" ပြုပြင်၍မရသောေ နာင်တ "
" ပြုပြင်၍မရသော နောင်တ "
....................................
အခန်း (၁)
ဖခင်မရှိ တစ်ဦးတည်းသောသားမို့ "ဒေါ်မြသက်" သည် သားဖြစ်သူ "သက်မောင်" ကိုမဆူရက် မရိုက်ရက်ပါ ။ ရိုက်ရအောင်လည်း " သက်မောင်" ကလေးမဟုတ်တော့ပေ ။ အခုဆိုလျှင် "သက်မောင်" အသက် (၂၀) ကျော်နေပြီမဟုတ်ပါလား။ မိခင်စကား နားမထောင်သော "သက်မောင်" သည် ထင်ရာစိုင်းပြီး လုပ်ချင်ရာကို တစွတ်တိုးလုပ်တတ်သူတစ်ယောက်ဖြစ်ပါသည်။ မိခင်"ဒေါ်မြသက်" သည် သားဖြစ်သူအတွကိစိတ်သောက ရောက်နေရရှာပါသည်။ တစ်နေ့......
"ငါ့သား....မင်းအသက်လည်းငယ်တော့တာ မဟုတ်ဘူးကွယ်....အမေရှိတုန်းလေး ငါ့သားကို လူလိမ္မာတစ်ယောက်အဖြစ် အမေမြင်ချင်တယ် ငါ့သားရယ်......အဟွတ်...အဟွတ်...."
ကျန်းမာရေးမကောင်းသည့်ကြားမှ သားဖြစ်သူကို လိမ္မာစေရန် သွန်သင်ဆုံးမသော်လည်း "သက်မောင်" ကတော့ မိခင်ဖြစ်သူ၏ စကားကို နားမထောင်သည့်အပြင် ပြန်တောင်ပြောလာပါသည်။
"အမေကလည်း သားကအခုမိုက်နေလို့လား....အမေပြောပုံနဲ့တော့ သားကလူမိုက်ကြီးကျနေတာဘဲ ....နားပူတယ်အမေရာ....."
ဖခင်ဆုံးပြီးထဲက မိခင်ဖြစ်သူသည် "သက်မောင်" ကိုအကြော်ရောင်းပြီး ကျောင်းထားသော်လည်း ကျောင်းတတ်ချင်စိတ်မရှိသော "သက်မောင်" သည် ကျောင်းပြေးလွန်းအားကြီးသည့်အတွက် နောက်ဆုံးမှာတော့ကျောင်းထုတ်လိုက်ရပါသည်။အခုတော့"သက်မောင်" သည် သုံးတန်းတောင်မအောင်သောကြောင့် သေစာ၊ ရှင်စာကိုတောင်မနည်းပြူးပြဲဖတ်နေရပါသည်။
"သားရယ် အမေ့ကိုအဲ့သလိုမပြောပါနဲ့ကွယ်....ငါ့သားကိုအမေက ဒုက္ခရောက်မှာဆိုးလို့ပါကွယ်......"
"နားညီးတယ်အမေရာ .....ဘာတွေပြောမှန်းလည်းမသိဘူး.....အရက်သွားသောက်တာဘဲကောင်းတယ်.....ပိုက်ဆံပေး....."
"အမေဆန်ဝယ်ရဦးသားရယ်.....အကြော်ကလည်းအရောင်းပါးနေတယ်....မရှိဘူးသားရယ်.....မသောက်ပါနဲ့လား....."
"မပေးလည်းနေဗျာ....အိမ်မှာနေရတာနားညီးတယ်...."
အိမ်ပေါ်မှဖနောင့်စောင့်ပြီးထွက်သွားသော သားဖြစ်သူ၏လုပ်ရက်ကိုကြည့်ကာ "ဒေါ်မြသက်" စ်ိတ်ရော လူရောမောရပါတော့သည်။
××××××××××××××××××××
အခန်း (၂)
"ဟေ့ယျောင့် မင်းအမေအကြော်သည်မကြီးကို ဝယ်ခိုင်းပါလား အခုပေါ်နေတဲ့ ဆိုင်ကယ်ကအရမ်းမိုက်တယ်ကွ ဂျပန်ကလာတာ....ငါအခုစီနေတဲ့ဘီးလေ....."
ကိုယ့်အမေကို အကြော်သည်မကြီးလို့ခေါ်တာကိုလည်း "သက်မောင်" တစ်ယောက်နာရကောင်းမှန်းလည်းအသိပါ။ လိုချင်တာတစ်ခုတည်းဘဲသိသည်။
"လိုချင်တာပေါ့ကွာ ....ဈေးကြီးမှာပေါ့ကွ...."
"အဲ့အတွက်ဘာမှမပူနဲ့ အခုငါစီးနေတဲ့ဘီးကို မင်းကိုအထူးလျော့ဈေးနဲ့ပြန်ရောင်းပေးမယ် သူငယ်ချင်း အချင်းချင်းမို့လို့နော် တပြင့်လူဆိုငါမရောင်းဘူး.....ဘယ်လိုလဲ ယူမှာလား......"
"ယူမယ်ကွာ....."
"အခုလား...ဟေ့ယျောင့်...."
"အခုတော့ဘယ်ဟုတ်မလဲကွာ....ငါ့အမေကို ပြောရဦးမယ်လေ...."
"အေပြောကွာ....သိပ်ကြာရင်ငါမရောင်းတော့ဘူး...."
"အေးပါကွာ....သူငယ်ချင်းကလဲ...."
"သက်မောင်" လိုချင်တာကိုရဖို့အတွက် သွက်လက်သောခြေလှမ်းများဖြင့် မိခင်ဖြစ်သူထံလှမ်းခဲ့ပါလေသည်။
"အမေရေ...."
"ဟေ....ပြောငါ့သား....ဘာလဲ...အကြော်စားဖို့လား....."
"မဟုတ်ပါဘူးအမေရာ....သားအမေ့ကိုပြောစရာရှိလို့....."
"ဘာပြောမှာလဲ..."
"ဒေါ်မြသက်" စကားပြောရင်း နှဖူးမှချွေးများကို ပခုံးတွင်တင်ထားသော တဖက်နွမ်းလေးဖြင့်သုတ်လိုက်ပါသည်။
"ဒီလိုဗျ....သားသူငယ်ချင်းက သူစီးနေတဲ့ ဂျပန်က ဆိုင်ကယ်ကို ပြန်ရောင်းမယ်တဲ့အမေရဲ့..."
"အဲ့ဒါဘာဖြစ်လဲသားရဲ့....ဘာလဲအမေ့ကို ပွဲစားလုပ်ခိုင်းမလို့လား...အမေကစာမတတ်တော့....မလုပ်တတ်ပါဘူး သားရယ်...."
"အမေရာ...ဘာတွေပြောမှန်လည်းမသိဘူး....အမေပြောချင်ရာဘဲပြောနေတယ်....ဒါပြောတာတော့နားမထောင်ဘူး...."
"ဒါဖြင့်ဘာလဲ...."
"သားအဲ့ဆိုင်ကယ်ကိုလိုချင်တယ်....
အမေရယ်...."
"ဗုဒ္ဓေါ......အမေကဘယ်က ပိုက်ဆံနဲ့ဝယ်ပေးရမှာလည်းငါ့သားရယ်....."
"ဒေါ်မြသက်" သားဖြစ်သူ လိုချင်သောဆိုင်ကယ်ကို မဝယ်ပေးနိူင်လို့စိတ်မကောင်းဖြစ်နေရပါသည်။ဒါကိုတော့ "သက်မောင်"တစ်ယောက် မသိနိူင်ပါ။
"မရဘူးအမေရာ.....သားလိုချင်တယ်....မရမရအောင်ဝယ်ပေး .......မဝယ်ပေးရင်သားအိမ်ပြန်မလာဘူး....."
"ဟဲ့သား....အော်ဒီကလေးနဲ့တော့...."
"ဒေါ်မြသက်" င်ိုရပေါင်းများလွန်းပြီဖြစ်သောကြောင့် သူမမျက်ဝန်းအိမ်မှ မျက်ရည်တို့ကမထွက်ချင်တော့ပါ။ သူမဆုံးဖြတ်ချက်တစ်ခုကို ပိုင်ပိုင်ချရတော့ပေမည်။ သူမ "သက်မောင်" လိုချင်သော ဆိုင်ကယ်ကို ဝယ်ပေးမှာလား....။ မဝယ်ပေးဘူးလား.....မသိနိူင်သေးပါ။
×××××××××××××××××××
အခန်း (၃)
"လုပ်ပါ ဖြူဖြူရယ်ငါ့ကို မြို့ပို့ပေးစမ်းပါ တစ်ရက်နှစ်ရက်ဘဲ ....."
"နင်ကဘာလုပ်မလို့လဲ...."
"ငါ့သားဆိုင်ကယ်လိုချင်ဆိုလို့ ငါမြို့မှာအိမ်ဖော်သွားလုပ်မလို့ပါဟာ....ဒီအကြောင်းတွေကို ငါ့သားမသိပါစေနဲ့နော်......ဖြူဖြူ...အဟွတ်....အဟွတ်...."
"အေးပါဟာ...အေးပါ...အိမ်ဖော်လုပ်တာ တစ်ရက်နှစ်ရက်နဲ့ဘယ်ရမလဲဟဲ့"
"ဒေါ်ဖြူဖြူ"နှင့် "ဒေါ်မြသက်" သည် ငယ်သူငယ်ချင်းများဖြစ်ကြသောကြောင့် တစ်ယောက်အကြောင်းတစ်ယောက် သိနေကြပါသည်။
"သက်ရယ်....နင်ကျန်းမာရေးလည်းကောင်းတာမဟုတ်ဘဲနဲ့....နင့်သား သူလိုချင်တာ သူဘာသာ သူရှာပါစေပေါ့...."
"ငါ့သွားကိုငါလွမ်းတယ်....ဖြူဖြူရယ်.....ငါမဝယ်ပေးရင် သူအိမ်ပြန်လာမှာမဟုတ်တော့ဘူး......ဟင်း....ဟင်း..."
"ဒေါ်မြသက်" မျက်ရည်လေးဖြင့်ပြောပြသောအခါ သူငယ်ချင်းဖြစ်သူလည်းစ်ိတ်မကောင်းဖြစ်မိပါသည်။
"ပြောမရလည်း နင့်သဘောဘဲ....နင့်သားကိုက လွန်ပါတယ်အေ...အံ့ရော....ယောကျာင်္လေးဖြစ်ပြီး လက်ကြောကိုမတင်းဘူး....."
သားဖြစ်သူကိုအပြစ်တင်နေသော သူငယ်ချင်းဖြစ်သူကို ပြန်ပြောချင်သော်လည်း...သူပြောတာတွေက လွန်မှမလွန်ဘဲ.....
"ဘယ်နေ့သွားမှာလဲ....."
"ဖြစ်နိူင်ရင် မနက်ဖြန်မနက်စောစောသွားချင်တယ်...."
"ဒါဆိုကားလက်မှတ်ကို ညနေလောက်သွားဝယ်ရမှာပေါ့....."
"နင်ကြိုက်သလိုလုပ်...."
××××××××××××××××××××
အခန်း (၄) ဇာတ်သိမ်း
"သနားကြပါရှင်....သနားကြပါ.....အမေထမင်းဖိုးလေးမရှိလို့ သားနားကြပါကွယ်..."
"ဟင်....."
"ဒေါ်ဖြူဖြူ" စိတ်ထဲ ဒီအသံပိုရှင်ကိုရင်းနှီးနေသလိုခံစားလိုက်ရပါသည်။ ရန်ကုန်မြို့ရဲ့ လူစည်ကားသောအရပ်တွင် တောင်ရမ်းနေသော အသက်ငါးဆယ်ခန့်အရွယ်အမျိုးသမီးကြီးသည် ခေါင်းပေါ်၌ပါဝါကိုခြုံကာ လက်ကိုပတ်တီးများစည်းထားပါသည်။ ပါးပြင်မှာလည်း သနားခါးအဖွေးသားနှင့်.....။"ဒေါ်ဖြူဖြူ" ခြေလှမ်းတွေကိုရပ်တန့်ကာ တောင်းရမ်းသော အမျိုးသမီးကြီးကို ခမ်းလှမ်းလှမ်းမှနေ၍ သေချာအကဲခတ်လိုက်ပါသည်။
"ဟင်....ဟုတ်ပါတယ်...သက်မှသက်ဘဲ...သက်ရယ်ဖြစ်မှဖြစ်ရလေ သားမိုက်အတွက်နဲ့....."
"ဒေါ်မြသက်" သည်မြို့ကိုသွားသော တစ်ပတ်အတွင်းမှာ ပိန်ခြုံးကာ ချက်ချင်းကြည့်ရုံဖြင့် "ဒေါ်မြသက်" ဆိုတာချက်ချင်းမသိနိူင်ပါ။ ဒေါ်ဖြူဖြူ ပိုက်ဆံအိတ်ထဲမှ လက်ကိုင်ဖုန်းကိုထုတ်ကာ "ဒေါ်မြသက်" ၏ သားအတွက်ပေးဆက်နေသော မိခင်တစ်ယောက်ရဲ့မေတ္တာကို သားမိုက်ဖြစ်သူ "သက်မောင်" သိအောင် မှတ်တမ်းတင်လိုက်ပါလေသည်။
××××××××××××××
"ဟုတ်လို့လား အန်တီဖြူရယ်...."
"ငါ့ကိုမမေးနဲ့ မင်းဒီပုံကိုကြည့် မင်းအတွက်နဲ့မင်းအမေ မလုပ်ဖူးတာတွေလုပ်နေရပြီ....မင်းဟာလေ....."
"ပြောပါ အန်တီဖြူရယ်....မေမေ့ကိုတွေ့ခဲ့တဲ့ နေရာကိုလိုက်ပြပါအန်တီဖြူရယ် သားမေမေ့ကို တောင်းပန်ချင်လို့ပါ.....သားမေမေ့ကိုပြန်ပြီးလုပ်ကိုင်ကျွေးမွေးပြုစုပါရစေ...သားနောင်တရပါပြီ...."
"သက်မောင်" နောင်တတွေ တစ်ပွေ့တစ်ပိုက်ဖြင့် "ဒေါ်ဖြူဖြူ " ခေါ်ဆောင်ရာသို့လိုက်သွားပါလေသည်။ သို့သော်ထိုနေရာတွင် ဒေါ်မြသက်ကိုမတွေ့ရတော့ပါ။ထို့ကြောင့် "ဒေါ်ဖြူဖြူ" တစ်ယောက်မုသားသုံး၍ စုံစမ်းလိုက်သောအခါ.....
"အမ အမတို့ဆိုင်ရှေ့မှာတောင်းရမ်းတဲ့ မိန်းမတစ်ယောက် ဒီနေ့လာတာမတွေ့ပါလား .....ကျွန်မလှူဒါန်းချင်လို့ပါ...."
"အဲ့မိန်းမလား.....မနေ့ကဘဲတောင်းနေရင်းနဲ့ လမ်းပေါ်သေဆုံးသွားလို့ ရဲတွေရောက်လာစစ်ဆေးပြီး ရေဝေးကို ခေါ်ဆောင်သွားပြီးလေ အမရဲ့.....သားနားပါတယ်......"
ဆိုင်ရှင်အမကြီးပြောလိုက်သော စကားကြောင့် "သက်မောင်" ရှုံးပွဲချငိုကြွေးလေပါတော့သည်။ "သက်မောင်" ရလိုက်သော နောင်တတို့သည် ပြင်ဆင်ခွင့်မရရှိသော နောင်တများဖြစ်ခဲ့ရပါလေတော့သည်။
.........ပြီးပါပြီ........။……………End…………