Literaturang Filipino: "Wag Matakot sa Nakaputi"

ninyea (54)in #literaturang-filipino • 7 years ago (edited)

Naaninag mo man sila sa malayo

Kalma lang, 'wag agad tatayo

Hindi sila nananakit

Sapagkat atensyon nila'y hindi ka ipagkakait

Nawa'y magtiwala ka sa kanila

Kung ayaw mong tirikan ng kandila

Makinig at sumunod sa mga payo

Kahit ikaw pa'y isang dayo

Alagaan at papakinggan ang iyong hinaing

Gamit ang kanilang kamay na puno ng lambing

Di ka pababayaan, sakit mo'y papagaanin

Bukas makalawa'y tila wala na ang bakas na suliranin

Sasamahan ka sa hirap at ginhawa

Mga paalala at pag-aalala'y hindi sila magsasawa

Para manumbalik ang iyong sigla

Magandang pagbabago na di ka mabibigla

Ngayo'y nasa mabuti ka ng kalagayan

Tanging hiling ko sayo'y 'wag mo silang kalimutan

Laging tatandaan sarili'y wag pababayaan

Dahil ang kalusugan ay isang kayamanan

Itong tula na ito'y inaalay ko para sa mga "Nars" na tulad ko na walang humpay na nagbibigay ng kanilang oras at atensyon sa mga taong gustong mapabuti ang kalagayan. Nawa'y magustuhan ninyo ang aking likha at supurtahan ang mga nars na nagbigay kulay sa mundo ng medisina.

“Ang pagiging isang nars ay isa sa pinakamahirap na sining. Maaaring pakikiramay ang motibo, subalit ang kaalaman ang tanging lakas na nagpapakilos sa amin.”—Mary Adelaide Nutting, 1925, ang unang propesor sa pagnanars sa buong daigdig.

#kulay #philippines #poetry #whalepower