Honte .. Grand Problème; causes et solutions الخجل .. مشكلة مرضية الأسباب و الحلول

( لا أتحدث عن الحياء الذي يحث عليه الدين و التقاليد و الاعراف و داكشي )

• اليوم بغيت نهضر على الخجل او ما يسمى ب "الحشمة" .. آه كايكون زوين تكون حشومي شوية كاتبان ظريف و كايحتارموك الناس .. ولكن ماللي كايواللي إفراط فالخجل راه واللينا فمشكلة مرضية . الخجل راه حتى هو مرض نفسي .. كايجي بسبب عدة العوائق .. هاد الخجل يقدر يخلليك الى بغيتي تهضر قدام الناس .. هاااديك الهضرة كاتقولها او تعاودها مع نفسك بزاف دالمرات عاااد تنطق بيها و تعبر عليها قدام الناس . يعني ماعندكش تلقائية فالهضرة .
• من بين الأسباب ديال هاد المشكل المرضي "الحشمة" :
  

١- عدم الثقة بالنفس ، هاداا أكبر مشكل كايواجهوه العديد من البشرية ، عائق فطريق النجاح .. و كاندوي على النجاح من جميع النواحي حتى الناحية النفسية ، هاد عدم الثقة بالنفس ، كاتخلليك ماتدويش قدام الناس حيت كاتخاف يضحكوا عليك او يستهزؤوا منك .. و هادشي من وراء باب الخجل و لكن هو راه مرض ماشي حشمة .

٢- التعنيف ، شي واليدين الله يهديهم تربيتهم غلط فغلط ، أحيانا كايضربوا ولادهم قدام النااس ، وهادشي كايخلق عند الطفل او الابن واحد الخجل من انه يشوفوه الناس النهار الثاني من بعد ماكلا لعصا قدامهم . او كايفضل انه يبقى غا بوحدوا ولا المهم مايخرجش او يشوفوه دوك الناس . و دائما وراه باب الحشمة .

٣- المرض كايجي أيضا بسبب شي موقف حرج ، مثلا زلقتي فشي بلاصة او ضحكوا عليك .. ولكن هادشي راااه عاااااادي زلقتي نوض بالضحك او باللعب و ضحك نتا على راسك و نبينا عليه السلام ماطرا والو . او مثلا تحدثتي فشي مجمع او ضحك عليك شي حد صافي من تما مابقيتي هضرتي . و دااائما وراء باب الحشمة .. و كاين اسباب كثييييرة و كثيرة ..

• ولكن راه ماشي خجل عادي راع مرض لكن قلييييل القلة اللي عارف هادشي .. ديما كايقول " انا كانحشم عادي راه تربية" لاا راه مرض .
• يمكن تعالج نفسك بطرق بسيطة فقط .. ولكن طرق بسيطة تحتاج العزيمة بلا عجز ..
• أولا خاصك تعرف ان هاد الوقت مابغاااتش هاد الخجل المفرط ، ويلل جالس فشي مجمع او يسحابليك غادي يتسناوك حتى تقول الفكرة فراسك 20 مرة عاد تخرجها لا ! حتى واحد ماغايتسنااك يعني كن تلقائي

• اولا استحضر المشكل اللي كايخلليك تحشم بزااااف و هاكا غاتلقى نيشاااان الخل ماشي نتا ماعارفش اشنو السبب و كاتجرب كاع الحلول لا . راه كل مشكل ليه حل خاااص به يعني عرف اشنو اللي خلاك تواللي هاكا .

• قراااا ثقف نفسك بحث يوميا على معلومات جديدة عمر داااك الدماغ ماتهلليهش خاوي باش نهار تبغي تهضر ماتبقاش تقلب على آش تقول خاص تكون عندك دراية باي حاجة . عقلك خاصو يكون PLEIN .
  

• هضر مع راسك بطريقة إيجابية و حرك عقلك الباطني راه بافكارك باش غايتحرك من غيرها مكينش . يعني عطيه افكاار ايجابية راه القوة كاتجي غير من تفكيرك الايجابي او السلبي و نتا تختار دابة .

• اخيرا قنع راسك راه الدنيا مافيهاااش زوين زوين زوين .. فيها زوين خايب زوين خايب زوين خايب ... الخ . يعني فجميع الحالات عبر على رأيك . و طريقة سهلة اخرى .. حط اي موقف خايب يقدر يوقع ليك فدماغك غير تخيلواا و ديك الساعة غادي تقدر تتعود على المواقف الحرجة و غايجيك الموقف من بعد ساهل .

• راه الحل بسسييط و بين يديك ، ماتبخلش على راسك بالصلح ، اصلح نفسك بنفسك مكينش لاش تتوجه للدوايات و الأطباء .. راه غير شوية من تثقيف النفس و شوية من الطاقة الايجابية تعطيها نتا راسك لراسك .. غادي تعزز عندك الثقة بنفسك و تتعود تناقش الناس فاي وقت فاي مكان بطريقة تلقااائية .
  الحشمة راه فيها حدود حتى هي .

By @rezzouk.elabiad