Dekh liye main Bharat

Bhaaiyo dekh liya main Bharat Ane Nenu, Hindi me release ho chuki hai koi na koi site par aap ko mil jaayegi abhi youtube me nahi aayi hai. Mere ek dost ne di hai main wahi se dekha. Bahut hi jabardast lagi mujhe ye film. Mujhe pata tha iss film me comedy wagera kam hoga lekin ye nahi socha tha ki hoga hi nahi. Film me entertainment nahi hai lekin film ek achhi topic par bani hai. 

Image Source

Aap ne Srimanthudu to dekhi hogi na ye waali film bhi ek alag topic par bani thi. Iss me bhi entertainment kam tha lekin film ki script achhi thi aur kahi kahi par comedy bhi thi lekin Bharat film me comedy kahi par bhi nahi hai bas thoda sa slow film hai. 

Lekin film ki kahaani achhi hai jaisa film me dikhaya gaya hai waisa hone lage desh me to humara desh sach me aage nikal sakta hai. Iss film ki kahaani achhi hai to agar aap ko Tamil aur Telugu nahi aata hai to ab aap hindi me dekh sakte hai ab iss ka hindi dubbed aa chuka hai aur aap ko ek baar ye film dekhni hi chahye. 

Film me action gazab ka diya hai, South Indian filmo me action hota hi hai aur kaafi khatarnaak action hota hai. Iss film ka bhi action achha hai bas romance bahut kam hai yaar. Kiara Advani film ki heroine hai lekin gaane ke alawa uska role 10 minut ka hi hai. Aam tor par South Indian filmo me aap ne dekha hoga bas romance aur action hi chalta rahta hai lekin iss film me aisa kuch nahi hai iss romance bahut kam hai. 

Image Source 

Iss film ki script achhi hai, Mujhe to film behad pasand aayi hai. Film ne kamaayi bhi achha kiya tha aur hamesha ki tarah Mahesh Babu iss film me bhi gazab ke dikh rahe they. Kamaal ke handsome hai ye itna handsome to Salman Khan bhi na lagta mujhe. Iss bande ko bollywood me hona chahye tha yaar tab aur bhi jyada maja aata.