သူဆင်းရဲလေး

ကျွန်တော့်ကို အများအမြင် လူလိမ္မာလေးတစ်ယောက်လို့ မြင်ကြမည်လား ဒါမှမဟုတ် လူဆိုးတစ်ယောက်သဖွယ် ဖြစ်နေမည်လား ။ ခုအချိန်မှာ လူဆိုးတစ်ယောက်လို ဘဲမြင်ကြပါလိမ့်မယ်နော် ။ ကျွန်တော့နာမည်က မောင်ဝမ်းပါ ။ အမျော်အမြင်ရှိတဲ့ အဖေတို့က နာမည် ရှည်ရှည်ဝေေ၀း လုပ်မနေပါဘူး ။ ကျွန်တော့အောက်က ညီမလေးကတော့ မတူးပေါ့ ။ ဘယ်သူက အကြီး ဘယ်သူကအငယ် ခွဲရလွယ်သွားတာပေါ့ဗျာ ။ အငယ်ဆုံးလေးကိုတော့ ဖိုက်ကြီးလို့ ခေါ်ကြတယ် ။ အားလုံး ညီအစ်ကိုတွေ ငါးယောက်ရှိတာပေါ့ ။

ကျွန်တော်တို့က အတော်ဆင်းရဲကြသူတွေဖြစ်ပြီး ကျွန်တော်ကအကြီးဆုံးလဲ ဖြစ်နေတော့ မိသားစုအတွက်လည်း ငယ်စဉ်အချိန်ကဘဲ ကြိုးစားပေးခဲ့ရပါသည် ။ ကလေးအရွှယ်နဲ့မမျှတဲ့ အလုပ်တွေဖြစ်ပေမဲ့ ပင်ပမ်းပေမဲ့ အမေတို့ အဖေတို့ သက်သာတာမြင်ရရင်ဘဲ စိတ်ချမ်းသာမိနေခဲ့ပါတယ် ။ သူငယ်တန်း တစ်တန်းလောက်ကနေ အိမ်မှာနိုင်တစ်လောက် လုပ်ကူပေးခဲ့ပါတယ် ။ အခြားအိမ်များမှာလည်း ပန်းကန်ဆေးတာမျိုး လေးတွေလုပ်ပေးတဲ့အခါ မုန့်ဖိုးဆိုပေးတတ်ပါတယ် ။ ဒါပေမဲ့ မသုံးရက်ပါဘူးလေ အိမ်ရဲ့ စားစရိတ်လေးဖြစ်ဖြစ် အထောက်အပံ့ ဖြစ်စေဖို့ အိမ်ကိုသာပေးခဲ့ပါတယ် ။

အသက်ခွန်နှစ်နှစ်လောက်ရောက်တော့ ရေထမ်းပုံးတွေဘာတွေနိုင်လာတော့ ရေထမ်းရောင်းခဲ့ပါတယ် ။ အတူနေသူငယ်ချင်းတွေကတော့ ကျွန်တော့လိုဘယ်နိုင်မှာလဲဗျာ ။ ဒီလိုနိုင်အောင်လဲ အဖေတို့ကလေ့ကျင့်ပေးခဲ့ပါတယ် ။ ကျွှန်တော်ထင်းပေါက် ရေထမ်းကို အိမ်အတွက်သာမက ဝင်ငွေတစ်ခုရဖို့ လုပ်နေချိန် ကျွန်တော့သူငယ်ချင်းတွေကတော့ ဆော့ကောင်းတုန်းအချိန်ပေါ့လေ ။ ကျွန်တော်ကရော မဆော့ခဲ့ရဘူးလားဆိုတော့ တစ်ခါတစ်ရန်လောက်သာ ဆော့ဖြစ်ခဲ့ပါတယ် ။ ဆော့ကစားတဲ့ အချိန်ဆိုတာ တစ်ခြားသူငယ်ချင်းတွေနဲ့ ယှဉ်ရင် မရှိသလောက် ရှားပါးခဲ့တာပါ ။ ဆော့နေရင်း နောက်ကျောပေါ်ကို အဖေ့ရဲ့ကြိမ်တုတ် ကျလာမည်လဲ စိုးရိမ်ရသေးသည်လေ ။ ထိုအချိန်မျိုးမှာ အမေ့ရဲ့ မျက်ရည်နဲ့ စကားလုံးများစွာတို့ကလည်း ကပ်ပါလာတတ်သည်လေ ။

အဖေကတော့ နည်းနည်းသောက်တတ်သည်ဆိုတော့ အရက်ဖိုးလေးကလည်း တစ်ရက်နည်းနည်းဆိုပေမဲ့ အချိန်ကြာဆိုရင် သိသာလာတာပါဘဲလေ ။ ပတ်ဝန်းကျင် အလယ်မှာတော့ ကျွန်တော် လူမွဲပေါ့ဗျာ ။ အချိန်ကြာလာတော့ ပတ်ဝန်းကျင်ဆိုတာ ကျွန်တော့အတွက် ဂရုပြုစရာ မမြင်တော့တဲ့နောက်တော့ ကိုယ့်ကိုလည်း ပတ်ဝန်းကျင်ဆိုတာက အဆိုးမြင်လာတယ်ထင်ပါတယ် ။

ရှစ်တန်းတက်ပြီးတဲ့ နောက်မှာ မိသားစု စားဝတ်နေရေး ညီ ညီမတွေရဲ့ ကျောင်းစရိတ်များကြား ကျောင်းထွက်ပြီး အဲ့ဒီခေတ်အခါက နာမည်ကျော်ခဲ့တဲ့ ရွှေတော ရွှေမှော်ဆိုတဲ့နေရာတွေကိ်ု သွားရောက်လုပ်ကိုင်ခဲ့ပါတယ် ။ ထိုရွှေတောများတွင် ငါးထောင်ဆိုသော ကျပ်ငွေ အတွက် တစ်နေကုန် ရေစိုစို နေပူပူ ကြားက အန္တရာယ်ကြားမှာ လုပ်ကိုင်ခဲ့ရပါတယ် ။ နေ့တစ်ပိုင်း လုပ်ပြီး အကြောင်းတစ်ခုခုကြောင့် နားခဲ့လျှင် တစ်ပြားမှ မရပါ ။ ငှက်ဖျားလဲ အလွန်ပေါများသဖြင့် ငှက်ဖျားဒဏ်လဲ အလူးအလဲ ခံခဲ့ရဖူးပါတယ် ။

ခုတော့ မိဘတွေလဲမရှိတော့ပါဘူး ဒါပေမဲ့ ကြုံရာ အလုပ်လေးများလုပ်ပြီး နေနေဆဲပါ ။ ငယ်ငယ်က ရုန်းကန်လှုတ်ရှားခဲ့ရတာတွေကြောင့် ခန္တာကိုယ်မှာလဲ အကောင်းအတိုင်း သိပ်မရှိချင်တော့ပါဘူး ။ နောက်ပိုင်း ကျွန်တော် အိမ်ထောင်ကျဖြစ်လို့ ကလေးတွေရလာခဲ့ရင် ကျွန်တော့တုန်းကလို မပင်ပမ်းရအောင် ကျွန်တော် ကြိုးစားရမယ်လေ ။ကြိုးလဲ ကြိုးစားနေပါတယ် ။

MSC . 9

Photos credit; Google Image

Phyoe Thant Zin

@domelay (အတွေးမျှင်လေးများ)