Tunay na Pagmamahal

Isang bulag na babae na puno ng hinanakit at galit sa mundo. Wala siyang gaanong madaming kaibigan dahil sa masamang pakikitungo niya sa mundo at sa buhay sapagkat ang kanyang kalagayan ay sinisisi niya dito, kung bakit sa dami rami ng tao sa planeta siya pa ang napiling maging bulag. Ngunit kahit ganon pa man, mayroon siyang nobyo na nagmamahal sa kanya ng lubos at tunay na handa siyang tanggapin sa kabila pa ng kanyang kapansanan. Sa tuwing sila'y nagkikita paulit-ulit niyang sinasabi na sila'y magpapakasal kapag ito'y nakakakita na.

Dumating ang isang araw may nag-abuloy ng mata sa babae. Labis niyang ikinatuwa sapagkat sa unang pagkakataon makikita na niya ang kanyang kasintahan at matutuloy narin ang kanilang pagpapakasal pero, ng ito'y kanyang masilayan lubos niyang ikinagulat dahil sa bulag din pala ito.

"Nakikita mo na ako, maaari na ba tayong magpakasal?", sabi ng lalaki.

"Hindi tayo magiging masaya! Ako'y nakakakita na pero ika'y nananatiling bulag pa, walang patutunguhan ang relasyong ito. Pumanhin" tugon ng babae.

Kasabay ng pagpatak ng luha, ngumiti ang lalaki at sinabing "Naiintindihan ko. Ang nais ko'y palagi kang masaya. Ingatan mo ang 'yong sarili ang paga-ingatan mo rin ang aking mga mata"

Ito ang aking Entry sa patimpalak na inilahok ng @steemph.cebu sa #literaturang-filipino

Maraming Samalat at sana'y inyong nagustuhan