တစ်သက်မှာတစ်ခါကြုံ ၊ တက္ကသိုလ်ကျောင်းသားဘဝ အဖုံဖုံ (အပိုင်း ၁၆)

အပိုင်း -၁၆
...

Crd-org-source

B.Tech အတွက် ဘွဲ့ယူပြီးသွားတဲ့နောက်မှာတော့ ကျွန်တော် ရဲ့ တစ်နေတာ အလုပ်ဟာ အရင်အတိုင်းပါပဲ။ အရင်အပိုင်းတွေမှာ ပြောခဲ့သလို ကျွန်တော်ကစာမေးပွဲနီးရင် ကျွန်တော့်သူငယ်ချင်း ရဲ့ အိမ် ကနေပြီး Ferry နဲ့ စာမေးပွဲသွားဖြေတာကိုး ။ အဲ့ဒီမှာပဲ သူနဲ့အတူတူကားစီးတဲ့ ကျွန်တော်တို့ထက် နှစ် နှစ်လောက်ငယ်တဲ့ ကောင်လေး တွေရော ကောင်မလေးတွေနဲ့ရော သူငယ်ချင်းတွေဖြစ်ကြပါလေရောဗျာ။ နောက်ပိုင်း ကျောင်းပြန်တက်တော့ နေ့ခင်း ထမင်းစားရင်တောင် သူတို့တွေနဲ့အတူတူ စားကြတာလေ။ ဒီလိုနဲ့ ခင်မင်မှုတွေပိုလာတာပေါ့လေ။ B.E နှစ်မှာက ပို အလေလိုက်လို့ကောင်းတယ်လေ။ ဒီလိုနဲ့ first semester ဖြေတယ်ပေါ့ ။ အဲ့ဒီ စာမေးပွဲ မတိုင်ခင်မှာပဲ ကျွန်တော်သူငယ်ချင်း တောင်ငူက ကောင် နဲ့ အဲ့ဒီ ကျွန်တော်တို့အဖွဲ့ထဲက ကောင်မလေးတစ်ယောက်နဲ့ကြိုက်ကြပါလေရော။ အဲ့ဒီ့အကြောင်းကို ကျွန်တော့်သူငယ်ချင်းအိမ်က သူ့မိဘတွေက သိပါလေရော။ ကျွန်တော့်ကို မပြောရမလားဆိုပြီး ပြောတာပေါ့။ စဉ်းစားကြည့်လေဗျာ။ သူ့မိဘတွေနဲ့က ကျွန်တော်နဲ့ တစ်ခါတစ်လေမှတွေ့ရတာလေ။ သူနဲ့က အမြဲတမ်းတွေ့နေရတာဆိုတော့ ကျွန်တော်ပြောလိုက်ရင် သူငယ်ချင်းဖြစ်တဲ့သူ ကစိတ်ဆိုးမှာပေါ့ဗျ။ ဒါကြောင့် မပြောဘဲနေလိုက်တာ။ မွေးနေ့တို့ဘာတို့ဆိုရင်တောင် အတူတူကျော်ဖြတ်ကြတယ်။ အဲ့လိုမျိုး ချစ်ကြတဲ့သူတို့ဘဝလေးဟာ တစ်နေ့တော့ ဘာမဟုတ်တဲ့ကိစ္စလေးကြောင့် ပြသနာတက်ရင်းကနေြုပတ်ကြပါလေရောဗျာ။ ပြောဦးမယ် အဲ့ကောင်မလေးက အရမ်းကြီးချောတဲ့အထဲ မပါဘူးဗျ။ သို့ပေမည့် သူ့ရဲ့ ကံလို့ပဲပြောရမလားမသိဘူး။ သူ့ကို ကောင်လေးတော်တော်များများက ကြိုက်ကြတယ် ဗျ။ ဒီလိုပဲနေရင်းနဲ့ Second semester ဖြေဖို့ အချိန်ရောက်လာပါလေရော။

Crd-org-source
.......
.......
photo credit by Google ,Facebook and Me
....
....
အပိုင်း( ၁၇)
ဆက်လက်ဖတ်ရှုပေးကြပါကုန်...
.....
.....MSC No-238
@generalpyone