သွေးစုပ်သော ကောင်မလေး

ယခုဇာတ်လမ်းမှာ စိတ်ကူးယာဉ် သက်သက်ဖြင့်သာ ရေးဖွဲ့ထားခြင်း ဖြစ်ပါသည် ။

စူးရှအောင်နှင့် သူ၏ ဦးလေးဖြစ်သူ ဘူးခါးတို့မှာ ရွှာငယ်လေး တစ်ရွှာတွင် အတူတူ နေထိုင်ကြလေသည် ။ စူးရှအောင် တွင်မိဘများ မရှိတော့ သကဲ့သို့ ဘူးခါးမှာလည်း လူပျိုကြီး ဖြစ်ကာ သူတို့ တူဝရီးနှစ်ဦးသာ ထိုအိမ်လေး အတွင်းတွင် နေထိုင်ကြလေသည် ။ စူးရှအောင်၏ ဦးလေးဖြစ်သူ ဘူးခါးမှာ အရက် အလွှန်သောက်သော်လည်း သောက်ပြီး အေးအေးနေသော သူဖြစ်ကာ စူးရှအောင်အားလည်း အလွှန်ချစ်ရှာလေ၏ ။

_{Image source}

တစ်နေ့နံနက်ခင်း စောစောစီးစီးပင် ဘူးခါး ထကာ မျက်နှာပင် မသစ်ရသေး ဆိတ်ဖလူးပင်အောက်သို့ အကြည့်ရောက်သွားလေသည် ။ ထိုအပင်အောက်တွင် ကောင်မလေးတစ်ယောက်ရှိနေလေသည် ။ ကောင်မလေးမှ ကောင်မလေး စစ်စစ် မည်သည့် အဝတ်အစားမျှ မပါပေ ။ စူးရှအောင်ပါ နောက်က လိုက်မြင်သည် ။ ထိုကောင်မလေး ကား မည်သည့်နေရာမှ လာသည်မသိ ။ မေး၍လည်း မရပေ ။ သို့သော် ချစ်စဖွယ် မျက်နှာလေး တစ်ခုကို ပိုင်ဆိုင်ထားလေသည် ။

_{Image source}

ထိုကောင်မလေးအား ဆိတ်ဖလူးပင် အောက်တွင်တွေ့သဖြင့် စူးရှအောင် လွှန်ခဲ့သော ရက်များ ဆီမှ ဆိတ်ဖလူးပင်ကြီး အကြောင်းဆီ အတွေးများ ပြန်ရောက်သွားသည် ။ ရာသီဥတုမှ အုံ့မိုင်းမိုင်းကလေးနှင့် တိမ်အရောင်တို့မှာ အနည်းငယ် အလင်းရောင်တောက်နေသော ညနေခင်းတစ်ခုတွင် စူးရှ သူတို့အိမ်ရှေ့တွင်ရှိသော ဆိတ်ဖလူးပင်အား သတိထားကြည့်မိလိုက်ရာ အခါတိုင်းနှင့်မတူ တစ်မူထူးခြားနေလေသည် ။ ထိုဆိတ်ဖလူးပင်မှ အရွှက်တို့မှာ ထူးဆန်းသလို ဖြစ်နေလေသည် ။ ထို့ကြောင့် အရွှက်တစ်ရွှက်အား သေချာစွာ ကြည့်ရန် အပင်မှ ကောက်ယူလိုက်လေသည် ။

ဆက်ပါဦးမည် ....

MSC - 9

@domelay (အတွေးမျှင်လေးများ)