Sweet Dream

sumonthwe (34)in #msu • 8 years ago

အိပ်မက်လှလှမက်ပါစေတဲ့။ ဘယ်အိပ်မက်ဟာလှမှန်း ဘယ်အိပ်မက်ဟာ သာယာမှန်း ဘယ်အိပ်မက်ဟာချိုမြိန်မှန်း ကိုယ်မသိတာကြာပြီ။ ညညတွေဆို နှစ်နှစ်ခြိုက်ခြိုက်အိပ်မပျော်တာလည်း နှစ်ချီနေပြီပေါ့။ တကယ်ဆို ကိုယ်ဟာ ညရောက်မှာကိုတောင် စိုးရိမ်ထိတ်လန့်နေရသူပါ။ ကိုယ့်အိပ်မက်တွေမသာယာဘူးလေ။ အမြဲထိတ်လန့်နေရတဲ့အိပ်မက်တွေကြားမှာ ကိုယ်ဟာ အမြဲနိုးထဖို့ကြိုးစားခဲ့ပေမယ့် ဘယ်တော့မှမနိုးခဲ့ဘူး။ သဲထိတ်ရင်ဖိုအိပ်မက်ကြီးကိုအစအဆုံးမက်ပြီးမှ ချွေးတရွှဲရွှဲနဲ့နိုးသွားတတ်တယ်။ အဲ့လိုနဲ့ ပြန်အိပ်မရတဲ့ညပေါင်းများစွာမှာကိုယ်ဟာ သိပ်အထီးကျန်ဆန်နေခဲ့ရတယ်။ ကိုယ်ကြောက်တယ်။ အိပ်ပျော်မှာကြောက်တယ်။ အိပ်ပျော်သွားလို့ ကိုယ့်နောက်ကို မြေခွေးတွေအုပ်လိုက် လိုက်ကိုက်မှာကြောက်တယ်။ မြွေတွေအထွေးလိုက် ကိုယ့်ကိုရစ်ပတ်ရိုက်ချိုးလိုက်မှာကြောက်တယ်။ အသားစားဘီလူးတွေလက်ထဲကနေ ရုန်းကန်ပြေးလွှားနေရမှာကိုကြောက်တယ်။ ကိုယ့်ရဲ့ လက်တဖက်စီကနေဆွဲကိုင်ပြီး ကိုယ့်ကိုတစစီဖြစ်သွားအောင်လုပ်မယ့် အမည်မသိအကောင်ကြီးတွေကိုကြောက်တယ်။
အိပ်မပျော်တဲ့ရက်ပေါင်းများစွာဟာ ကိုယ့်ရဲ့ရုပ်အသွင်ကို ပြောင်းပြန်လှန်လိုက်သလို ပြောင်းလဲသွားစေခဲ့တယ်။ ကိုယ့်မျက်လုံးဝိုင်းဝိုင်းတွေ ပြူးကျယ်ထွက်လာတယ်။မျက်တွင်းတွေနက်လာတယ်။ ချိုင့်ဝင်လာတယ်။ ပြည့်ဖောင်းခဲ့တဲ့ ပါးနှစ်ဖက်ဟာ အရိုးငေါငေါထွက်ပြီး ချောင်ကျနေတယ်။ အဆီခန်းခြောက်သွားတဲ့ နဖူးပြင်ဟာ အရေးကြောင်းများစွာ။ နှုတ်ခမ်းတွေဟာ ခြောက်သွေ့အက်ကွဲ။ နှာခေါင်းထိပ်မှာ အမဲဆံတွေထူလပျစ်။ ကိုယ်မှန်မကြည့်တော့ဘူး။ မှန်ကြည့်ရမှာကိုယ်ကြောက်တယ်။ မှန်ထဲမှာမြင်ရမယ့် ရီဝေဝေမှုန်မှိုင်းမှုိင်းမျက်ဝန်းတွေကို ကိုယ်ရင်မဆိုင်ရဲဘူး။ ကိုယ့်ကိုယ်ကိုယ်ကြည့်နေရင်းကနေ ခုန်အုပ်တော့မယ့် ဝံပုလွေတကောင်ကို မြင်လာပြန်ရော။ ကိုယ်ကြောက်တယ်။ ဆံပင်စုတ်ဖွားတွေမဖီးဖြစ်တာလည်း ကြာပြီ။ နေရာတကာမှာ အိပ်မက်ထဲက အကောင်ပေါင်းများစွာပဲမြင်နေမိတယ်။ အဲ့လိုနဲ့ မျက်လုံးမှိတ်ထားပြီး အိပ်မပျော်တဲ့အချိန်ပေါင်းများစွာ ဖြစ်လာတော့တယ်။ ကိုယ့်ရင်တွေတထိတ်ထိတ်တုန်နေတယ်။ ကိုယ်သိပ်ကြောက်တယ်။ ကိုယ့်ရဲ့ကြောက်ရွံ့မှုရေချိန်မြင့်မားလာတဲ့အခါ ဆေးခန်းတခုကိုရောက်သွားခဲ့ရတော့တယ်။ ဆရာဝန်ရဲ့ကုထုံးတွေအောက်မှာ ကိုယ်ငြိမ်သက်စွာကြောက်ရွံ့နေခဲ့ရပြန်သေးတယ်။ အိပ်ပျော်အောင်အိပ်နော်။ဒီည နှစ်နှစ်ခြိုက်ခြိုက်အိပ်ပျော်သွားမှာပါ။ ဘာမှစိတ်ပူစရာမရှိတော့ဘူးသိလား။ အိပ်ပျော်သွားမှာပါ။ sweet dream တဲ့။ အိပ်ဆေးပြင်းပြင်းတွေပေးရင်းဆရာဝန်က နှစ်သိမ့်တယ်။ ညမအိပ်ခင်ဖတ်ဖို့ စာအုပ်ပါးပါးလေးတအုပ်လည်း ပေးလိုက်တယ်။ ကိုယ်စာအုပ်ကို ကြည့်လိုက်တော့ နာမည်ကြီး ဆရာတော်ကြီးတပါးရဲ့တရားစာအုပ်ဖြစ်နေတယ်။ ကိုယ်ပြုံးမိတယ်။ ဆရာဝန်ပေးလိုက်တဲ့စာအုပ်ကလေးကို ကိုယ်ဖတ်တယ်။ ဆရာဝန်ပေးလိုက်တဲ့ဆေးတွေကိုလည်း ကိုယ်သောက်တယ်။ ကိုယ့်စိတ်တွေ တဖြည်းဖြည်း ငြိမ်သက်လာတာ သတိထားမိတယ်။ ကိုယ့်မျက်လုံးတွေတဖြည်းဖြည်း မှေးစင်းလာတာသတိထားမိတယ်။ အဲ့ဒီ့နောက်တော့ ……………
ကိုယ်ရောက်နေတဲ့နေရာလေးဟာ သိပ်သာယာတာပဲ။ ကျောက်စရစ်ခဲလေးတွေခင်းထားတဲ့လမ်းလေးတလျှောက်မှာ ပန်းပင်သေးသေးလေးတွေလည်း ရောင်စုံပွင့်လို့။ လမ်းတဖက်စီမှာ အပင်ကြီးတွေကအုပ်ဆိုင်းဆိုင်းနဲ့ လမ်းလေးပေါ်အရိပ်တွေကျလို့။ မနက်ခင်းနေခြည်နုနုလေးအောက်မှာ ငှက်ကလေးတွေဟာ ဟိုဒီပြေးလွှားလို့။ ကိုယ့်သိပ်ကိုကျေနပ်သွားတယ်။ အိုကွယ်.. လှလိုက်တဲ့ရှုခင်းလေး။ အဲ့ဒီ့အချိန်မှာပဲ ကိုယ်အသံတခုကို သဲ့သဲ့ကြားရတယ်။ ခြေအစုံရပ်ပြီး သေချာစူးစိုက်နားထောင်လိုက်တော့ ဂစ်တာသံဖြစ်နေတယ်။ ကြိုးတချောင်းတည်းနဲ့တီးနေတဲ့ ဂစ်တာသံ။ ကိုယ်သိပ်သဘောကျခဲ့တဲ့ သံစဉ်အေးအေးလေး။ ကိုယ်မျက်လုံးလေးမှိတ်ပြီး ခနနားထောင်နေလိုက်တယ်။ ငြိမ့်ညောင်းလိုက်တာ။ အသံကြားရာကို လမ်းလေးအတိုင်း ကိုယ်တရွေ့ရွေ့တိုးသွားတယ်။ ခြေလှမ်းမှန်မှန်နဲ့ကိုယ်လျှောက်သွားတယ်။ သိပ်မကြာခင်မှာပဲ ရေစီးသံနဲ့အတူ ဂစ်တာသံကိုပီပီပြင်ပြင်ကြားလိုက်ရတယ်။ ပတ်ဝန်းကျင်ကို စူးစမ်းကြည့်တော့ မြင်ကွင်းကရှင်းလင်းလို့ ။ အနောက်ကိုလှည့်ကြည့်လိုက်ချိန်မှာ ကိုယ်ဟာ အံ့သြမင်သက်သွားရတယ်။ သိပ်လှတဲ့ရေတံခွန်တခု။ မြေပြန့်လေးပေါ်မှာ စမ်းချောင်းလေးဖြစ်ပြီးမှ စမ်းချောင်းဆုံးတာနဲ့ မြင့်မားလှတဲ့ရေတံခွန်တခုကို လှမ်းမြင်လိုက်ရတယ်။ အိုးးးးပျော်လိုက်တာ။ဒီလောက်လှတဲ့ရေတံခွန်ကို ကိုယ်မမြင်ဖူးခဲ့ဘူး။ ရေတွေကပြာလဲ့လဲ့နဲ့။ ရေကျသံတဝုန်းဝုန်းကို ခပ်သဲ့သဲ့ကြားရတာကိုက အရသာတမျိုးဖြစ်နေတယ်။ စမ်းချောင်းလေးအတိုင်းကိုယ်လမ်းလျှောက်ပြီး ဂစ်တာသံဆီကိုသွားတယ်။ တွေ့ပါပြီ။ ကိုယ့်ကိုကျောခိုင်းထားတဲ့အနေအထားနဲ့ ဂစ်တာတီးနေတဲ့ အမျိုးသားတဦး။ ပတ်ဝန်းကျင်မှာ ရေစီးသံရယ်။ ဂစ်တာသံရယ် ကိုယ့်အသက်ရှုသံရယ်ကလွဲလို့ တိတ်ဆိတ်နေတယ်။ ကိုယ့်ခြေထောက်တွေဟာ စမ်းချောင်းလေးထဲမှာ မြုပ်ဝင်နေတယ်။ ကိုယ့်ခြေမျက်စိကိုလာပွတ်တိုက်နေတဲ့ ရေစီးလေးကိုသဘောကျလွန်းလို့ ကိုယ်ရပ်နေလိုက်တယ်။ ဂစ်တာသံကိုနားထောင်ချင်တာလည်း ပါတာပေါ့လေ။ ဂစ်တာတီးနေသူက တဖြည်းဖြည်းကိုယ့်ဘက်လှည့်လာတယ်။ ကိုယ့်ကိုမြင်တော့ ပြုံးပြတယ်။ အလို !! ဆရာဝန်ပါလား။ ကိုယ်ပြန်ပြုံးပြလိုက်တယ်။ သဘောတကျကိုပြုံးပြဖြစ်တယ်။ ကိုယ်အဲ့ဒီလိုမပြုံးဖြစ်တာ ကြာပြီမဟုတ်လား။
ကိုယ့်ကိုယ်ဆေးကုပေးနေတဲ့ဆရာဝန်က ဂစ်တာလည်း တီးတတ်တယ်လား။ ကိုယ်တအံ့တသြဖြစ်နေချိန်မှာပဲ နေကောင်းသွားပြီလားတဲ့။ ဟုတ်ကဲ့လို့ ပြန်ဖြေချိန်တောင်မရလိုက်ခင်မှာပဲ ကိုယ်ရပ်နေတဲ့စမ်းချောင်းလေးဟာ ရေတွေတဝုန်းဝုန်းစီးပြီး မြစ်ကြီးသဖွယ်ဖြစ်သွားပါလေရောလား။ ဘယ်အရပ်ကရေတွေဟာ အခုလိုရုတ်ချည်းစီးလာရသလဲ။ ကိုယ်မစဉ်းစားနိုင်ဘူး။ အို ကိုယ်ခြေထောက်တွေ ကိုယ့်ခြေထောက်တွေ မရပ်နိုင်တော့ဘူး။ ရေနဲ့အတူမျောပါနေပြီ။ ဆရာရေ လုပ်ပါအုံး။ ကယ်ပါအုံး။ ရေရဲ့အရှိန်နဲ့ ကိုယ်မျောပါသွားတဲ့အချိန်မှာ ဆရာလို့ အသံကုန်အော်လိုက်တယ်။ ဆရာလည်း မျောသွားပြီထင်တယ်။ ဆရာ့ဂစ်တာလေးရေထဲပါသွားတာတွေ့လိုက်တယ်။ ကိုယ့်ရင်တွေတထိတ်ထိတ်ခုန်လာတယ်။ ကိုယ်ဘာလုပ်ရမလဲ။ ကိုယ်ဘယ်လိုလုပ်ရမလဲ။ ရေစီးဟာ သိပ်ကြမ်းတော့ ကိုယ့်ခန္ဓာကို ဘယ်လိုမှမထိန်းနိုင်ဘူး။ တခါတခါ ရေဟာ ကိုယ့်ခေါင်းထ်မြုပ်သွားတယ်။ တခါတခါ ကိုယ့်ကျောကနေ အရှိန်နဲ့တွန်းတယ်။ ကိုယ်အသက်ရှူဖို့ခက်ခဲလာတယ်။ ရေထဲမှာ တခုခုရှိလိုရှိငြား လိုက်စမ်းသေးတယ်။ လုံးဝကို ဘာမှမရှိ။ ကိုယ်မှားတယ်။ ကိုယ်သိပ်မှားတယ်။ ဒီနေရာကို ကိုယ်မလာသင့်ဘူး။ ဂစ်တာသံကို ကိုယ်မမက်မောသင့်ဘူး။ ဒီရှုခင်းတွေကို မသာယာသင့်ဘူး။ ကိုယ်သိပ်မှားသွားပြီ။ ကိုယ့်မှာလမ်းမမြင်ကမ်းမမြင်။ ဟိုးးးးရှေ့မှာက ရေတံခွန်အမြင့်ကြီး ရေတွေကတဝုန်းဝုန်းစီးဆင်းနေတာ။ အဲ့ဒီ့နားရောက်ရင် ကိုယ်သေမှာ သေချာတယ်။အခုတောင် အဲ့ဒီ့ချောက်ကမ်းပါးနားရောက်တော့မှာ။ ဘုရားဘုရား။ ခြေထောက်တွေဟာ ထုံကျင်နေပြီ။ ကိုယ့်လက်တွေဟာလည်း ရေထဲမှာ မယက်နိုင်လောက်အောင်ကို အေးစက်တုန်ရင်နေပြီ။ ကိုယ်မသေချင်သေးဘူး။ ကိုယ်သေလို့မဖြစ်ဘူး။ ကယ်ကြပါ။ ဆရာရေ ဆရာဘယ်မှာလဲဟင်။ ကိုယ့်ကိုလာကယ်ပါအုံး။ ဟော ရှေ့မှာသိပ်လှတယ်ဆိုတဲ့ ရေတံခွန် ။အိုးးး သိပ်လှတယ်လို့ ကိုယ်ထင်ခဲ့တဲ့ ရေတံခွန်အမြင့်ကြီး ဘုရားရေ။ အခုတော့ ရုပ်ဆိုးအကျည်းတန်လှတဲ့ရေတံခွန်ပါလား။ကိုယ့်ကိုသတ်တော့မယ့်ရေတံခွန်ပါလား။ ကိုယ် အဲ့ဒီ့ကနေ အမြင့်ကြီးကိုပြုတ်ကျတော့မှာပါလား။ ခနလေး ခနလေး ခနလေးပါပဲ ။ ကိုယ့်လက်မှာ ဘာမှကိုင်စရာမရှိတော့ပါလား။ ထိလိုက်မိတဲ့ ကျောက်ခဲတွေဟာလည်း လက်ခဲကချောချောထွက်သွားတယ်။ ရောက်ပြီ ။ ရောက်ပြီ။ ရေတံခွန်ထိပ်ကို ကိုယ်ရောက်ပြီ။ ရေတံခွန်ချောက်ကိုရောက်ပြီ။
ရင်ထဲမှာ အေးးးးးးကနဲ လှိုက်ကနဲ
ဝုန်းးးးးးးး
ဝေါးးးးးးး
အားးးးးး
ဒုတ် ဒုတ် ဒုတ် !!
စုမွန်သွယ်

MSU No 057

#myanmar #shortstory