...NISFU SYA'BAN MALAM MULIA, MALAM GETENTUKAN SEGALA HAL MANUSIA

Marhaban ya Nisfu Syakban..

Nisfu Syakban malam mulia.
Malam ampunan banmandum desja.
Malam meugantoe catatan hamba.
Buku njang baro djinoe teubuka.

Sungguh that rugoe geutanjoe hamba.
Hana meutamah nilai mulia.
Umu geutanjoe seumaken tuha.
Tintee maken toe deungon keureunda.

Tachie keuh bacut hate tabuka.
Tabentuk jiwa beumeusahaja.
Bek tanjoe cungkak sombong ngon ria.
Mandum njan na keuh penyiksa jiwa.

Ateuh salah goeb bek tameuria.
Hate beuleumoh beuteuka iba.
Beudjroh peukateun beuihsan jiwa.
Sinan keuh diduek rasa bahgia.

Wahai rakan loen mandum sjedara.
Inoeng ngon agam tuha ngon muda.
Sungguh loen peugah seupenuh jiwa.
Bak hate ku'eh hana bahgia.

Djinoe geutanjoe tachie keuh mula.
Tanjoe kap gigoe tanjoe pet mata.
Tanjoe meusumpah di dalam jiwa.
Untuk meuhudep maken mulia.

Miseu taingat taro ie mata.
Umu geutanjoe seumaken tuha.
Rindu keu jameun yoh saboh masa.
Namun atra njan tinggai cerita.

Tingat ureung sjiek ayah ngon bunda.
Peu lom ureung njan njang ka geubungka.
Jameun yoh masa tanjoe sikula.
Mak teuh sigot ok ayah teuh njang ba.

Jameun geutanjoe njang geupeudoda.
Geuayon lam di geuikat ija.
Jinoe ureung njan cukop juoh ka.
Geutanjoe mantong djinoe ka tuha.

Padim ka rame rakan sjedara.
Njang ka hana le geutinggai donja.
Tinggai geutanjoe sidroe treuk dua.
Akan taseutot rakan njang ka2.

Dari sebab njan tanjoe sjedara.
Beuthat meutuah di dalam donja.
Bek tanjoe peugah kiban njang hawa.
Banmandum kata tanggoggjaweub na.

Nibak malam njoe saah mulia.
Mari geutanjoe peusuci jiwa.
Beukeuh bak Tuhan tanjoe Geurida.
Bak Nisfu Syakban geutanjoe mula!

Selamat Nisfu Syakban, 1439. H!
Maaf segala khilaf dan ihtikaf!
Semoga kehidupan kita makin barakah.
Makin mulia. Dalam pandangan Allah dan dalam pandangan manusia! Amin!