ပုံပြင်တွေဆက်ရေးမယ်
ပုံပြင်တွေဆက်ရေးမယ်
=================
ဝါတွင်းကာလ စာဝါတွေချလာတာ တစ်ပတ်ကျော်ခဲ့ပါပြီ။ ဦးဇင်းစာဝါမှာ တပည့်များများမရှိ၊ ခြောက်ပါးမျှသာ။ ဒီနေ့သူတို့ကိုစာမသင်ပဲ စကားပြောဖို့ ရည်စူးခဲ့သည်။ ခေါင်းစဉ်ကို ပုံပြင်တွေဆက်ရေးမယ်ဟု ဦးဇင်းဘာသာ နာမည်ပေးထားသည်။ ပုံပြင်တွေဆက်ရေးမယ်----------
(၁)
တပည့်တွေစုံတော့ ဦးဇင်းစကားစလိုက်သည်။"ဒီနေ့စာမသင်ပဲ ပုံပြင်ပြောမလို့ဘုရား"
သူတို့ အရွယ်က ပုံကြိုက်တဲ့အရွယ်တော့မဟုတ်တော့။ဒါပေမဲ့ ပုံပြင်တစ်ချို့ဟာ အရွယ်မရွေးကြိုက်ခြင်းခံရသည်မဟုတ်ပါလား။ စကားဆက်လိုက်ပါသည်။
"ယုန် နှင့် လိပ် ပုံပြင် ကြားဖူးကြလားဘုရား"
"တင်ပါ့"
"ဒါဆိုတစ်ပါးက ပြန်ပြောပြဘုရား"ဦးဇင်းတစ်ပါးက သူမှတ်မိသလိုပြောပြသည်။
"တစ်ခါက ယုန် နဲ့ လိပ် တွေ့ကြတယ်။ ယုန်ကလိပ်ကို ကြည့်ပြီး အသွား နှေးတယ်လို့ ကဲ့ရဲ့တယ်။ လိပ်ကလက်မခံဘူး။ အသွားနှေးတယ်ဆို မင်းနဲ့ငါအပြေးပြိုင်မလား စိန်ခေါ်တယ်။ ယုန်ကလက်ခံတယ် ။ ပြိုင်တဲ့နေ့မှာ ယုန်က အထင်သေးစိတ်နဲ့အိပ်နေတုန်း လိပ်က ပန်းဝင်သွားတယ်''
ဦးဇင်းက စကားထောက်လိုက်သည်
"ဒီပုံပြင်ကပေးတဲ့ သင်္ခန်းစာကရော"
"တစ်ဖက်သားကို အထင်သေးစိတ်၊ အလုပ်ကိုမလေးစားစိတ်ဟာ ရှုံးနိမ့်မှုကို ဖြစ်စေတယ်ဘုရား "ဦးဇင်းကဆက်မေးသည်။
"ပြီးတော့ဘယ်လိုဖြစ်သေးလဲ"
"ပုံပြင်ကပြီးပြီးဘုရား"
ဦးဇင်းက မေးလိုက်သည်
"ပုံပြင်က ပြီးတာလား။ ရေးသူက ဆက်မရေးတာလား"
သူတို့အားလုံး စဉ်းစားခန်းဝင်သွားသည်။ တစ်ပါးကဖြေသည်။
"ရေးသူက ဆက်မရေးတာဘုရား ''
ဦးဇင်းကထပ်မေးသည်
"အရှင်ဘုရားတို့ပုံပြင်ကို ဆက်ရေးပါဆို ဘယ်လိုဆက်ရေးမလဲ "
မထင်မှတ်တဲ့မေးခွန်း ဖြစ်နေမလားမသိ။ အနည်းငယ် ငြိမ်သွားသည်။ ဦးဇင်းကပဲဆက်ပြောသည် "ကြာပြီဘုရား။ တပည့်တော် ခေတ်သစ်ပုံပြင်တစ်ပုဒ်ဖတ်ရတယ်။ စာရေးဆရာ မမှတ်မိဘူး။ ယုန်နှင့်လိပ်ပုံပြင်ပဲ ။သူကပုံပြင်ကို ဆက်ရေးထားတာ။ သူရေးတာကိုတပည့်တော်မှတ်မိသလို ပြန်ပြောပြမယ်ဘုရား'' ။
ဦးဇင်းက ပုံပြင်ကိုရှေ့ဆက်လိုက်သည်။
"ပြိုင်ပွဲအပြီးမှာ ယုန်ဟာ တောထဲမှာမျက်နှာမပြရဲအောင် အရှက်ရသွားတယ်။ သူ့အားနည်းချက်ကို ပြန်သုံးသပ်တယ်။ လိပ်ကိုတစ်ခါပြန်ပြိုင်ဖို့ စိန်ခေါ်တယ်။ လိပ်ကလည်း လက်ခံတယ်။ဒီဒုတ်ိယ ပြိုင်ပွဲ
မှာတော့ယုန်ဟာ တကယ့်ကို ပြေးတယ်။ အပြတ်အသတ်အနိုင်ရသွားတယ်ဘုရား"
ဦးဇင်းကပုံပြောနားပြီးမေးလိုက်သည်။
"ဒီအခန်းမှာ ဘာသင်္ခန်းစာရလဲ"
တစ်ပါးကဖြေသည်။
"အားနည်းချက်ကို ပြင်ဆင်ပြီးကြိုးစားမယ်ဆို အောင်ပွဲပြန်ရမှာဘုရား"
ဦးဇင်းကမေးသည်။
"ဒါဆိုပုံပြင်ပြီးပြီလား"
တစ်ပါးကဖြေသည်။" ပြီးပြီဘုရား"ဦးဇင်းကပြုံးပြီး ဆက်ပြောသည်။ "မပြီးသေးဘူးဘုရား။ ဆက်ရေးထားသေးတယ် "ပုံပြင်နောက်တစ်ခန်းကို ဦးဇင်းဆက်ပြောသည်။ "ဒီပြိုင်ပွဲရှုံးရတာကို လိပ်ကမကျေနပ်ဘူး။ သူပြန်သုံးသပ်တော့ ပြေးလမ်းကိုသွားတွေ့တယ်။ ပြေးလမ်းကိုအရင်ကယုန်ပဲရွေးခဲ့တာ။အခု လိပ်ကပြန်ရွေးတယ်။ ပြေးလမ်းတစ်ဝက်မှာ မြစ်တစ်စင်းခံနေတဲ့လမ်းကိုရွေးပြီး တတိယပြိုင်ပွဲ ပြိုင်ဖို့ ယုန်ကို စိန်ခေါ်တယ်။ ယုန်လက်ခံတယ်။ တတိယပြိုင်ပွဲမှာ ယုန်ရှုံးတယ်။ ခရီးဝက်မှာမြစ်ခံနေတော့ ယုန်မကူးနိုင်ခဲ့ဘူး။ လိပ်နိုင်တာပေါ့"ပုံပြောနားပြီး မေးခွန်းထုတ်သည်။
"ဒီပုံပြင်က ဘာသင်္ခန်းစာရသလဲ "ဦးဇင်းတစ်ပါးကဖြေသည်။
"ရှုံးနိမ့်တိုင်း ကိုယ်ညံ့လို့  မဟုတ်ဘူး။စိတ်ဓာတ်ကျ စရာမရှိဘူး။ အနေအထားကိုပြုပြင်ယူမယ်ဆို အောင်ပွဲ ပြန်ရနိုင်တယ်" "ဟုတ်တာပေါ့ဘုရား။ ဒီလောက်ဆိုပုံပြင်မပြီးဘူးလားဘုရား" ဦးဇင်းအမေးကို မဖြေတော့။ပုံပြင်ဆက်နိုင်သေးမှန်း သူတို့သိသွားသည်။ ဦးဇင်းကပဲဆက်ပြောသည်။ "တတိယပွဲယုန်ရှုံးတာကို ယုန်ကမကျေနပ်ဘူး။လိပ်ညစ်တယ်လို့ ခံစားရတယ်။ ဒီတစ်ခါ ပြေးလမ်းကိုသူရွေးတယ်။ တောင်ကြီးတစ်လုံးကိုကျော် မြစ်တစ်စင်းကိုဖြတ်ပြီးမှ ပန်းဝင်မည့်ပြေးလမ်းပေါ့။ဒီပွဲမှာ ဘယ်သူမှမနိုင်ဘူး။ လ်ိပ်ကတောင်မကျော်နိုင်ဘူး။ ယုန်ကမြစ်မကူးနိုင်ဘူး
"ပုံပြောနား၍ မေးခွန်းထုတ်သည်။ "ဒီပွဲသင်္ခန်းစာကရော"
"အားသာချက် အားနည်းချက်ဆိုတာ ကိုယ်စီရှိတယ် ဆိုတာပါဘုရား" "ဟုတ်တာပေါ့ဘုရား။ ပုံပြင်ရောပြီးပြီထင်လား"မဖြေကြတော့။ ဦးဇင်းဆက်မှာပဲ မျှော်နေသည်။
ဦးဇင်းကပုံပြင်ကို ဆက်သည်။"ဘယ်သူမှ မနိုင်တော့မှ သူတို့နှစ်ဦးသဘောပေါက်
တယ်။ကိုယ့် အားသာရာရာရှိတယ်ဆိုတာပေါ့။ ပြီးတော့သူတို့ စကားပြောဖြစ်တယ်။ ဆွေးနွေးဖြစ်တယ်။ အားသာရာကိုယ်စီကို အရှုံးအနိုင် ပြိုင်နေမယ့်အစား
အချင်းချင်းကူညီပြီး ခရီးဆက်ရင်ပိုကောင်းတယ်ပေါ့။ သဘောတူညီချက်ရသွားပြီး ကုန်းခရီးမှာ ယုန်ကလိပ်ကိုထမ်း ရေခရီးမှာ လိပ်ကယုန်ကိုထမ်းပြီး ပန်းတိုင်အ
တူဝင်ကြသတဲ့" ပုံပြောနားပြီးမေးလိုက်သည်။
"ဒီအခန်းကသင်္ခန်းစာကရော"
"အချင်းချင်းကူညီရိုင်းပင်းခြင်းကသာ လောကရဲ့တကယ့်အလှ တကယ့်အောင်ပွဲ ပါဘုရား"
ဦးဇင်းတစ်ပါးအဖြေကို ခေါင်းညိတ်လက်ခံပြီး ပြန်မေးလိုက်သည်။"ပုံပြင်ဆက်ဖို့ ကျန်သေးလား" "မကျန်တော့ဘူး""ဘာဖြစ်လို့ ?"နှစ်ယောက်လုံးနိုင်မှတော့ပွဲပြီးသွားပြီဘုရား"
ဦးဇင်းက ပြုံးပြီး မပြီးသေးဘူးပြောလိုက်တော့သူတို့ အံ့သြသွားတယ်။ဆက်ပြောလိုက်တယ်။
"ပန်းတိုင်ကို အတူဝင်ပြီးသူတို့ ဆွေးနွေးသေးတယ်။ငါတို့နှစ်ယောက်ပဲ ဒီလိုပန်းတိုင်ဝင်လို့  မဖြစ်သေးဘူး။
ငါ့တို့ မျိုးဆက်သစ်အားလုံးလည်း ဒီလိုပန်းဝင်ဖို့ လုပ်ရမယ်ဆိုပြီးတော့ တောတောင် အနှံ့တရားလိုက်ဟောပြီး အတူတကွငြိမ်းအေးစွာသေဆုံးသွားသတဲ့"
ဦးဇင်းကမေးလိုက်သည်။
"ပုံပြင်ပြီး-----??
"ပြီးပါပြီဘုရား"
"တင်ပါ့ပြီးပြီဘုရား။ ဒီပုံပြင်က စာရေးဆရာတစ်ဦးဆက်ရေးခဲ့တာကို မှတ်မိသလိုပြောပြတာဘုရား။ တပည့်တော်ရဲ့ပုံပြင် ပြောပါဦးမယ်ဘုရား"
( ၂ )
ဦးဇင်းက မေးလိုက်သည်"အရှင်ဘုရားတို့ ဗျိုင်းထက်ပုစွန် ပညာလွန်ဆိုတဲ့ပုံပြင်
ကြားဖူးလား ဘုရား" "တင်ပါ့"
"တစ်ပါးကပြောပြပါဘုရား" တစ်ပါးကပြောပြသည် "ရေခန်းအိုင်က ငါးတွေကို ရေများရာပို့မယ်ဆိုပြီး လိမ်စားတဲ့ဗျိုင်းကို ပုစွန်က လည်ပင်းညှပ်ဖြတ် သတ်လိုက်တာဘုရား"
"တင်ပါ့၊
ဟုတ်ပြီ၊ ပုံပြင်ကဒါပဲလား။ ဆက်ရေးလို့မရတော့ဘူးလား" ဆက်လို့ရသေးမှန်းသူတို့ သဘောပေါက်ခဲ့ကြပြီ။ ဘယ်သို့ဘယ်ပုံဆက်မည်ဆိုတာ သူတို့ဆန္ဒပေပင်။ ဦးဇင်းကပြောလိုက်သည်။ "တပည့်တော်ဆက်ရေးမှာကို ပြောချင် တယ်ဘုရား" "တင်ပါ့"
"ပုစွန်ကဗျိုင်းကိုသတ်လိုက်တဲ့သတင်းဟာ ပုစွန်လောက ဗျိုင်းလောကအပြင် တိရစ္ဆန်လောကပါပျံ့နှံ့ရိုက်ခတ်သွားတယ် ဘုရား ။ အကျိုးဆက် အနေနဲ့ ဗျိုင်းမျိုးနွယ်တွေဟာ လူလိမ်မျိုးနွယ်လို့ သတ်မှတ်ခံရပြီး ပုစွန်တွေကတော့ ပညာရှိ သူကောင်းမျိုးရိုးလို့ သတ်မှတ်ခံလိုက်ရသတဲ့။ ဗျိုင်းတွေဟာ ဘယ်သွားသွားမျက်နှာငယ် တာပေါ့။ ပုစွန်တွေကတော့မာနဝင်သတဲ့။ ငါးတွေကို ငါတို့ဟာမင်းတို့၏ ကယ်တင်ရှင်ကြီးဆိုတဲ့ အကြည့်တွေနဲ့ကြည့်တတ်သတဲ့။ ငါးတွေကတော့ အောင့်သက်သက်ပေါ့။မျိုးဆက်သစ်ဗျိုင်းငယ်တစ်ကောင်ဟာ သူတို့ပေါ်လွှမ်းတဲ့အရိပ်မည်းကို ပယ်ဖျက်ဖို့ သူငယ်ချင်းတစ်ချို့နဲ့တိုင်ပင်သတဲ့။ဒီလိုနဲ့ ရေခန်းကာလပြန်ရောက်တဲ့အခါ အဲဒီဗျိုင်းတစ်စုက ငါးတွေဆီကိုသွားပြီးရေများရာပို့မည့် အကြောင်းပြောတယ်။ ငါးတွေကတော့ မယုံရဲဘူးပေါ့။ဒီမှာပုစွန်တွေထွက်လာပြီး သူရဲကောင်းလုပ်ကြတယ်။ ဒီတစ်ခါ သူတို့အရင်လိုက်မယ်တဲ့။ ဗျိုင်းတွေရဲ့လည်ပင်းခိုလိုက်လာတယ်။ ဗျိုင်းငယ်တွေဟာ သမိုင်းအသစ်ရေးနိုင်တော့မယ် အမှားအကြွေးဆပ်ခွင့်ရတော့မယ်ဆိုပြီး အလွန်ပျော်
နေကြသတဲ့။ တကယ်ရေများရာကို သူတို့ အသက်သေပါစေ ငါးတွေကို ပို့ မယ်လို့  သန္နိဋ္ဌာန်ချ ထားသတဲ့။ ဒါပေမယ့်ဘုရား ဗျိုင်းကိုသတ်နိုင်ရင် သမိုင်းဝင်သူရဲကောင်းဖြစ်မှာပဲလို့ အတွေးမှားတဲ့ ပုစွန်တွေဟာမြစ်ထဲအဆင်းမှာပဲ ဗျိုင်းတွေကို လည်ပင်းညှပ်ဖြတ် သတ်လိုက်သတဲ့ဘုရား။ ဗျိုင်းတွေရဲ့သမိုင်းဝင်အိပ်မက် ပျက်ခဲ့ရတာပေါ့ဘုရား။ ဗျိုင်းတွေ သေသလိုရေခန်းအိုင်က ငါးတွေလည်း အကုန်သေတယ်ဘုရား"ပုံပြောကိုနားလိုက် သည်။
သူတို့ကို မေးခွန်းထုတ်လိုက်သည်"အရှင်ဘုရားတို့ အခု ပုစွန်တွေကိုပညာရှိသူရဲ
ကောင်းလို့ ချီးမွမ်းဦးမှာလား။ ဗျိုင်းတွေကိုရော လူလိမ်မျိုးနွယ်လို့ သတ်မှတ်ဦးမှာလားဘုရား"
"မချီးမွမ်းတော့ဘူး။မသတ်မှတ်တော့ဘူးဘုရား"
သူရဲကောင်းမဖြစ်ကြတော့သလို နှစ်ဘက်လုံးဆုံးရှုံးရတာပါဘဲမဟုတ်ပါလား
ဦးဇင်းမေးလိုက်သည်
ပုံပြင်ဆုံးပြီလားဘုရား"
"မဆုံးသေးပါဘုရား"
"တင်ပါ့ မဆုံးချင်ရင် ဆက်ရေးရမှာပဲ။ အခုတော့ တပည့်တော်ဒီမှာနားမယ်ဘုရား။ အရှင်ဘုရားတို့စိတ်ကြိုက် ဆက်ရေးပါဘုရား"
ဦးဇင်းကဆက်ပြောသည် "ဒီနေ့စာမသင်ပဲ ပုံပြင်ပြောတဲ့ရည်ရွယ်ချက်က
နှစ်ခုဘုရား တစ်ခုက တပည့်တော်တို့ဟာ ဘာဖြစ်လို့ ပုံပြင်တွေကိုရပ်ထားတာလဲ။ ဆက်ရေးရပါလျှက်နဲ့ မရေးကြပဲ နှစ်ပေါင်းများစွာပစ်ထားကြတယ်။ တပည့်တော်
တိုက်တွန်းပါရစေဘုရား။ ပုံပြင်တွေကိုရပ်မထားပါနဲ့ရေးလို့ရတဲ့ အထိဆက်ရေးပါဘုရား"
"နံပါတ်နှစ်ကတော့ အရှင်ဘုရားတို့ တပည့်တော်တို့ ဘဝတွေဟာ ပုံပြင်ဆိုပါစို့။ ဒီလိုဆို တပည့်တော်တို့ဟာ ကိုယ်ရေးနေတဲ့ပုံပြင်ကို ဘယ်နေရာမှာရပ်ထားတာလဲ။ ဆက်ရေးလို့ မရတော့ဘူးလား။ စဉ်းစားပြီး မပြီးသေးရင် ဆက်ရေးပါဘုရား။ ရှုံးနေတဲ့အချိန်မှာ
ပုံပြင်မပြီးသေးဘူးသတိရပါ၊ နိုင်နေလည်းပုံပြင်မပြီးသေးဘူး သတိရပါဘုရား။ ဆက်ရေးပါဘုရား။ ဗုဒ္ဓဝါဒအလို နိဗ္ဗာန်မရောက်သေးသမျှ ပုံပြင်မပြီးပါဘူး။ ပုံပြင်ပြီးအောင်ရေးပါလို့ ပြောရင်း ဒီနေ့ စာဝါနားလိုက်ပါတယ်ဘုရား"
ပုံပြင်တွေဆက်ရေးကြမယ်………
-----×××-----
ယုန် နှင့် လိပ်
ပထမပိုင်း
•••••••••••
ယုန်ငယ်မှေးမှိတ် တရေးအိပ်စဉ်
လိပ်ငယ်ပြေးလွှား
ပန်းတိုင်သွား၏
ကြိုးစားပါ၍ အောင်ပွဲရ။
ယုန်သည်လိပ်ကို ရှူံးခဲ့ရ။
ဒုတိယပိုင်း
••••••••••••
ယုန်ငယ်ဆင်ခြင် အမှားမြင်၏
ပြု ပြင်တစ်ခါ ယှဉ်ပြို င်ပါ၏
ထိုခါယုန်လျှ င် အောင်ပွဲဆင်။
လိပ်ငယ်ကလေး ရှူံးပွဲဆင်။
တတိယပိုင်း
••••••••••••••
အခြေနေအရပ်ရပ် လိပ်သုံးသပ်၏
သတ်မှတ်လမ်းမှာ ကုန်းမြေမှာမို့ 
ငါသာရှူံးရ မမျှ တဘူး
ရေက တစ်ဝက် ကုန်းတစ်ဝက်ဟု
တစ်ဝက်စီခွဲ ယှဉ်ပြို င်နွှဲသော်
ငါပဲမုချ နိုင်မည်ပါ့။
လိပ်သည်ဒုတိယ အောင်ပွဲရ။
ဇာတ်သိမ်းပိုင်း
••••••••••••••••••
သူနိုင်ငါနိုင် ယုန် လိပ် ပြို င်ရင်း
အနိုင်အရှူံး ဘယ်မဆုံးခဲ့
ကုန်းမှာယုန်နိုင် ရေ လိပ်နိုင်၏
ပြို င်ပွဲများလာ ရင်းနှီးလာ၍
ကုန်းမှာ ယုန် ထမ်း ရေ လိပ်ထမ်းဟု
ပြေးလမ်းမှာကူ စိတ်ညီတူဖို့ 
သူတို့ နှစ်ဦးဆွေးနွေးခဲ့။
ပန်းတိုင်အတူ လျှောက်လှမ်းခဲ့။
ယုန်နှင့်လိပ်တို့ ငြိမ်းချ မ်းခဲ့။
မောင်ရဟန်း(သာသနာ့ရင်ခွင်)
ဝန်ခံချက်။ ။ ကိုယ်တိုင်ရေးစာမူဖြစ်ပါ၍
အမည်။ ။ အရှင်ပညာသေဋ္ဌိ
ကလောင်အမည်။ ။ မောင်ရဟန်း (သာသနာ့ရင်ခွင်)
မှတ်ပုံတင်အမှတ်။ ။၅/စကန(သ)၀၀၆၀၃၈
အသက် ။ ။ (၃၂) နှစ်
နေရပ်လိပ်စာ။ ။ လေးကျွန်းရတနာကျောင်း။ နန်းဦးမြို့သစ်ရပ်ကွက်၊စစ်ကိုင်းမြို့။
ဖုန်း။ ။၀၉-၇၉၁၄၁၄၆၂၆
ပညာအရည်အချင်း။ ။ ဓမ္မာစရိယ
မှတ်တမ်းတင်ပြုစုပေးပို့သူ @chirstonawba
09400532793
ကံကောင်းပီ