Dula Sa Mga Kabataang Pinoy Kaniadtong Panahon
Dula Sa Mga Kabataan Kaniadtong Panahon
Image Source
Saunang panahon ang mga bata, dili lang mga bata, apil pa gani ang mga gagmayng ulitawo ug dalaga, malingaw na ug dula sa mga karaang dula sa mga Pinoy. Pagmagsugod na gani ug abot ang kahapunon, magsugod na gani ug kasikas ang mga kasilinganan, ang mga bata magsugod napud sa ilang mga naandang kalingawan, mao and dula. Dili dula nga DOTA, kundili dula sa lata ug uban pa.
Kung sa karong panahona ang mga bata busy ug dula sa kompyuter ug cellphone, kaniadto lahi ra kaayo. Ang mga bata kaniadto, abtik ug lig-on kay ang ilang mga dula adunay may kalambigitan sa pisikal. Dagan, singgit, katawa. Maayo usab sila makighalubilo sa ilang isig ka bata kay ang tanang dula dinaghan man. Dili mamaayo ang ilang pisikal nga panglawas kundili maingon man ang ilang sosyal na bahin.
Kung atong makita, mismo ikaw sa imong kabataan, sood kaayo sila. Ang mga silingan mag-inunungay gyud. Dili pareha karon, ang uban dili man gani kaila nga iya diay tong silingan iyang katagbo sa syudad. Ang mga silingan magkuyog moadto sa skwelahan, dili pareha karong nga iyahay nag hatod ang mga inahan. Ang ilang kasood bunga kini sa ilang relasyon nga nabatunan bahin sa ilang mga dula.
Image Source
Mga Dula Kaniadto
- Patentero
- Bato Lata
- Syatong
- Bulan-bulan
- Takyan
- Jolin
- Litik
- Karang-karang
Daghan pa kaayong dula ang wala nako maapil diri. Kamo na lang bahala ug dumdom kung unsa to sila.
Image Source
Image Source
Image Source
Image Source
Image Source
Image Source
Image Source
Kung e kumpara nato ang panahon karon sa kaniadto, mas nindot ang sa kaniadto. Karon ang mga kabataan, bisan sa ilang ka bata, aduna nay cellphone. Sa ilang cellphone daghan kaayog dula kay libre man kini ma download sa google play. Inig ka human ug cellphone, moadto dayon sa kompyuter magdula ug DOTA ug uban pang mga dula sa online.
Kaniadtong panahon, katong medyo arangan lang ang adunay TV, kasagaran wala gyud tawon, radyo ra. Mao ang mga bata, dula gyud nga pisikal ang ilang kapaingnan. Kahinumdum pako sauna, kung matanaw na gani ko ug TV, manglili pa gani ko sa bintana sa among silingan aron motanaw ug yagit nga salida. Black and white pa tawon tong TV atong panahona. May gani nakaamigo ko ug adunay TV, makasulod nako basta mo tanaw.
Image Source
Dili dautan kining maong mga butanga tungod kay timaan kini nga niuswag na gyud ang atong panahon. Dili na sama sauna apan dili lang unta nato kalimtan ang mga butang sa kaniadtong panahon kay dako kini ug ikatabang sa atong mga kabataan. Dili nato pasagdan nga ang mga teknolohiya na lang ang magtudlo kanila sa mga butang nga angay nila makat-unan tungod kay dako ang puruhan nga makat-unan usab nila ang dili dapat makat-unan.
Ang mga kabataan ang yawe sa maayong kaugmaon sa atong nasud. Unsaon man nila pagkahimo nga yawe kung sa ilang kabataan wala nila mabansay ug ayo ang ilang kaugalingon. Uo mga maalamon lagi sila apan kulang sa kaalam mahitungod sa pagpakihalubilo sa uban. Dili pa ulahi tanan. Kinahanglan magmaabtik kita nga bisan sa nagkaylap nga mga gamit sa teknolohiya, dili nato kalimtan ang mga dula sa tinood nga pinoy.
Nice Photographs
ako pinaka paborito ana sa kay ang syatong jud.. ahahah
Patentero ako :) kanang karang dili gyud ko kabalo ana bah, hangtud karon.
Pagtoon ug karang dong dli pa ulahi ang tanan luoya bataa sa?
Ahak
Weeeeee 😜
naigo jud kos kahoy anang shatong, wa nako miusab hahahaha
Relate ko ana ba, pro niapil Jpun ko ug dula ako pinakalayo mo salo d lalim maigo ba maka troma, hahaha.
taman nlang kos lantaw daun ineg naa nay magshatong tambaliyong pirmenteng hagongggggg muapil kog utong HAHAHAHAHA
Hahaha, kadula jpun diay apil man sa utong hahaha
murag ana jud hahahaha
Mag steem meet-up kaning sharing ug karang atonh him on ug acivity pulls dula ang tema "balik sa pagkabata" hahaha.
bato lata ako ug syatong.
kalingaw aning mga duwaa, those were the days hehehe :D
Aduna pa kita higayon :0
Duwa diay ka ani @fernwehninja? Duda ko lastiko ra imo Ani ba or Chinese garter :)
Kay doul man ug basakan amoa, ddto mi magdula magpalupad ug tabanog o magdakpanay nga hadlok ka mahagbong sa semento sa basakan kay puro lapok ang kilid. hahaha kalami mubalik pagkabata uy
Numdum ko sauna, dagan ko sa basakan, dayon naay bukong nagkulob, lukso dayon ko, ug sa dihang, ga lutaw man diay to, ahhhh tusmaw sa lapok :)
hahahaha ineg uli hastang lapoka ang kasaba sa inahan lami kaau
Klaro, sab-an dayon. Dili man gud lalim maglaba ug hugaw kaayo na sinia :)
Mao jud dala lusiii sa kilid ginagmay ra ba! Murag dili sakit.
Daghan kug handumanan Anang dakpanay ba pulos gisi akong tuhod ana sa una, hahaha, naapay tabanog nku hastang tulina..... Mo patiurok ba! Hahaha!
Halos tanang dula akong nadula sa una, ug katong mga Bata sa una hangtud krun naapa baskug. Pero ang mga Bata krun mga luya ug lawas dali magdaut gawas lng kung kusog2 ug immune system dli dyun magluya. Haay teknolohiya gituyo lng jud nila Aron maka-kwarta unya ang expose Ani nila? Dali r pud ang kalipay nila Kay Kung di mahanap ang mata, mabungol Mani sila!