရင်းလည်း ခေါ်တဲ့အချိန် လိုက်ပါသွားရသည် ။ အချိန်ဆွဲခွင့်မရှိ ဇနီး မယား ချစ်သား ချစ်သမီးတို့ နှင့်လည်း တိုင်ပင်ခွင့်မရှိ ။ ဒီလိုမျိုး ဘာအာမခံချက်မှ မရှိတဲ့ မိမိတို့ ရဲ့ ဘဝကို တန်ဖိုးရှိစေချင်သည် ။ မောဟတွေ ခနလေးဖယ်ပြီး ကြည့်တတ် မြင်တတ်စေချင်သည် ။
" အော် ငါလည်းတစ်နေ့  ဒီလမ်းပဲလျှောက်ရမှာပါလား ငါ့အလှည့်ဘယ်တော့ရောက်လာမလဲ ဟူသော " အတွေးဖြင့်သာ ဘဝကို ရှင်သန်စေချင်သည် ။ ဖိအားတစ်ခုဖြင့် ရှင်သန်စေလိုခြင်းမဟုတ်ပါ ။ ကုသိုလ်ကောင်းမှုတို့ ဖြင့်သာ မိမိကိုယ်ကို ထုံမွှမ်းထားလိုသော စိတ်ဖြင့်သာ ရှင်သန်စေချင်သည် ။ သို့ မှသာ အချိန်မရွေး နေရာမရွေး မိမိ၏ ဘဝကို အာမခံနိုင်သော သတ္တိများ ယုံကြည်ချက်များဖြင့် အပြုံးမပျက်ဘဲ လျှောက်လှမ်းနိုင်မည်ဟုထင်မိသည်။
စာရေးသူမိမိလည်း ယခုချိန်ထိ သတ္တိမရှိသေးကြောင်းဝန်ခံလိုက်ပါရစေ ။

မိမိတို့  ပုထုဇဉ်လူသားများသည် အိုခြင်း နာခြင်း သေခြင်း၏ အကြောင်းကိုကြားရမှာ သေမလောက်ကြောက်သည် ။ ထိုကြောင့် အိုနာသေကို မေ့လျော့စေသော မောဟတို့ ကသာ အနိုင်ယူထားသည် ။ အိုနာသေအကြောင်းမကြားရတော့ မသိပေ ။ မသိတဲ့အခါ ပြင်ဆင်ထားရကောင်းမှန်းလည်း မသိတော့ချေ ။ ထိုအခါ ကတိုက်ကရိုက်နှင့် လိုက်သွားကြရသည်က များလှသည် ။ ခရီးထွက်တာခြင်းအတူတူ လိုအပ်သည့်ပစ္စည်းများ သေချာစုဆောင်းပြီးမှ ထုပ်ပိုးပြီးလိုက်သည့်သူနှင့် ကတိုက်ကရိုက်ထပြီး လိုက်သည့်သူ မည်သူုက အခက်တွေ့မည်ကိုတော့ တွေးမိစေချင်ပါသည် ။ အိုနာသေခြင်း၏ အကြောင်းကို ရေးသားလို့  ရှေးလူကြီးများလို ဖွဟဲ့ လွဲပါစေ ဖယ်ပါစေ နိမိတ်မရှိ နမာမရှိ ဖတ်မိတာ ငါအကုသိုလ်များတယ် လို့ လည်း မတွေးစေချင်ပါ အပြုသဘောလေးမြင်ကြည့်ပါ ။
" ဟုတ်သားပဲ ငါလည်းတစ်နေ့  ဒီလမ်းသွားရမှာပါလားလို့  သတိလေးတစ်ချက်ပြုမိရုံနဲ့တင် မရဏာနုဿတိကမ္မဋ္ဌာန်း ပွားများမိသလိုဖြစ်သွားပါသည် ။ ဒါကြောင့် ကုသိုလ်တိုးလို့ ထိုနေ့ အဖို့  အကျိုးများနိုင်ပါသည်ဟုသာ အမုန်းခံ၍ ရေးသားပေးလိုက်ပါသည် ။

မိမိအား ချစ်သူ မုန်းသူ ထိုထိုလူ သီတဂူစန်းလပမာ ချမ်းမြသာယာရှိနိုင်ကြပါစေ ။

Author @gunapeya
MSC-181