My card collections

Bhaaiyo aaj bachpan ki yaade thodi taza ho gayi. Bachpan me bahut se cartoon mere pasandeeda tha usme se ek tha dragon ball. Aap log bhi ye dekhte hi honge ab sayad ye nahi deta hai ab to bekaar bekaar cartoon dete hai. Ab bas doreamon hi hai jo deta hai warna sab bekaar cartoon hi dete hai. Waise mujhe sab se jyada achha cartoon Pikachu lagta tha. Iss ke jaisa koi cartoon tha hi nahi yaar bahut maja aata tha dekhne me. 

Shaam ko 5 baje deta tha ye cartoon aap ko pata hai mera tuition hua karta tha aur 4 se 5 shaam ko tuition rahta tha. Shaam ko bahut hi tezi se daud ke aata tha main ye cartoon dekhne ke liye lekin fir bhi thoda sa choot hi jaata tha yaar ab kya batau tuition bhi to jaana tha warna mummy maar ke mura deti mujhe bachpan me hi. 

Ab bhi wo din yaad kar ke bahut achha lagta hai bhai log bada maja aata hai. Pahle mast mast cartoon diya karta tha aur achha time pass hota tha. Ab cartoon channel lagata hoon to dekhta hoon bas bekaar bekaar ki chije de rahi hai. Pahle sirf cartoon hi nahi shaktiman, son pari, shaka laka boom boom dekha hi hoga aap logo ne kitna mast mast chij pahle diya karta tha yaar lekin ab to bhai ye sab khatam ho gaya hai. 

Ab bas bekaar ki chije deta rahta hai. Pahle daragon ball bhi bahut achha lagta tha maine iss ke card bhi liye they. Sirf iss ke hi nahi pikachu ke bhi saare card they jitne bhi pokeamon hote they na sab ke card they mere pass bachpan me lekin wo sab bachpan me hi fatt gaya kyo ki wo bahut jyada khela karta tha sab dosto ko dikhaya karta tha isliye wo fatt gaya hai. 

Lekin dragon ball wala ab tak hai kyo ki ye mera pasandeeda nahi tha lekin fir bhi main dekhta tha aur maine iss ke bhi card liye huye they isliye ye bhi mere pass hai aur ye sahi salamat hai kyo ki iss ke saath main kam hi khelta tha. Aaj apne samaan nikaal raha tha tabhi mujhe ye jaa ke mila aur dekh sakte ho aap sabhi log abhi bhi ek dum naya lag raha hai. Aak kal ke bachho ko to ye pata bhi nahi hoga.