မောင်မိုးမောင် - 2

အပိုင်းနှစ်ပါခင်ဗျာ
ယခင် အပိုင်းမှဆိုခဲ့သည့်အတိုင်း မိုးမောင်ကလေးမှာ မွှေးစားသားဖြစ်ခဲ့ပေမဲ့ သူ့ကိုယ်သူ မွှေးစားသားမန်း မသိပါဘူးတဲ့ ။ အေးချမ်းသော ရွှာကလေးဖြစ်သည့်အတိုင်း သူ့အကြောင်းကိုလည်း ဘယ်သူကမှ မပြောကြပါ ။ ထို့ပြင် သူ့မိဘများမှာလည်း မိုးမောင်ကလေးကို လွန်စွာ ချစ်ပါသတဲ့ ။ သို့ဖြင့် မိုးမောင်ကလေး အခြားသူများနည်းတူ ကြီးလာခဲ့ပါတယ် ။ ဘာလို့ အခြားသူများတူလို့ ပြောရပါသလဲဆိုတော့ မိုးမောင်ကလေးကြီးလာသည်နှင့် အများနှင့် မတူသော အဖြစ်တွေကို ကြုံလာရပါသတဲ့ ။

ထူးဆန်းစွာဘဲ မိုးမောင်ကလေး လေးငါးတန်းလောက် အရွှယ်မှာ သူအိပ်မက်များဟူ၍ ဦးကြီးတို့ကို ပြောပြရာတွင် သူ့ အိပ်မက်များအတိုင်း အပြင်မှာ တစ်ကယ်ဖြစ်နေတတ်ပါတယ် ။ အစပိုင်းမှာ မိသားစုနှင့်ပတ်သက်သောအိပ်မက်များဖြစ်ပြီး နောက်ပိုင်းမှာတော့ အခြားသူများကိုပါ မက်လာပါတယ် ။ အမေ ဘယ်သူနှင့် ရန်ဖြစ်လာသည်ဟု အိပ်မက်မက်လျှင် ထို အိပ်မက်ထဲက အတိုင်းဖြစ်နေတတ်သည် ။ ဦးမိုး လယ်ထဲမှာ ပိုးထိတယ်ဆိုကာ သူအိပ်မက်မက်ကြောင်း ပြောပြီး နောက်နှစ်ရက်မှာဘဲ ဦးမိုး ပိုးထိကာ ဆုံးသည် ။ ဒီလိုနှင့် သူ့ အိပ်မက်များကို အတော်ပင်လန့်လာကြသည် ။ ထိုမှတစ်ဆင့် အနည်းငယ် အသက်ရလာသော အချိန်တွင် ပို၍ ပင်အားကောင်းလာသည်ထင် အိပ်မက်မဟုတ်ဖဲ မျက်စိမှိတ်လိုက်ချိန် အချို့တွင် ဘယ်တစ်ယောက် ဘာဖြစ်မယ် ဆိုတာမျိုး သိနေတတ်သည် ။ သူကိုယ်တိုင် ဘာဖြစ်မည်ဆိုသည်ကိုလည်း သိနေတတ်သည် ။ သို့သော် သူကိုယ်တိုင်သိနေသော အကြောင်းအရာတို့ကို မရှောင်လွဲနိုင်ခဲ့ပါ ။ တစ်ခါ အနည်းငယ်လွှဲအောင် ဖန်တီးနိုင်ခဲ့သော်လည်း သူ့ရဲ့ ကြိုတင်သိခြင်းစွမ်းအားကို အနည်းငယ်ထိခိုက်ခဲ့သလို အကြီးအကျယ် ဖျားနာခဲ့သည် ။ တိုက်ဆိုင်မှုတစ်ခုလဲ ဖြစ်ချင်ဖြစ်မှာပါလေ ။

ရပ်ရွှာထဲတွင် စုန်းတတ်သည်ဟု နာမည်ကြီးသူများ အချို့မှာ သူ့အား ကြောက်လန့်သလိုဖြစ်နေကြသည် ။ သို့သော် သူမှလွဲ၍ သိပ်သတိမထားမိကြ ။ တစ်ခါကပင် ကျောင်းမှအပြန် လမ်းတွင် အပေါ့အပါးသွားချင်သဖြင့် အနီးနားလမ်းကြားကလေးထဲတွင် ကလေးသဘာဝ ရှင်းခဲ့လေသည် ။ ထိုသည်ကို အိမ်အတွင်းမှ ဒေါ်နက်မှာ မကျေနပ်ချေ ဒေါ်နက်မှာ ဇော်ဂနီအဆင့်ပင်ရှိသည်ဟု လူအများပြောကြသဖြင့် တော်ရုံလူများ လန့်ကြသည် ။ ထိုနေ့က ကျောင်းပြန်ပြီးမကြာမီပင် ဒေါ်နက်မှာ လူးလိမ့် အော်ဟစ်ပြီး
" မိုးမောင်ဆီပို့ပေးပါ တောင်းပန်ချင်လို့ပါ မိုးမောင် ဆီပို့ပေးပါ " နဲ့ အော်နေပါတော့တယ်တဲ့ ဒါနဲ့ မိုးမောင်ဆီ ဒေါ်နက်ရောက်လာပါရောတဲ့ ။ အဲ့ဒီမှာ " ဒေါ်နက်ကို မိုးမောင်ခွင့်လွတ်ပါနော် " နဲ့ပြောသတဲ့ မိုးမောင်ကမူ အူကြောင်ကြောင်နဲ့ပေါ့ သူမှဘာမှမသိရှာတာ ။ " ခွင့်လွှတ်တယ်လို့ ပြောပါကွယ် မိုးမောင်ရယ် . . . အား " ဆိုကာဖြင့် ညည်းနေလေသည် ။ မိုးမောင်ကလည်း ခွင့်လွှတ်ပါတယ် ပြောလိုက်ရော ညည်းနေတာရပ်ပြီး ကျေးဇူးတင်ပါတယ်ကွယ် ဘာညာပြောပြီး ဒေါ်နက်မှာ တစ်ချိုးထဲ ပြေးတော့တာပါဘဲတဲ့ ။ အဲ့ဒီဟာကလည်း မိုးမောင်ကို နာမည်ကြီးစေခဲ့ပါတယ် ။ လူအများကလည်း အနည်းငယ် လန့်လာသလိုလို ရှိပါတယ် ဒါပေမဲ့ မိုးမောင်မှာ မည်သူ့ကိုမှ ရန်မရှာ သဘောအလွန်ကောင်းပြီး ယဉ်ကျေးသိမ်မွှေ့သောကြောင့် လူများလဲ သိပ်မလန့်ကြတော့ပါ ။

အဆိပ်ရှိသောသတ္တဝါများ မိုးမောင် အခန်းအတွင်းသို့ တစ်ခါတစ်ရန် ဝင်ရောက်လာတတ်သည် ။ မိုးမောင် သတိထားမိပါသည် ။ ဒါပေမဲ့ ကြောင်ကဲ့သို့ ထိုအရာများကို တားဆီးသုတ်သင် တတ်ကြသည့် အကောင်များမှလည်း သူ့အား ကာကွယ်ပေးတတ်သလိုရှိလေသည် ။ တစ်ခါတစ်ရန် အကောင်တစ်ကောင်မှ သူ့အားရန်ရှာစဉ် အခြားတစ်ကောင်မှ ကာကွယ်သည်မျိုးလဲ ကြုံတွေ့ရတတ်ပါသည် ။ ထိုမှတစ်ဆင့် မမြင်ဖူးသော အကောင်များ ရောက်လာတတ်ကြပြန်သည် ။ အချို့အကောင်များမှာ အလွန်ထူးဆန်းပြီး ကြောက်မက်ဖွယ် မျက်နှာများပင် ပိုင်ဆိုင်ထားကြသည် ။ တစ်ခါတစ်ရံ သူ့အားကာကွယ်ပေးတတ်သော အရာများရောက်လာပေမဲ့ တစ်ခါတစ်ရံ သူကိုယ်တိုင် သုတ်သင်ရှင်းလင်းရတတ်သည် ။

ဆက်ပါအုံးမည်ခင်ဗျာ . . . .

MSC . 9

Photos credit; Google Image

Phyoe Thant Zin

@domelay (အတွေးမျှင်လေးများ)