အိပ်မက်

အိပ်မက် မက်တာအတော်များများက အိပ်မက်နေဆဲမှာ အပြင်က အဖြစ်တွေကို မသိသလို အပြင်ရောက်သွားရင်လည်း အိပ်မက်ထဲပြန်သွားလို့မရဘူး။
တစ်ခါတစ်လေ ဖြစ်တောင့်ဖြစ်ခဲ အခြေနေမှာတော့ အိပ်မက်နေတာကို လည်းသိနေရသလို နိုးကြားနေတဲ့ လောကရဲ့ အခြေနေကိုပါတပြိုင်ထဲ သိနေရတာမျိုးလည်း ရှိတယ်။
အဲ့လို သိနေရပေမဲ့ အိပ်မက်ထဲက အသိုင်းအ၀ိုင်းကို အပြင်က အသိတွေကို လှမ်းပြောပြဖို့မဖြစ်နိုင်သလို အိပ်မက်ထဲကဖြစ်နေတာကိုလည်း အပြင်ကိုလှမ်းပြောပြလို့မရပြန်ဘူး။
နိုးလာတဲ့အခါကျမှ အိပ်မက်ကိုပြန်ပြောလို့ရတယ်။ ဒါပေမဲ့အကုန်အစင် အိပ်မက်ထဲကအတိုင်း မှတ်မိတာ မမှတ်မိတာတွေလည်း ရှိသေးတယ်။ ကိုယ်မမှတ်မိတိုင်း အိပ်မက် မက်တယ်ဆိုတာ မရှိနိုင်ဘူး ပြောလို့မရသလို ကိုယ်မဖြစ်ဖူးတိုင်း အိပ်မက် နဲ့ အပြင်ကို တပြိုင်ထဲသိတယ်ဆိုတာ မဖြစ်နိုင်ဘူးလည်းပြော မရနိုင်ပြန်ဘူး။
အိပ်မက်သဘောက ဆန်းကျယ်သလိုပဲ။
အချို့သော အတွေးအခေါ်တွေမှာတော့ လက်၇ှိလောကကိုပါ အိပ်မက်လိုလိုပြောကြပြန်တယ်။ ကိုယ်က သူတို့အိပ်မက်ထဲကိုယ်မရောက်ဖူးလို့ပဲလား ဒါမှမဟုတ် ရောက်ဖူးပြီးမမှတ်မိတာလားတော့မသိဘူး။ တစ်ခါတစ်လေ တစ်ချို့လူတွေရဲ့ အိပ်မက်တွေက နားလည်ရခက်တယ်။
တကယ်တော့ နားမလည်ဘူးဆိုတာလည်း အိပ်မက်မက်နေတာ ဖြစ်နိုင်ပြန်တာပဲ။
Kyaw Thu Ra
MSU 057

Photo source